LEKSIYON 28
Ipahiling an Pasasalamat Mo sa Ginibo ni Jehova Saka ni Jesus Para Saimo
Ano an mamamati mo pag tinawan ka kan amigo mo nin sarong magayon na regalo? Posibleng marhay na mauugma ka saka ipapahiling mo sa amigo mo na pinapahalagahan mo an regalo niya. Itinao sa sato ni Jehova saka ni Jesus an pinakamarahay na regalo sa gabos. Ano iyan, saka paano ta maipapahiling na pinapahalagahan ta iyan?
1. Ano an sarong paagi na maipapahiling ta an satong pasasalamat sa ginibo nin Diyos saka ni Cristo para sa sato?
Nangangako an Bibliya na “an siisay man na nagtutubod [ki Jesus]” magkakaigwa nin buhay na daing katapusan. (Juan 3:16) Paano ta maipapahiling na nagtutubod kita ki Jesus? Maipapahiling ta iyan paagi sa satong mga desisyon saka ginigibo. (Santiago 2:17) Pag ipinapahiling ta an satong pagtubod paagi sa mga ginigibo saka sinasabi ta, mas pinapakusog ta an satong relasyon ki Jesus asin sa saiyang Ama na si Jehova.—Basahon an Juan 14:21.
2. Sa anong espesyal na okasyon maipapahiling ta an satong pasasalamat sa ginibo ni Jehova saka ni Jesus?
Kan banggi bago magadan si Jesus, sinabi niya sa saiyang mga parasunod an saro pang paagi na maipapahiling ninda an pasasalamat sa saiyang atang. Sinabihan niya sinda na magtiripon para sa sarong espesyal na okasyon na inaapod kan Bibliya na “Pamanggihan kan Kagurangnan,” na inaapod man na Memoryal kan kagadanan ni Cristo. (1 Corinto 11:20) Gusto ni Jesus na girumdumon kan saiyang mga apostol, asin kan gabos na tunay na Kristiyano, na itinao niya an saiyang buhay para sa sato. Manungod sa okasyon na ini, ipinagbuot ni Jesus: “Padagos nindong gibuhon ini sa paggirumdom sa sako.” (Lucas 22:19) Pag nag-atender ka sa Memoryal, ipinapahiling mo na nagpapasalamat ka sa dakulaon na pagkamuot ni Jehova saka ni Jesus sa sato.
ARAMON PA
Aramon an iba pang mga paagi na maipapahiling mo an saimong pagpapahalaga sa dakulaon na pagkamuot na ipinahiling ni Jehova saka ni Jesus. Aramon man an kahalagahan kan Memoryal kan kagadanan ni Cristo.
3. Ipahiling an saimong pasasalamat
Halimbawang may sarong tawo na nagsalbar saimo kan nalalamos ka. Basta mo na sana daw lilingawan an ginibo kan tawong iyan? O mahanap ka nin mga paagi para ipahiling na nagpapasalamat kang marhay sa ginibo niya?
Nagkaigwa kita nin oportunidad na mabuhay nin daing katapusan huli sa kabuutan ni Jehova. Basahon an 1 Juan 4:8-10, dangan pag-ulayan an mga hapot na ini:
-
Taano ta espesyal na regalo an atang ni Jesus?
-
Ano an masasabi mo sa ginibo ni Jehova saka ni Jesus para saimo?
Paano ta maipapahiling na pinapahalagahan ta an ginibo ni Jehova saka ni Jesus para sa sato? Basahon an 2 Corinto 5:15 asin 1 Juan 4:11; 5:3. Pagkatapos basahon an kada teksto, pag-ulayan an hapot na ini:
-
Base sa teksto, ano an magigibo ta para ipahiling an satong pasasalamat?
4. Arugon si Jesus
An saro pang paagi na maipapahiling ta an satong pasasalamat iyo an pag-arog ki Jesus. Basahon an 1 Pedro 2:21, dangan pag-ulayan an hapot na ini:
-
Sa anong mga paagi mo masusundan na marhay an mga lakad ni Jesus?
Namutan ni Jesus an Tataramon nin Diyos, ihinulit an maugmang bareta, asin tinabangan an iba
5. Mag-atender sa Memoryal kan kagadanan ni Cristo
Para maaraman kun paano ginibo an inot na pagselebrar kan Pamanggihan kan Kagurangnan, basahon an Lucas 22:14, 19, 20. Dangan pag-ulayan an mga hapot na ini:
-
Paano ginibo an Pamanggihan kan Kagurangnan?
-
Ano an isinisimbolo kan tinapay saka arak?—Hilingon an bersikulo 19 asin 20.
Gusto ni Jesus na iselebrar kan saiyang mga disipulo an Pamanggihan kan Kagurangnan sarong beses sa sarong taon sa anibersaryo kan saiyang kagadanan. Kaya taon-taon, nagtitiripon an mga Saksi ni Jehova para girumdumon an kagadanan ni Cristo sa paagi na ipinagbuot niya. Para maaraman an manungod sa mahalagang pagtiripon na iyan, i-play an VIDEO. Dangan pag-ulayan an hapot na ini:
-
Ano an ginigibo pag Memoryal?
An tinapay saka arak mga emblema o simbolo. An tinapay nagsisimbolo sa perpektong hawak ni Jesus bilang tawo na itinao niya para sa sato. An arak nagsisimbolo sa saiyang dugo
MAY MGA NAGSASABI: “Basta magtubod ka lang ki Jesus, ligtas ka na.”
-
Gamit an Juan 3:16 saka Santiago 2:17, paano mo ipapaliwanag na labi pa diyan an kaipuhan?
SUMARYO
Ipinapahiling niyato na pinapahalagahan ta an ginibo ni Jesus para sa sato paagi sa pagtubod sa saiya saka pag-atender sa Memoryal kan saiyang kagadanan.
Rebyu
-
Paano ta maipapahiling na nagtutubod kita ki Jesus?
-
Paano mo gustong ipahiling an saimong pasasalamat sa ginibo ni Jehova asin ni Jesus para saimo?
-
Taano ta mahalagang marhay na mag-atender sa Memoryal kan kagadanan ni Cristo?
HILINGON MAN
Pinapahiro kita kan kagadanan ni Cristo na gibuhon an ano?
Ginamit Niya an Saiyang Hawak Para Pamurawayon si Jehova (9:28)
Aramon pa an manungod sa pagtubod asin kun paano ta iyan maipapahiling.
“Ipahiling an Saindong Pagtubod sa mga Panuga ni Jehova” (An Torrengbantayan, Oktubre 2016)
Sa istorya na “Pakiramdam Ko’y Malinis at Buo Na ang Pagkatao Ko,” aramon kun ano an nagin epekto sa buhay nin sarong babayi kan manudan niya an manungod sa atang ni Cristo.
“Binago ng Bibliya ang Kanilang Buhay” (Ang Bantayan, Agosto 1, 2011)
Aramon kun taano ta kakadikit sana an nagkakakan saka nag-iinom kan mga emblema sa Memoryal.
Puwede Mo Man Magustuhan
PARATING MGA IHINAHAPOT
Ano an Pag-adal sa Bibliya na Iinaalok kan mga Saksi ni Jehova?
Sa interactive na programa nin pag-adal na iinaalok kan mga Saksi ni Jehova, puwede mong gamiton an arin man na traduksiyon nin Bibliya. Dai mag-alangan na imbitaran an saimong bilog na pamilya o an siisay man sa mga amigo mo na umiba saimo.
