Тунҗа инсан Адәм ата билән Һава ана Худаға исиян көтәргәнликтин, бизму гунакар болуп, азап-оқубәт чекимиз вә өлүмиз a. Амма биз үмүтсиз әмәс, чүнки Худа Өз Оғли Әйса Мәсиһни йәр йүзигә әвәтип, бизни гунадин қутқузушниң йолини ачқан. Муқәддәс китапта йезилғандәк, Әйса Мәсиһ өз җенини пида қилиш арқилиқ төләм бәргән. Төләм — бир кишини қутқузуш үчүн төлинидиған һәқ. Әйса Мәсиһ өзиниң мукәммәл инсан һаятини берип, шу һәқни төлигән (Мәтта 20:28ни оқуң). У өз ихтияри билән йәр йүзидә мәңгү яшаш һоқуқидин ваз кәчкәндә, бизниң Адәм ата билән Һава ана йоқатқан барлиқ нәрсиләргә қайта еришишимизгә йол ачқан. Шу арқилиқ Әйса Мәсиһ өзиниң вә Атиси Йәһваниң бизни бәкму яхши көридиғанлиғини көрситип бәргән. Бу дәрис һәзрити Әйсаниң өз җенини бәргәнлигигә болған миннәтдарлиғимизни техиму ашурушқа ярдәм бериду.

1. Бүгүнки күндә Әйсаниң өлүми бизгә қандақ ярдәм бериду?

Биз гунакар болғачқа, Йәһва өч көридиған нурғун ишларни қилимиз. Бирақ биз гуналиримизға чин жүрәктин товва қилсақ, Әйса Мәсиһниң төләм қурбанлиғи асасида Йәһвадин кәчүрүм сорисақ вә пүтүн күчимиз билән охшаш хаталиқни қайта қилмаслиққа тиришсақ, шундила Худа билән йеқин дост болуп, хошаллиқ тапалаймиз (Йоһанниң 1-хети 2:1). Муқәддәс китап шундақ дәйду: «Һәққаний инсан Мәсиһ һәққанийсиз кишиләрни Худаға елип келиш үчүн, бир қетим вә мәңгүгә өзини пида қилди. У инсан сүпитидә өлүп, роһ сүпитидә тирилди» (Петрусниң 1-хети 3:18).

2. Келәчәктә Әйса Мәсиһниң өлүми бизгә қандақ ярдәм берәләйду?

Әйса Мәсиһ мукәммәл инсан һаятини пида қилсун дәп, Йәһва Худа уни йәр йүзигә әвәткән. Шуңа һәзрити Әйсаға ишәнч қилғанларниң һәммиси һалак болмай, мәңгүлүк һаятқа еришиду (Йоһан 3:16). Униң төләм қурбанлиғиға чәксиз миннәтдармиз. Йәһва Худа пат арида Адәм атиниң итаәтсизлиги түпәйли пәйда болған барлиқ яманлиқларни йоқ қилиду. Шуңа биз Әйса Мәсиһниң төләм қурбанлиғиға ишәнсәк, кәлгүси йәр йүзи җәннәттә мәңгү яшаш пурситигә еришимиз (Йәшая 65:21—23).

 ЧОҢҚУРИРАҚ ҚЕЗИҢ

3. Әйса Мәсиһниң өлүми бизни гуна вә өлүмдин азат қилиду

1. А. Мукәммәл инсан Адәм ата Худаға итаәтсизлик қилған, шуңа инсанлар гуна вә өлүм йолиға кирип қалған

2. Ә. Мукәммәл инсан Әйса Мәсиһ Худаға итаәт қилған, шуңа инсанларниң мукәммәлликкә еришип, мәңгү яшишиға йол ечилған

4. Әйсаниң өлүминиң барлиқ инсанлар үчүн әһмийити зор

 5. Төләм — Йәһва Худаниң сизгә бәргән соғиси

Йәһва Худаниң достлири төләмни шәхсән өзигә берилгән бир соға сүпитидә көриду. Галатилиқларға 2:20ни оқуң, кейин төвәндики соалға җавап бериң:

• Паулниң қайси сөзлири төләмни өзигә шәхсән берилгән соға сүпитидә көргәнлигини көрситиду?

Адәм ата гуна қилғанда, у вә униң барлиқ әвлатлири өлүмгә һөкүм қилинған. Бирақ Йәһва Худа Өз Оғлини төләм қурбанлиғи үчүн әвәткән. Шуңа мәңгү шат-хорам яшаш үмүтигә еришәләйсиз.

Төвәндики айәтләрни оқуғанда, Йәһва Худаниң Өз Оғлиниң азап-оқубәт чекиватқанлиғини көргәндә, қандақ һис-туйғуда болғанлиғини көз алдиңизға кәлтүрүң. Йоһан 19:1—7, 16—18ни оқуң, кейин төвәндики соалға җавап бериң:

• Йәһва Худа вә Әйса Мәсиһниң сиз үчүн немә қилғанлиғини билгәндә, сиз қандақ һис-туйғуда болдиңиз?

 ХУЛАСӘ

Әйса Мәсиһниң төләм қурбанлиғи асасида Йәһва Худа гуналиримизни кәчүриду. Шу төләм йәнә бизгә мәңгү шат⁠-⁠хорам яшаш үмүтини бериду.

Тәкрарлаш

• Әйса Мәсиһ немә үчүн өлгән?

• Қайси усулда Әйса мукәммәл һаятини қиммәтлик төләм сүпитидә бәргән?

• Һәзрити Әйсаниң өлүминиң сиз үчүн қандақ әһмийити бар?