JOKWA 28
Lee̱le̱ masoma ońola nje Yehova na Yesu ba boledino̱ wa
O masenga nde ne̱ni ke̱ diko̱m di boli wa jabea la bwam e? Ye̱ke̱i te̱ o mabwa muńe̱nge̱ jita, o pula pe̱ lee̱ diko̱m lo̱ngo̱ ná o to̱ndi di jabea. Yehova na Yesu ba boli biso̱ jabea di buki me̱se̱ jeno̱ ná di kusa. Di jabea le nde nje e, ne̱ni pe̱ jeno̱ ná di lee̱le̱ masoma ońol’ao e?
1. O njika mbadi po̱ jeno̱ ná di lee̱le̱ masoma ońola nje Loba na Kristo ba boledino̱ biso̱ e?
Bibe̱l e makakane̱ ná “to̱ nja nu dube̱ [Yesu]” e ná a be̱ longe̱ o bwindea. (Yohane 3:16) Dube̱, nik’e mapula nde kwala ná nje e? Nik’e si mapula kwala buka te̱ ná di be̱ne̱ye̱ Yesu dube̱. Jangame̱n pe̱ lee̱le̱ dube̱ lasu tongwea na bedomsedi di mano̱ngo̱no̱ na mambo di mabolano̱. (Yakobo 2:17) Di malee̱le̱ te̱ dube̱ lasu tongwea na nje di mabolano̱ na nje di makwalano̱, di mouse̱ nde diko̱m lasu na Yesu na Sango ao, Yehova.—Langa Yohane 14:21.
2. Njika bolise̱ la tobotobo di mongwane̱ biso̱ o lee̱le̱ masoma ońola nje Yehova na Yesu ba bolino̱ e?
O bulu bo se̱le̱ na kwed’ao, Yesu a langwedi bokwedi bao mbadi nipe̱pe̱ ńa lee̱le̱ masoma ońola jabea lao. A te̱se̱ bolise̱ la tobotobo Bibe̱l e mabele̱no̱ ná “da la Sango,” lena di biane̱ pe̱ ka Jo̱nge̱le̱ la kwed’a Kristo. (1 Korinto 11:20) Yesu a te̱se̱ nde mo̱ ná bamuloloma bao na kriste̱n ya mbale̱ ye̱se̱ ombusa ponda, bo̱nge̱le̱ ná a boli longe̱ lao ońol’asu. Ońola di bolise̱, Yesu anedi ná: “[Benga] bola nika o jo̱nge̱le̱ mba.” (Lukas 22:19) O mukea te̱ o Jo̱nge̱le̱ la kwed’a Yesu, o malee̱le̱ nde masoma ońola ndolo ninde̱ne̱ Yehova na Yesu ba be̱nedino̱ biso̱.
ALA O NJIBA
Ombwea mbadi ipe̱pe̱ ya lee̱le̱ masoma ońola ndolo ninde̱ne̱ Yehova na Yesu ba lee̱le̱no̱. Okwa mweńa ma Jo̱nge̱le̱ la kwed’a Kristo.
3. Di lee̱le̱ masoma tongwea na bebolo
Dutea ná we o lo̱ o madiba nde moto a sunga wa. Mo̱ o me̱nde̱ nde dimbea nje nu moto a boledino̱ wa e? Nga o me̱nde̱ nde wasa mbadi weno̱ ná o lee̱le̱ mo̱ masoma ońola nje a bolino̱ e?
Nded’a Yehova nde e mabole̱ biso̱ epolo o be̱ne̱ longe̱ la bwindea. Langa 1 Yohane 4:8-10, nde lo kwaleye pe̱ ońola min myuedi:
-
Ońola nje jabea la Yesu leno̱ jabea la tobotobo e?
-
Ne̱ni o masengano̱ ońola nje Yehova na Yesu ba boledino̱ wa e?
