GURUY NI 27
Uw Rogon Nrayog ni Nge Ayuwegdad e Yam’ ni Tay Jesus?
Bochan nde fol e gal nsom’on e girdi’ rok Got ni aram Adam nge Efa, ma aram fan ni gad ma denen, ma gad ma gafgow, ma gad ma yim’. a Machane gathi dakuriy e athap rodad, ya ke bing Jehovah e kanawo’ ngodad ni ngad chuwgad u tan gelngin e denen nge yam’ u daken Jesus Kristus ni Fak. Be yog e Bible ni ke biyuliydad Jesus u daken e yam’ ni tay. Biyul e aram puluwon be’ ni kan kol ni ngan pag. Rogon ni pi’ Jesus e re biyul ney e aram e ognag e yafos rok nib flont. (Mu beeg e Matthew 20:28.) Bochan nib flont Jesus maku gubin ngiyal’ ni i fol rok Jehovah, ma aram e rayog ni nge par ni manemus u nap’an ni immoy u fayleng. Machane i m’agan’ ngay ni nge yim’ ni fan ngodad ya ngki yag ngodad bayay e n’en ni mul u pa’ Adam nge Efa. Ki dag Jesus gelngin nri gad ba t’uf rorow Jehovah. Re guruy ney e ra ayuwegem ni ngari ga’ fan u wan’um e yam’ ni tay Jesus.
1. Uw rogon nrayog ni nge yib angin e yam’ ni tay Jesus ngodad e ngiyal’ ney?
Bochan ni gad bogi tadenen, ma boor ban’en ni gad ma rin’ nde m’agan’ Jehovah ngay. Machane faanra riyul’ ni kad kalgadngan’dad ko denen rodad ma gad yog ngak Jehovah ni nge n’ag fan u daken Jesus Kristus ma gad athamgil u rogon nrayog rodad ndab kud rin’ed e pi kireb nem, ma aram e rayog ni ngari chugur e tha’ u thildad Got. (1 John 2:1) Be gaar e Bible: “Kristus e ir e yim’ ni fan ngomed; nri taab yay ni ke yim’ ni fan ko denen me mus, ni ir be’ nib fel’ me yim’ ni fan ngak e girdi’ nib kireb, ni fan e nge yog ni fekmed i yan ngak Got.”—1 Peter 3:18.
2. Uw rogon nrayog ni nge yib angin e yam’ ni tay Jesus ngodad boch nga m’on?
I pi’ Jehovah Jesus ni nge ognag e yafos rok nib flont “ni fan e nge urngin e piin ni michan’rad ngak [Jesus] e aram e dab kur m’ad, ya ke yog e yafos ndariy n’umngin nap’an ngorad.” (John 3:16) Bochan e n’en ni rin’ Jesus, ma aram e dabki n’uw nap’an ma ra chuweg Jehovah urngin e kireb ni be buch ni bochan e de fol Adam. Re n’ey e be yip’ fan ni faan gad ra dag nriyul’ nib mich u wan’dad fare biyul ni pi’ Jesus, ma aram e rayog ni ngad pared ndariy n’umngin nap’an u paradis u fayleng!—Isaiah 65:21-23.
KUM FIL BOCH BAN’EN U MURUNG’AGEN
Kum fil boch ban’en u murung’agen fan ni pag Jesus fan e yafos rok nge rogon nra yib angin ngom.
3. Yam’ ni tay Jesus e ke chuwegdad u tan gelngin e denen nge yam’
Mu yaliyew e re VIDEO ney, mi gimew weliy e fulweg ko re deer ni baaray.
-
Nap’an ndaki fol Adam rok Got, ma mang e mul u pa’?
Mu beegew e Roma 5:12, mi gimew weliy e fulweg ko re deer ni baaray:
-
Mang wenegan ni ke yib ngom ni bochan e denen ni tay Adam?
