Kwa sɔnyɔŋ kɛ, ku mɔ̃lɛ, ku saa kpɛni fei nuu-kpunei maa-ŋuŋ Adaŋ da Ii di Ɣala woo pili. a Kɛlɛ kili-kɛ-zu kaa nii kuyeei. Ziova aa pere laa ɓo a gɛɛ ku ŋuŋ-maa-ɓo sɔlɔ ɓo sɔnyɔŋ da saa yeei Noŋ Zisɛ Korai sarai. Ŋala-kɔlɔi e mo a gɛɛ Zisɛ e maa-tee-sɛŋ tɛɛ ŋɔsaai sarai. Maa-tee-sɛŋ ɓa zɛŋ nyii nuu a dɛɛ a gɛɛ e nuu ta maa tee la. Maa-tee-sɛŋ Zisɛ e dɛɛi ɓa ŋɔfulu-laa maa waai. (Maafiu 20:​28 lono.) Ee Zisɛ e kɛ a maa waai, maa nɛ̃ɛi kɛ e kɛ ɣeniɛ wɔlɔ-wɔlɔ da wɔlɔ-wɔlɔ nɔii ma. Kɛɛ e ŋɔfulu-laai tɛɛ a nii kelee a gɛɛ e pere laa ɓo a gɛɛ ku zɛŋ kelee Adaŋ da Ii di naŋ sɔlɔ ɓo. Zisɛ e ŋɔnɔ ŋwɛli-kɛ-maai nyaa da Ziova yeei kumɛni mai lɛ a zu ponoɔ. Zɛŋ-lɛɛi ŋi a pai kpɔnii ya a gɛɛ I iyee-see-mui su kpanaŋ Zisɛ ŋɔsaai mɛni ma.

1. Zisɛ ŋɔsaai a pɔri kpɔnii leŋ kua saa?

Ee kukaa a sɔnyɔŋ kɛ-ɓelai, kwa mɛni nyɔmɔɔ tamaa kɛ nyii ve a Ziova nĩa-mɛnii. Kɛlɛ, kwa kulii pene a tɔ̃ya pere ku Ziova fɛli Zisɛ sarai a gɛɛ e ku su mɛni lɛɛ, ku kɔ a gɛɛ kufe ŋɔnɔ bɔara-mɛni-maai ti kɛ, kwa pɔri laoi-laa lɛlɛɛ kɛi a Ɣala. (1 Zɔŋ 2:1) Ŋala-kɔlɔi e mo nyɛɛi: “Korai maŋ e saa sɔnyɔŋ mɛni ma zu tɔnɔ. Dɔ̃ya-nuui e saa kuai kukaa a zɔnyɔŋ-ɓelai kumɛni ma a gɛɛ e pa a kua Ɣala pɔ.”​—1 Pitɛ 3:​18.

2. Kwa pɔri mɛni lɛlɛɛ sɔlɔ ɓoi leŋ Zisɛ ŋɔsaai sarai tinaa-tuɛ-pere?

Ziova e Zisɛ tɛɛ a gɛɛ e ŋɔfulu-laa maa waai tɛɛ kumɛni ma “a gɛɛ nuui kelee a laa [a Zisɛ] ŋuŋ la fe pai pilii, kɛlɛ ŋwɔlɔ-wɔlɔ fulu-laai kaa nyeei.” (Zɔŋ 3:​16) Kwa Zisɛ sɛɣɛi fe mɛnii e gɛi mɛni ma, kpɛni fei tãi kpua yee mu Ziova a pai mɛni nyɔmɔɔ-ŋai kelee kpɛɛi Adaŋ ŋɔwoo pilii e pa lai. Nyiŋi sukulai ɓa kwa laa-la pu Zisɛ kponoi, kwa pɔri kɛ-ɣeniɛ ŋaa-nɛ̃ɛ kulai wɔlɔ-wɔlɔ da wɔlɔ-wɔlɔ paredai lɔii ma!​—Azaya 65:​21-23.

 MƐNI TAMAA MAA-KƆRI

3. Zisɛ ŋɔsaai a kuŋuŋ maa ɓo sɔnyɔŋ da saa yeei

1. Adaŋ e kɛ a nuu maa waa nyii Ɣala woo pili e pa a sɔnyɔŋ da saa nuu-kpune pɔ

2. Zisɛ e kɛ a nuu maa waa nyii Ɣala woo mɛni e pere la ɓo a gɛɛ nuu-kpune e maa waa-laa da wɔlɔ-wɔlɔ fulu-laa sɔlɔ ɓo

4. Nuu kelee a pɔri mɛni lɛlɛɛ sɔlɔ ɓoi Zisɛ ŋɔsaai sarai

 5. Maa-tee-sɛŋ kaa a Ziova ŋɔɓɛlɛ-seei imɛni ma

Ziova naoi-ni da maa-tee-sɛŋ kaa a ɓɛlɛ-see dimɛni ma tɛi-tɛi. Gɔɔŋ-maa ɓa, Galesiɛŋ 2:​20 (NWT) lono, gɛ ni ka lono e pilaŋ mare-kɛɛ ŋi ma:

• Zia-nuui Pɔɔ e nɛ leŋ a gɛɛ e maa-tee-sɛŋ kaa a ɓɛlɛ-see gbiŋ mɛni ma?

Tãi Adaŋ e sɔnyɔŋ kɛ lai, e pa a saa nyaa da nonii kelee pɔ. Kɛlɛ Ziova e Noŋ tɛɛ e saa a gɛɛ I wɔlɔ-wɔlɔ fulu-laa ŋaa-nɛ̃ɛ kula.

Ya kɛ ŋala-kɔlɔ kpua-ŋai ŋi lonoi, ikili-ŋa sia e pilaŋ berei ma Ziova lii e kɛ la tãi Noŋ e kɛ mɔ̃lɛi lai. Zɔŋ 19:​1-7, 16-18 lono, gɛ ni ka lono e pilaŋ mare-kɛɛ ŋi ma:

• Ilii kaa leŋ e pilaŋ mɛnii ma Ziova da Zisɛ di gɛ imɛni mai?

 MƐNI-ŊUŊ-ŊAI YAA MAA-KƆRII

Zisɛ ŋɔsaai e gɛ a gɛɛ Ziova e kusɔnyɔŋ-ŋai su mɛni lɛɛ, e ŋɔnɔ gɛ a gɛɛ ku pɔri kɛ-ɣeniɛ ŋaa-nɛ̃ɛ kulai wɔlɔ-wɔlɔ da wɔlɔ-wɔlɔ.

Gili-too-ŋa mare-kɛɛ-ŋai

• Zisɛ e saa le mɛni ma?

• Pere sii kɛɛ leŋ ɓe Zisɛ ŋɔfulu-laa maa waai e kɛ la a nuu-kpune kelee maa-tee-sɛŋ sɔnyɔŋ da saa yeei?

• Mɛni lɛlɛɛ kɛɛ leŋ ɓe ya pɔri zɔlɔ ɓoi Zisɛ ŋɔsaai sarai?