WEKELO 27
Ngande wakoka nyɔi ka Yeso toshimbɛ?
Sho salaka pɛkato, sowaka ndo mvɔka nɛ dia atshukanyi wa ntondo, Adama l’Eva wakahindolɛ Nzambi. a Koko kɛsɔ hɛnya dia taya bu l’elongamelo. Jehowa akalɔngɔsɔla yoho mɔtshi dia totshungola oma lo mananu ka pɛkato ndo ka nyɔi oma lo tshimbo y’Ɔnande, Yeso Kristo. Bible mbetshaka di’oma lo tshimbo ya nyɔi kande, Yeso akakimɔ oshinga w’etshungwelo. Oshinga w’etshungwelo ekɔ kɛnɛ kakimɔ onto dia ntshungola onto ɔmɔtshi. Yeso akakimɔ nɛmɔ dia lɔsɛnɔ lande l’onto la kokele. (Adia Mateo 20:28.) Etena kaketawɔ Yeso dia nshisha lotshungɔ lande la nsɛna pondjo pondjo lanɛ la nkɛtɛ, nde akatodihwɛ mboka dia sho nkondja kɛnɛ tshɛ kakashisha Adama l’Eva. Yeso akɛnya nto ngandji k’efula katokande nde la Jehowa. Wekelo ɔnɛ wayokokimanyiya dia ndeka monga la lowando lo nyɔi ka Yeso.
1. Ngande wakokaso nkondja wahɔ oma lo nyɔi ka Yeso ɛlɔ kɛnɛ?
Lam’ele tekɔ atshi wa pɛkato, sho salaka awui efula wahangɛnyangɛnya Jehowa. Koko, naka sho ndjatshumoya l’otema ɔtɔi lo pɛkato yaso ndo nɔmba Jehowa dia todimanyiya lo tshimbo ya Yeso Kristo ndo naka sho nsala la wolo diaha nkalolɛ munga shɔ nto, kete sho kokaka monga la diɔtɔnganelo dia ma ma la Nzambi. (1 Joani 2:1) Bible mbutaka ɔnɛ: “Nɛ dia Kristo akavu mbala 1 lo pondjo dikambo dia pɛkato, onto ɔlɔlɔ akavwɛ anto wa kɔlɔ dia nyɔlɔmbɔla otsha le Nzambi.”—1 Petero 3:18.
2. Ngande wakokaso nkondja wahɔ oma lo nyɔi ka Yeso, lo nshi yayaye?
Jehowa akatome Yeso dia ndjokimɔ lɔsɛnɔ lande l’onto la kokele “dia onto tshɛ longa la mbetawɔ le nde atovɔke, koko akondja lɔsɛnɔ la pondjo.” (Joani 3:16) Diɛsɛ la kɛnɛ kakasale Yeso, Jehowa ayanga minya keem’edja awui tshɛ wa kɔlɔ wakatela ohindodi w’Adama. Dui sɔ nembetshiyaka dia naka sho monga la mbetawɔ l’olambo wa Yeso, kete tayokondja diaaso dia ndjɔsɛna pondjo pondjo lo paradiso ka la nkɛtɛ!—Isaya 65:21-23.
NYOMOTSHIMOLA
Fudia eokelo kayɛ kendana l’ɔkɔkɔ wakakimɔ Yeso lɔsɛnɔ lande, ndo sɛdingola wahɔ wakokayɛ nkondja.
3. Nyɔi ka Yeso akatotshungola oma lo pɛkato la nyɔi
Nyende VIDƐO, ndo oma laasɔ, nyɔkɛtshanya dimbola diayela nɛ:
-
Diaaso diakɔna diakashisha Adama etena kakandahindolɛ Nzambi?
Nyadia Rɔmɔ 5:12, ndo oma laasɔ, nyɔkɛtshanya dimbola nɛ:
-
Etombelo akɔna wambonga la pɛkato kaki Adama lo lɔsɛnɔ layɛ?
Nyadia Joani 3:16, ndo oma laasɔ, nyɔkɛtshanya dimbola nɛ:
-
Lande na kakatome Jehowa Ɔnande lanɛ la nkɛtɛ?