Mu beegew e John 3:16, mi gimew weliy e fulweg ko re deer ni baaray:
-
Mang fan ni pi’ Jehovah Fak ni nge yib nga fayleng?
-
Adam e ir be’ nib flont nde fol rok Got me tay e girdi’ nga tan gelngin e denen nge yam’
-
Jesus e ir be’ nib flont ni fol rok Got me bing e kanawo’ ko girdi’ ni ngkur flontgad bayay me yag e yafos ni manemus ngorad
4. Rayog ni nge yib angin e yam’ ni tay Jesus ngak urngin e girdi’
Mu yaliyew e re VIDEO ney, mi gimew weliy e fulweg ko re deer ni baaray.
-
Uw rogon nrayog ni nge yib angin e yam’ ni tay taabe’ ngak urngin e girdi’?
Mu beegew e 1 Timothy 2:5, 6, mi gimew weliy e fulweg ko re deer ni baaray:
-
Adam e ir be’ nib flont, machane bochan ni denen ma aram fan ni gubin e girdi’ ni yad be denen maku yad be yim’. Jesus e ku ir be’ nib flont. Ere uw rogon ni ke yag ni ngad chuwgad u tan gelngin e denen nge yam’ ni bochan e yafos rok Jesus ni pi’ nib maligach?
5. Fare biyul e aram e tow’ath rok Jehovah ngom
Pi fager rok Jehovah e yad ma tay ni fare biyul e aram e tow’ath rok Jehovah ngorad. Mu beegew e Galatia 2:20, mi gimew weliy e fulweg ko re deer ni baaray:
-
Uw rogon ni m’ug ko thin rok apostal Paul ni i tay ni fare biyul e aram e tow’ath rok Jehovah ngak?
Nap’an ni denen Adam, ma aram me dugil ni ngar m’ad pi fak. Machane me pi’ Jehovah Fak ni nge yim’ ya nge yag e yafos ni manemus ngom.
Nap’an ni ga be beeg e pi thin nu Bible ney, mag lemnag rogon laniyan’ Jehovah u nap’an ni be gafgow Fak. Mu beegew e John 19:1-7, 16-18, mi gimew weliy e fulweg ko re deer ni baaray:
-
Uw rogon u wan’um e n’en ke rin’ Jehovah nge Jesus ni fan ngom?
RAYOG NI NGE GAAR BE’: “Uw rogon nrayog ni nge yim’ taabe’ ni fan ngak urngin e girdi’?”
-
Uw rogon ni ga ra fulweg?
N’EN KAN FIL
Bochan e yam’ ni tay Jesus, ma aram e rayog ni nge n’ag Jehovah fan e denen rodad me yag e yafos ni manemus ngodad.
Ngan Sul u Daken
-
Mang fan ni yim’ Jesus?
-
Uw rogon ni ke yag ni ngad chuwgad u tan gelngin e denen nge yam’ ni bochan e yafos rok Jesus ni pi’ nib maligach?
-
Uw rogon nrayog ni nge yib angin ngom e yam’ ni tay Jesus?
MU GAY MURUNG’AGEN
Mu fil fan ni yima yog e biyul ko yafos rok Jesus nib flont ni pi’.
“How Is Jesus’ Sacrifice ‘a Ransom for Many’?” (Article ni bay ko website)
Mu beeg murung’agen e n’en nib t’uf ni ngad rin’ed ya nge yag nda chuwgad u tan gelngin e denen nge yam’.
Rayog ni nge n’ag Jehovah fan e denen nib ubchiya’, fa?
Mu guy rogon ni thilyeg be’ nib pumoon e ngongol rok u nap’an ni fil murung’agen fare biyul ni pi’ Kristus.
“I Am No Longer a Slave of Violence” (Article ni bay ko website)
a Ra ngan denen ma gathi kemus ni ngan rin’ ban’en nib kireb. Ya ku be yip’ fan nib mom ni ngad rin’ed e tin nib kireb ban’en ni bochan e kad bad rok Adam nge Efa.
