Ə́ ɓəlanmun da a mɛinɛɛ kɛnɛ ta kɛ yɛ́, lə ɓə yili a gɛ yɛ́ ? Yili a ə́ kwəinɛɛ kpɔ kɛnɛ ə lɛɛ ya kɛ bɔ ə́ nɛ ma yɛ́ ma mɛinɛɛ tii wɛli aa to yɛ́. Zehova da Zesu daa mɛinɛɛ kɛ guɔ yii gɛnɛ dɛɛ mɛinɛɛ kəlee ɓa. Mɛinɛɛ ləkɛɛ li, ə lɛɛ gwa nɛ ləi guɔ ma gu mɛinɛɛ tii hukɔlɔn ?

1. Mɛnii Zehova da Zesu di gɛ gu maamɛni ɓa, gbaaləɠaa gwa pɛli tɛɛ la guɔ ɉukɔlɔn diɛ dɔnɔ ɓaa lə ?

Biblə kaa kɛi ma “ Nui lɔpee a laa [Zesu] ” la, a yɛnɛɛ yii kpɛɛ ho ma hɔlɔɓo (Ɉaan 3:16). Gwa yili kɛ pələ kɛ ləi ? Maanɛɛ gu laanalaa lɛ gu túwɔ́ pələɠaa hu ə lɛɛ gu kɛ mɛniɠaa hu (Ɉakə 2:17). Gwa kɛi laanalaa lɛ gu tuwɔ pələ hu da gu hwaawoo hu, gwa gu wɔ ɓəlannaa huwala-wala gwa Zesu ni ə ma kɛ gwa Zehova ni (Ɉaan 14:21).

2. Mɛnii Zehova da Zesu di gɛ gu maamɛni ɓa, mɛni ləkɛɛ hu ɓə nwɔnɔ gwa pɛli nɛi la guɔ ma gu ɉukɔlɔn diɛ ?

Gbinii tɛɛ Zesu yɛ pa haai ə kpaalə takpɛli lɛ ŋɔ kalan neai diɛ pələi kɛ da pɛli nwunmaaɓo halaa hukɔlɔn ɉii la. Ə hɛli ta hee gbaŋa yii Biblə a kɛ ma gu “ Namu ŋɔ Yələwilii kɔlɔn, ” awala kɛtii “ Zesu haa mɛni gwəlan ɉɛli ” (Korɛntə dɔlɔɔ 11:20). Zesu ə ɉɛlii tii hee gbaŋa yii kɛ a kpɔnmaa tɛɛ ŋɔ apɔtɛlɛɠaa pɔ, ə ma kɛ kilistaleaɠaai kɛi pa pai pulu ɓa diɛ pɛli nɛɛ di kili pɔ diɛ ma Zesu ə haa nukanŋaa kəlee maamɛni ɓa. Yii hwilɛn na ɉɛlii tii ɓa Zesu ə mo yɛ ma : “ Ka kɛ gɛi, kaa gílí too la ka ɲa ” (Lukə 22:19). Ya kɛi li Zesu haa mɛni ŋɔ kwəlan ɉɛli ɓa, nwɛlikɛmaa kɛnɛɛ ŋɛi gaa Zehova da Zesu di yəi gu maamɛni ɓa ya nɛ yɛ́ ma ə́ ɉukɔlɔn.

 Ə́ WƆ MƐNIKƆLƆNŊAA TA PƐLƐ MA

3. Yii gwa pɛli gɛi guɔ pɛli gu wɔ mɛinɛɛ hukɔlɔnŋaa lɛi

Ə́ kiliŋahiɛ lɔ yɛ ya kɛi pa lɛɛ yái ə lɛɛ nuta ə pa əi nwun maaɓo. Mɛnii tii nui tii ə gɛ ə́ maamɛni ɓa kɛlɛɛ hó pai leai yili ɓa ? Ə́ kaa mun pai kpaaləɠaa kwɛlii yɛ́ pɛli ə́ wɔ mɛinɛɛ hukɔlɔn ɉii nui ɓa.

Zehova ə gu nwun maaɓo ɓɛlowai ə non gulɔ la a halaa gu maamɛni ɓa. Ɉaan dɔlɔɔ 4:8-10 ɓo, ə lɛɛ ka lono kɛ gɛɛmaalənŋaa ŋɛi mɛi :

• Lə mɛni ɓa Zesu ŋɔ halaa kaa a mɛinɛɛ kɛnɛ ?

• Mɛnii Zehova da Zesu di gɛ ə́ maamɛni ɓa ya gaa ləi ?

Mɛnii Zehova da Zesu di gɛ gu maamɛni ɓa gwa pɛli nɛi ləi guɔ ma gu ɉukɔlɔn ? Vɛlisɛɛɠaa ŋɛi ɓo tɛi-tɛi : Korɛntə veelɛ 5:15 da Ɉaan dɔlɔɔ 4:11 ; 5:3. Ka kpɛɛ a vɛlisɛɛ tɔnɔ ɓoɔ ka lono kɛ gɛɛmaalən ŋɛi mɛi :

• Yɛ pələi vɛlisɛɛ ŋɛi ə nɛ la gwa nɛ ləi guɔ ma gu mɛinɛɛ tii hukɔlɔn ?

4. Zesu pɔɔkɔɔn

Gu wɔ mɛinɛɛ hukɔlɔn bələ ta ɓaa guɔ Zesu pɔɔkɔɔn. Piɛrə dɔlɔɔ 2:21 ɓo, ə lɛɛ ka lono kɛ gɛɛmaalən ŋɛi mɛi :

• Kpaalə ləkɛɛɠaa ɓə ya pɛli hwilɛn ɉii la kpɔ a neelee Zesu pɔɔ ŋa ?

• Lə ɓə a tɛɛ Zesu haa mɛni gwəlan ɉɛli pui ?

 YII GU GALAN

Gwa gu wɔ mɛinɛɛ hukɔlɔnŋaa lɛ gwa kɛi nɛ guɔ ma gu laa Zesu la, ə lɛɛ gwa kɛi li Zesu haa mɛni gwəlan ɉɛli ɓa.

Nɛɛ ə́ kili pɔ

• Da kɛ ma nu ə nɛ yɛ ma naa Zesu la yili mukulaa ɓaa lə ?

• Mɛnii Zehova da Zesu di gɛ ə́ maamɛni ɓa ə́ kaa bɔ ə́ ɉukɔlɔn bələ lɛ ləi diɛ ?

• Gu li mɛni Zesu haa mɛni gwəlan ɉɛli ɓa maamɛni wala-walaa kpɔ kɛnɛ. Lə mɛni ɓa ?