TIMIRTTE 27
Yesuusi Hayqqidoogee Nuna Waati Ashshii?
Koyro asati Addaameenne Hewaana Xoossawu azazettibeenna gishshawu, nuuni nagaraa oottoos, waayettoosinne hayqqoos. a Gidikkonne, nuussi hidootay deˈees. Yihooway ba Naˈaa Yesuus Kiristtoosa baggaara nagaraappenne hayquwaappe nuna ashshiyo ogiyaa giigissiis. Yesuusi hayqqidi nuussi wozo gididoogaa Geeshsha Maxaafay yootees. Wozoy issi uraa laˈa kessanawu imettiya miishshaa. Yesuusi wottiyoobi baynna ba deˈuwaa wozo oottidi immiis. (Maatiyoosa 20:28 nabbaba.) Yesuusi saˈan merinawu deˈiyo maataa ba sheniyan aggi bayiyoogan, Addaameppenne Hewaanippe halida ubbabaa nuuni demmanaadan ogiyaa dooyiis. Inne Yihooway nuna ay keena siiqiyaakkokka Yesuusi qonccissiis. Ha timirttee Yesuusi hayqqidoogaa neeni wozanappe nashshanaadan oottana.
1. Yesuusi hayqqidoogee ha wodiyan nuna waati maaddii?
Nuuni nagaranchcha gidiyo gishshawu Yihoowa ufayssenna darobaa oottoos. Gidikkonne, nuuni nu nagaran wozanappe zilˈˈettidi Yihooway Yesuus Kiristtoosa baggaara atto gaanaadan oychchikko, qassi he nagaraa zaarettidi oottennaadan wozanappe baaxetikko, Xoossaara dabbotaa minttana danddayoos. (1 Yohaannisa 2:1) Geeshsha Maxaafay, “Kiristtoosi nuna Xoossaakko efaanau, baayyo xillo gidiiddi, makkalanchchatu gishshau, issitoo ubbaa nagarau haiqqiis” yaagees.—1 PHeexiroosa 3:18.
2. Yesuusi hayqqidoogee sinttappe nuna waati maaddanee?
Yihooway “[Yesuusa] ammaniya ubbai merinaa de7uwaa ekkanaappe attin, xayenna mala” Yesuusi wottiyoobi baynna ba deˈuwaa immanaadan kiittiis. (Yohaannisa 3:16) Yesuusi wozo gidido gishshawu, Addaamee azazettibeennaagee gattido iitabaa ubbaa Yihooway mata wode xayssana. Hegaa giyoogee, Yesuusa yarshshuwan nuuni ammanikko, saˈay gannate gidiyo wode merinawu ufayttidi deˈana danddayoos giyoogaa!—Isiyaasa 65:21-23.
LOYTTA AKEEKA
Yesuusi nu gishshawu ba shemppuwaa ayssi aatti immidaakko, qassi hegee nena waati maaddiyaakko loytta akeeka.
3. Yesuusi hayqqidoogee nuna nagaraappenne hayquwaappe laˈa kessees
BIIDUWAA beˈite; yaatidi kaallidi deˈiya oyshaa tobbite.
-
Addaamee Xoossawu azazettennan ixxido gishshawu appe halidabay aybee?
Roome 5:12 nabbabite; yaatidi ha oyshaa tobbite:
-
Addaamee nagaraa oottidoogee ne bolli ay kaalettidee?
Yohaannisa 3:16 nabbabite; yaatidi ha oyshaa tobbite:
-
Yihooway ba Naˈaa ha saˈaa kiittidoy aybissee?
-
Addaamee wottiyoobi baynna asa; shin I nagaraa oottido gishshawu asay ubbay nagaraa ootteesinne hayqqees
-
Yesuusi Xoossawu azazettiya wottiyoobi baynna asa; qassi hegaappe denddidaagan asay nagaraappe geeyidi merinawu deˈana danddayees
4. Yesuusi hayqqidoogee asa ubbaa maaddana danddayees
BIIDUWAA beˈite; yaatidi kaallidi deˈiya oyshaa tobbite.
-
Issi uri hayqqiyoogee asa ubbaa waati maaddii?
Koyro Ximootiyoosa 2:5, 6 nabbabite; yaatidi ha oyshaa tobbite:
-
Addaamee wottiyoobi baynna asa; shin I nagaraa oottido gishshawu asay ubbay nagaraa ootteesinne hayqqees. Addaameegaadan, Yesuusikka wottiyoobi baynna asa gidiyo gishshawu I oottana danddayidobay aybee?
5. Wozoy Yihooway neeyyo immido imota
Yihoowa dabboti wozuwaa banttassi imettidabadan xeelloosona. Leemisuwawu, Galaatiyaa 2:20 nabbabite; yaatidi ha oyshaa tobbite:
-
Kiitettida PHawuloosi wozuwaa bawu imettidabadan xeelliyoogaa waati bessidee?
Addaamee nagaraa oottido wode Yihooway inne A zeretta ubbay hayqqanaadan pirddiis. SHin Yihooway neeni merinawu deˈana mala, ba Naˈay hayqqanaadan kiittiis.
Neeni kaallidi deˈiya xiqiseta nabbabaydda, ba Naˈay waayettiyo wode Yihoowawu aybi siyettidaakko qoppa. Yohaannisa 19:1-7, 16-18 nabbabite; yaatidi ha oyshaa tobbite:
-
Yihoowaynne Yesuusi neeyyo oottidoban niyo aybi siyettii?
ISSI URI HAGAADAN OYCHCHANA DANDDAYEES: “Issi asi hayqqido gishshawu ubba asay waani attana danddayii?”
-
Woygada zaaruutee?
AY AKEEKADII?
Yesuusi hayqqido gishshawu, Yihooway nu nagaraa atto gaana danddayees; qassi nuuni merinawu deˈana danddayoos.
Zaaretuwaa
-
Yesuusi hayqqidoy aybissee?
-
Wottiyoobi baynna Yesuusa deˈoy bixe wozo gididoy ayba ogiyaanee?
-
Yesuusi hayqqidoogan waana goˈettana danddayay?
PILGGA
Wottiyoobi baynna Yesuusa deˈoy wozo geetettiyoy aybissakko akeeka.
“Yesuusa Yarshshoy Waatidi ‘Daro Asaa Wozii’?” (Nu websaytiyan deˈiyaaba)
Nuuni nagaraappenne hayquwaappe attanawu ay oottana koshshiyaakko akeeka.
Yihooway gita nagaraakka atto gaanee?
“Geeshsha Maxaafaabaa Oychchiyoobatu Zaaruwaa” (Wochchiyo Keelaa huuphe yohuwaa)
Kiristtoosa yarshshuwaabaa eridoogee issi bitanee ba eeshsha laammanaadan waati maaddidaakko akeeka.
“Taani Haˈˈi Makkalawu Aylle Gidikke” (Nu websaytiyan deˈiyaaba)
a Nagaray iitabaa oottiyoogaa xalla gidennan, nuuni Addaamenne Hewaani zeretta gidiyo gishshawu iitabaa oottanawu amottiyoogaakka bessiyaaba.
Hageeta Beˈadii?
ASAY DAROTOO OYCHIYO OYSHATA
Yihoowa Markkati Geeshsha Maxaafaa Xannaˈissiyoy Ayba Ogiyaanee?
Yihoowa Markkati miishsha qanxxissennan xannaˈissiyo prograamiyan, Geeshsha Maxaafaa birshshettaa awugaakka goˈettana danddayaasa. Ne so asa ubbaynne ne laggetikka nenaara xannaˈanaadan shoobbana danddayaasa.