-
Adama aki pami ka kokele kakahindolɛ Nzambi, ndo l’ɔtɛ wa dikambo sɔ, anto wekɔ lo nsala pɛkato ndo wekɔ lo mvɔ
-
Yeso aki kokele ndo akakitanyiya Nzambi. Diɛsɛ la nde anto wayokoma kokele ndo wayɔsɛna pondjo pondjo
4. Anto tshɛ koka nkondja wahɔ oma lo nyɔi ka Yeso
Nyende VIDƐO, ndo oma laasɔ, nyɔkɛtshanya dimbola nɛ:
-
Ngande wakoka anto tshɛ nkondja wahɔ oma lo nyɔi k’onto ɔtɔi?
Nyadia 1 Timɔte 2:5, 6, ndo oma laasɔ, nyɔkɛtshanya dimbola nɛ:
-
Adama aki pami ka kokele, koko lam’ele nde akasale pɛkato, anto tshɛ wekɔ lo nsala pɛkato ndo wekɔ lo mvɔ. Yeso nde lawɔ aki pami ka kokele. Lo yoho yakɔna yakandayakimɔ oko “oshinga w’etshungwelo wɛdimi”?
5. Oshinga w’etshungwelo wekɔ woshasha wakakosha Jehowa
Angɛnyi wa Jehowa mbɔsaka oshinga w’etshungwelo oko woshasha w’onto ndamɛ. Ɛnyɛlɔ, nyadia Ngalatiya 2:20, ndo oma laasɔ, nyɔkɛtshanya dimbola nɛ:
-
Ngande wakɛnya ɔpɔstɔlɔ Pɔɔlɔ dia nde akɔsaka oshinga w’etshungwelo oko woshasha w’onto ndamɛ?
Etena kakasale Adama pɛkato, nde la tokanula tande tshɛ wakalongola dilanya dia nyɔi. Koko Jehowa akatome Ɔnande dia ndjovɔ dia wɛ nkondja diaaso dia nsɛna pondjo pondjo.
Etena kadiayɛ avɛsa wayela anɛ, nkanyiya woho wakahombe Jehowa ndjaoka etena kakandɛnaka Ɔnande asowa. Nyadia Joani 19:1-7, 16-18, ndo oma laasɔ, nyɔkɛtshanya dimbola nɛ:
-
Ngande wayaokayɛ lo kɛnɛ kakakosalɛ Jehowa nde la Yeso?
ONTO ƆMƆTSHI MBEYAKA KOMBOLA ƆNƐ: “Ngande wakakoke onto ɔtɔi mvɔ lo dikambo di’anto tshɛ?”
-
Ngande wayoyokadimola?
LO TSHENA PE
Lam’ele Yeso akatovwɛ, Jehowa koka todimanyiya pɛkato yaso ndo sho koka nsɛna pondjo pondjo.
Ovuswelo
-
Lande na kakavu Yeso?
-
Lo woho akɔna waki lɔsɛnɔ l’onto la kokele la Yeso oshinga w’etshungwelo wɛdimi?
-
Ngande wakokayɛ nkondja wahɔ oma lo nyɔi ka Yeso?
SALA EYANGELO
Eka dia mbeya lande na kelamɛ lɔsɛnɔ la Yeso l’onto la kokele ɔnɛ oshinga w’etshungwelo.
Yanga dia mbeya kɛnɛ kahombaso nsala dia shimbamɛ.
Onde Jehowa koka dimanyiyɛ onto kaanga pɛkato ya weke?
“Ekadimwelo lo ambola w’oma lo Bible” (Tshoto y’Etangelo, Ngɔndɔ ka tanu 1, 2013)
Enda woho wele mbeka awui wendana la olambo wa Kristo akakimanyiya pami kɛmɔtshi dia ntshikitanya lonto lande.
a Pɛkato halembetshiya tsho tshelo ya nsala dui dimɔtshi dia kɔlɔ. Tɔ nembetshiyaka nto eongelo ka kɔlɔ kakatahowɔ.
Enda ndo lo...
AMBOLA WALEKA ANTO NDJAOKA
Ngande wasalema wekelo wa Bible walɔmba Ɛmɛnyi wa Jehowa?
Lo ekongelo ka wekelo wa Bible k’ofele kalɔmba Ɛmɛnyi wa Jehowa, wɛ koka nkamba la ekadimwelo tshɛ ka Bible keyɛ la tɔ. Tengengake dia mbelɛ nkumbo k’otondo kana ɔngɛnyi ayɛ tshɛ dia mbɔtɔ kaamɛ la yɛ lo wekelo.