Ne̱ni jeno̱ ná di lee̱le̱ masoma ońola nje Yehova na Yesu ba boledino̱ biso̱ e? Langa 2 Korinto 5:15 na 1 Yohane 4:11 na 5:3. Ombusa bolanga ba epas’a Bibe̱l te̱, kwalea ońola min myuedi:
-
Bupisane̱ yen epasi, ne̱ni jeno̱ ná di lee̱le̱ masoma e?
4. Jembilane̱ Yesu
Mbadi nipe̱pe̱ jeno̱ ná di lee̱le̱ masoma ńe nde ná jembilane̱ Yesu. Langa 1 Petro 2:21, nde lo kwaleye pe̱ ońola min myuedi:
-
O njika mbadi weno̱ ná o bupe̱ matanga ma Yesu e?
Yesu a ta a to̱ndo̱ Eyal’a Loba, a ta a langwa myango ma bwam, a ta pe̱ ongwane̱ bane̱
5. Jukeye o Jo̱nge̱le̱ la kwed’a Kristo
Ná o bie ne̱ni Da la Sango laboso di tombino̱, langa Lukas 22:14, 19, 20. Ombusa nika kwalea ońola min myuedi:
-
Ne̱ni Da la Sango di tombino̱ e?
-
Ewolo na wań be nde byemban ba nje e?—Ombwa myemba 19 na 20.
Yesu a ta a pula ná bokwedi bao ba bolise̱ Da la Sango ngedi po̱ mbu te̱, nika ńe nde o buńa ba kwed’ao. Ońola nika nde Mboṅ a Yehova i mako̱to̱me̱no̱ ngedi po̱ ońola mbu o jo̱nge̱le̱ kwed’a Kristo, bupisane̱ patan a dīno̱. Ná o bie mweńa ma di jako̱to̱ne̱, ombwa SINIMA. Ombusa nika kwalea ońola myuedi mi mabupe̱.
-
Ne̱ni Jo̱nge̱le̱ la kwed’a Yesu di matombano̱ e?
Ewolo na wań be nde byemban. Ewolo ye nde eyemban a ńol’a ke̱nge̱nge̱ ńa Yesu, a bolino̱ ońol’asu. Wań pe̱ ńe nde eyemban a maya mao
BATO BA MAKWALA NÁ: “O dube̱ te̱ Yesu nik’e dongame̱n ná o sungabe̱.”
-
Ne̱ni weno̱ ná o bolane̱ Yohane 3:16 na Yakobo 2:17 o lee̱ ná nik’e si dongame̱n e?
EBONGOLO
Di malee̱le̱ masoma ońola nje Yesu a boledino̱ biso̱ tongwea na lee̱le̱ ná di dube̱ mo̱ na jukea o Jo̱nge̱le̱ la kwed’ao.
Ndimbisedi
-
Dube̱ Yesu nik’e mapula nde kwala ná nje e?
-
O njika mbadi wa o mapulano̱ lee̱le̱ masoma ońola nje Yehova na Yesu ba boledino̱ wa e?
-
Ońola nje yeno̱ mweńa jita ná jukeye o Jo̱nge̱le̱ la kwed’a Kristo e?
BATA WASA
Nje kwed’a Kristo e matute̱le̱no̱ biso̱ o bola e?
Bata jokwa nje dube̱ leno̱ na ne̱ni jeno̱ ná di lee̱le̱ mo̱.
“Lee̱le̱ dube̱ o makaki ma Yehova” (Njongo a Betatedi, Maye̱se̱ 2016)
O myango mi be̱n tema ná “Je me sens pure et j’aime la vie,” e̱ne̱ ne̱ni longe̱ la muto mō̱ di tukono̱ ponda a so̱ṅtane̱no̱ nje jabea la Kristo leno̱ ná di wanea mo̱.
“Bibe̱l e matukwa malonge̱” (Njongo a Betatedi, Dingindi 1, 2011)
Okwa ońola nje ngus’a bato nde i made̱ ewolo i ńo̱ pe̱ wań o Jo̱nge̱le̱ la kwed’a Yesu.
