Ta skaj te la skʼaxuntaybeyik smantal Dios te Adán sok te Eva ta jpisiltik jmulawilotik, ya xwoklajotik sok ya xlajotik. a Pero te Jehová ay bin la spasix, la yakʼ te sNichʼan—te Jesucristo—yuʼun ya yakʼotik ta libre ta swenta te mulil sok te lajel. Te Biblia ya yal te la stoj jmultik te Jesús te kʼalal laj ta jtojoltike. La stoj sok te skuxlejal, melel tojil winik stukel (kʼopona Mateo 20:28). Maba la skʼan te ya xkuxin jilel ta Balumilal ta sbajtelkʼinal. Jich la sjambotik te be yuʼun ya jtatik te bin chʼay yuʼunik te Adán sok te Eva. Sok chiknaj ta ilel te kʼuxotik ta yoʼtan te Jesús sok te Jehová. Te bin ya anop ta lección ini yame skoltayat ta yalelxan wokol ta swenta te laj ta jtojoltik te Jesuse.

1. ¿Bin-utʼil ya skoltayotik ta ora ini te laj te Jesuse?

Ta skaj te jmulawilotike bayal bin ya jpastik te ma smulan te Jehová. Pero ya xjuʼ ya kamigoin jbatik sok te Dios teme ya jsujtes koʼtantik ta smelelil, ya jkʼanbeytik perdón ta swenta sbiil te Jesús sok teme ya jpastik tulan yuʼun maba ya jpastik yan buelta (1 Juan 2:1). Te Biblia jich ya yal: «Te Cristo jmehl nax laj ta scuenta mulil, ha laj te machʼa toj ta scuenta te machʼatic ma tojuquic, yuʼun ya yiqʼuex bahel ta stojol Dios» (1 Pedro 3:18).

2. ¿Bin-utʼil ya skoltayotik ta pajel chaʼbej te slajel te Jesuse?

Te Jehová la stikun tal te sNichʼan te maʼyuk smul swenta ya yakʼ te skuxlejal «yuʼun spisil te machʼatic ya schʼuhunic ma ba ya xchʼayic, ay scuxlejalic sbahtel qʼuinal yuʼun» (Juan 3:16). Ta swenta te bin la spas te Jesuse, te Jehová nopolix ya slajin te bintik ma lek kʼoem ta pasel ta skaj te la skʼaxuntay kʼop te Adán. Jaʼ yuʼun, teme ya kakʼ schʼuunel koʼtantik ta stojol te Jesús, yame jmulantik te kuxlejalil ta sbajtelkʼinal ta jun nichimal kʼinal liʼ ta Balumilal (Isaías 65:21-23).

 JNOPTIKXAN TA LEK

3. Te bitʼil laj te Jesús jilotik ta libre yuʼun te mulil sok te lajel

1. Tojil winik-a te Adane, pero ta skaj te la skʼaxuntaybey smantal te Diose, och mulil sok lajel ta stojol spisil te ants winiketike.

2. Tojil winik-a te Jesuse, sok ta swenta te la schʼuunbey smantal te Diose, la sjam te be ta stojol te ants winiketik swenta ya xkuxinik ta sbajtelkʼinal bitʼil tojil ants winiketik.

4. Ta jpisiltik ya jta jlekilaltik yuʼun te laj te Jesuse

 5. Te Jehová la yakʼ ta atojol te sNichʼane

Te machʼatik yamigoinej sbaik sok te Jehová jich ya yilik bitʼil majtanil te akʼbotik ta jujuntul te laj ta stojolik te Jesuse. Kiltik jun ejemplo, kʼoponaik Gálatas 2:20 sok albeyaik skʼoplal ini:

• Ta swenta te bin la yal te jpuk-kʼop Pablo, ¿bin-utʼil la yakʼ ta naʼel te jich la yil bitʼil jun majtanil ta stojol te laj te Jesuse?

Ta swenta te ma la schʼuun kʼop te Adane, och te lajel ta spisil te stsʼumbale. Pero te Jehová la stikun tal te sNichʼan yuʼun ya xlaj ta jtojoltik yuʼun jich ya ata akuxlejal ta sbajtelkʼinal.

Nopa awaʼiy te binwan-utʼil la yaʼiy sba te Jehová kʼalal la yil te kʼax swokol te sNichʼane. Kʼoponaik Juan 19:1-7 sok 16-18, sok albeyaik skʼoplal ini:

• ¿Bin-utʼil ya awaʼiy aba ta swenta te bin la spasik ta atojol te Jehová sok te Jesuse?

 ¿BINTIK LA JNOPTIK?

Ta swenta te laj ta jtojoltik te Jesuse, te Jehová ya spasbotik perdón te jmultik sok ya xjuʼ ya xkuxinotik ta sbajtelkʼinal.

¿Jilbal ta awoʼtan into?

• ¿Bin yuʼun laj te Jesuse?

• ¿Bin yuʼun te jaʼ snujpʼ laj te Jesuse?

• ¿Bin lekilal ya ata ta swenta te laj te Jesuse?