ჩქი ფცოდენთ, იბტანჯებუთ დო ბღურუთ, მუშენდა ადამ დო ევაქ ვა დემორჩილეს ღორონთის. a მარა უიმენდო მდგომარეობას ვა ვორეთ. იეჰოვაქ მუშ სქუა, იესო ქრისტე, მაშქვჷ დედამიწაშა, ნამდა ჩქინო დოღურედკო. თენა მარზენა საშვალებას, დუდ დეფრსხათ ცოდვა დო ღურაშე. ბიბლია მოგურუანა, ნამდა იესოქ მუშ სიცოცხლეშ დათმებათ გიშაჸიდირალ გინიგ. გიშაჸიდირალ რე საფასურ, მუდგას პიროვნებაშ დარსხებელო გაფულენა. იესოქ მუშ სრულყოფილ სიცოცხლეთ გინიგ თე გიშაჸიდირალ (წეკითხით მათეშ 20:28). მუჟამსით იესოქ მუშ ნებათ დათმჷ დედამიწას მარადიულო ცხოვრებაშ შესაძლებლობა, თიქ შარა გომინწყეს, ნამდა დიფრთინუათ თი ირფელ, მუთ ადამ დო ევაქ ოდინეს. იესოქ თინა ხოლო მოძირეს, მუნერ მანგარო ვუჸორთ თის დო იეჰოვას. თე დუდ ქიმგეხვარებნა, უმოსო დაფასათ იესოშ გიშაჸიდირალ.

1. მუ ჯგირობუაშ მოღალა შეულებ იესოშ ღურას ამდღა?

ჩქი ცოდვილეფ ვორეთ, ათეშენ, ბრელშა ვუწყუნუანთ იეჰოვას გურს. მარა, მუჟამსით დაშებულს მთელ გურით ბნარღენთ, იეჰოვას იესოშ სახელით პატიებას ფთხინთ დო ირნერო ვოცადუთ, კინ თეცალ შეცდომა ვა დუშვათ, შემალებენა ღორონთწკუმა ხოლოშიან ურთიერთობა მიღდან (1 იოანე 2:1). ბიბლია იჩიებ: „ქრისტექ ხოლო ცოდვეფიშ გურშენ ხომ დოღურ, მართალქ უმართლოეფიშ გურშენ, ნამდა ღორონთწკუმა შეგარიგესკო!“ (1 პეტრე 3:18).

2. მუ ჯგირობუაშ მოღალა შეულებ იესოშ ღურას მომავალს?

იეჰოვაქ მაშქვჷ იესო, ნამდა მუშ სრულყოფილ სიცოცხლე დათმუკო, „მუშენდა მიდგა თიშ [იესოშ] რწმენას გიმირჩქინანს, ვა ღურას დო მარადიულ სიცოცხლე უღდას“ (იოანე 3:16). იესოშ გიშაჸიდირალიშ ჭყოლოფათ იეჰოვა მალას ბოლოს მუღენს ირნერ უბადობას, მუდგაქ ადამიშ დაუმორჩილებლობას მაჸუნ. თენა ნიშნენს, ნამდა იესოშ გიშაჸიდირალიშ რწმენას გუვავითარენთ-და, შემალებენა მარადიულო გეფხარათ ცხოვრებათ სამოთხეს დედამიწას! (ესაია 65:21—23).

 ქიგეგით უმოს

3. იესოშ ღურა მათავისუფლენა ცოდვა დო ღურაშე

1. ა. ადამ სრულყოფილ კოჩ რდჷ, მიდგაქ ვა დემორჩილ ღორონთის დო კაცობრიობა ცოდვა დო ღურაშ შარას ქიგიორინუ

2. Ბ. იესო სრულყოფილ კოჩ რდჷ, მიდგაქ დემორჩილ ღორონთის დო კაცობრიობას შარა გოუნწყჷ სრულყოფილება დო მარადიულ სიცოცხლეშა

4. იესოშ ღურას არძაშა შეულებ ჯგირობუაშ მოღალა

 5. გიშაჸიდირალ რე ძღვინ, ნამუთ იეჰოვაქ მერჩეს

იეჰოვაშ თითოულ მეგობარ გიშაჸიდირალს ღორონთიშ ნაჩუქერ ძღვინო მირჩქინანს. მაგალთო, წეკითხით გალატელეფიშ 2:20 დო უკულ გარჩით თუდო მოჩამილ კითხვა:

• მუჭო ოძირუ პავლექ, ნამდა გიშაჸიდირალს თეშ უჯინედ, მუჭოთ პირად ძღვინს?

მუჟამსით ადამქ შეცოდ, თიქ მუშ დუდ დო გამნარყ ხოლო ღურაშ შარას ქიგიორინუ. მარა იეჰოვაქ მუშ სქუაშ სიცოცხლე დათმჷ, ნამდა მიღდესკო შესაძლებლობა, მარადიულო გეფხარითკო ცხოვრებათ დედამიწას.

თე მუხლეფიშ კითხირიშ დროს, წერმიდგინით, მუს გინაფლენდკონ იჸიდ იეჰოვა, მუჟამსით ორწყედ, მუჭო იტანჯებუდ მუშ სქუა. წეკითხით იოანეშ 19:1—7, 16—18 დო უკულ გარჩით თუდო მოჩამილ კითხვა:

• მუჭო მოქმედენს თქვანდა თიშ გაგება, მუთ იეჰოვა დო იესოქ თქვანო აკეთეს?

დასკვნა

იესოშ გიშაჸიდირალიშ საფუძველშა, იეჰოვას შეულებ მაპატუან ცოდვეფ. თეს გეძინელ, იესოშ მსხვერპლ მარზენა საშვალებას, მარადიულო გეფხარათ ცხოვრებათ.

გამეორებელ კითხვეფ

• მუშენ ღურჷ იესოქ?

• მუშენ შემლებნა ფთქუათ, ნამდა იესოშ სრულყოფილ სიცოცხლე „შესაბამის გიშაჸიდირალ“ რდჷ?

• მუჭო შეულებ იესოშ გიშაჸიდირალს თქვანდა ჯგირობუაშ მოღალა?