Adán lhen Eva ku bzenagake ki Dios. Lhekaʼ rhoʼo nakarha beneʼ dolaxhguiaʼ, rzakayaarha lhen rhátirha. a Sanlhe dia ta chi bhen Jeobá kuenda ksleʼ rhoʼo lo dolaxhguiaʼ lhen lo yelagoti xhlhen Xhinheʼ, Jesucristo. Biblia rzeajnia, yelagoti ki Jesús rsla rhoʼo. Katiʼ rheenkene yiyaxhaj xhguiaʼ ki to beneʼ, dia ta rguixhajke nia kieʼ. Kantheka chi bhen Jesús, leʼ bdeʼ yelaneban kieʼ nia kierha (blaba Mateo 20:​28). Jesús towelaze bzanheneʼ yelaneban kieʼ lo Lichhileyo. Katiʼ bdeʼ yelaneban kieʼ nia kierha, ksalhaje neza kuendaʼ yogotherha yiyaparha tan bsniti Adán lhen Eva. Kan gokabheʼ gakatiʼ rheke rhoʼo Jesús lhen Jeobá. Lecciónni gon lueʼ yodarhi na ksákaloʼ másrhe yelagoti ki Jesús.

1. Nákaʼ rhon rhoʼo yodarhi yelagoti ki Jesús

Tan nakarha beneʼ dolaxhguiaʼ tazian ta rhonrha ta be rheyolachhiʼ Jeobá. Sanlhe wazeke ichhin suarha gagodzo lhen Jeobá cheʼ tabalase rhelenherha ki dolaxhguiaʼ kierha lhen rnabarha ki Jeobá sixhenhe kierha, lhen ló Jesús. Lhezekan cheʼ rhonrha gazelho rzekerha na berhe gonrha ta malha (1 Juan 2:1). Biblia rnhe: «Cristo gotieʼ tzaniaʼ lhen tzalasa nia ki dolaxhguiaʼ kierha, to beneʼ wen nia ki beneʼ malha, na kan seke suake gago lhen Dios» (1 Pedro 3:​18).

2. Bi banheza siʼrha xlhen yelagoti ki Jesús

Jeobá ksele xhinhe kuenda gdeʼ yelaneban kieʼ «na kan yogothe beneʼ glueke yelarheajeyee lhen leʼ [Jesús] be gátikeʼ, wazuake tzalasa» (Juan 3:​16). Xhlhen yelagoti ki Jesús, Jeobá yastikaga na yosnitie derha yelarheguirla chi grheʼ, xhtolaʼ Adán. Taní rhenheinhe, cheʼ rhoʼo gluerha naparha yelarheajeyee yelagoti ki Jesús, wazeke suarha tzalasa katiʼ Lichhileyo ni yiyaka to paraíso (Isaías 65:​21-​23).

 KSEEDIRHA MÁSRHE KI TANÍ

3. Yelagoti ki Jesús rsla rhoʼo lo dolaxhguiaʼ kan lo yelagoti

1. Katiʼ Adán bezodile ló Dios, beyake beneʼ dolaxhguiaʼ, xhtoleʼ ka benachi guiookeʼ dolaxhguiaʼ lhen yelagoti.

2. Jesús be gokeʼ beneʼ dolaxhguiaʼ, na tan tolizi bzenagueʼ ki Dios, ksalhaje neza na benachi suake chhiaʼ lhen tzalasa.

4. Yogothe benachi wazeke siʼke banheza yelagoti ki Jesús

 5. Jeobá bsleʼ lueʼ xhlhen yelagoti ki Jesús

Beneʼ zuake gago lhen Jeobá rlekeneʼ yelagoti ki Jesús ka to ta zaakaʼ chi bde Jeobá kieke. Le ulaba Gálatas 2:​20 na le ktzalaj ki taní:

• Bi didzaʼ ki apostól Pablo rlueʼ bleneʼ yelagoti ki Jesús ka to ta zaakaʼ bde Jeobá kieʼ.

Katiʼ Adán gloeʼ dolaxhguiaʼ, leʼ lhen yogothe xhinhe gzolhoke rhatikeʼ. Sanlhe Jeobá ksele Xhinhe lo Lichhileyo kuenda gatieʼ nia kioʼ na kan seke sualho tzalasa.

Katiʼ ulabalho ka versículoni, bhenkalho kuenda nakatheka goka ki Jeobá katiʼ bleneʼ rzakayaa Xhinhe. Le ulaba Juan 19:​1-7 lhen 16-​18, na le ktzalaj ki taní:

• Nákaʼ rhaka kioʼ katiʼ rhonloʼ kuenda tan bhen Jeobá lhen Jesús nia kioʼ.

 TA CHI BYEDIERHA

Xhlhen yelagoti ki Jesús, Jeobá rzixhenheʼ dolaxhguiaʼ kierha lhezekan xhlhen lé wazeke suarha tzalasa.

A rhanelho

• Bixhkieʼ goti Jesús.

• Bi bhen Jesús na ksleʼ rhoʼo lhen kixhague tan bsniti Adán lhen Eva.

• Bi banheza rzilhoʼ xhlhen yelagoti ki Jesús.