XNAQʼTZBʼIL 28
Qʼonxa chjonte tiʼjju o bʼant tuʼn Jehová ex Jesús tiʼja
¿Tiʼ in kubʼ tnaʼna aj t-xi qʼoʼn jun tbʼanel oyaj teya tuʼn jun tamiwa? Bʼalo in tzalaja ex taja tuʼn t-xi tqʼoʼna chjonte te. O tzaj tqʼoʼn Jehová ex Jesús aju mas tbʼanel oyaj qe moqa regalo. ¿Alkye oyaj lu? Aju chojbʼil. Qo xnaqʼtzan tiʼj tzeʼn jaku kubʼ qyekʼin qa in xi qqʼoʼn chjonte tiʼj.
1. ¿Tzeʼn jaku kubʼ qyekʼin qa in xi qqʼoʼn chjonte te Dios ex te Jesús tiʼjju o bʼant kyuʼn qiʼj?
In tzaj ttziyen Tyol Dios qa jaku qo anqʼin te jumajx qa ma tzʼok qeʼ qkʼuʼj tiʼj Jesús (Juan 3:16). ¿Tzeʼn jaku kubʼ qyekʼin qa in nok qeʼ qkʼuʼj tiʼj Jesús? Nya oʼkx tuʼn t-xi qqʼamaʼn qa in nok qeʼ qkʼuʼj tiʼj, sino ax ikx kbʼel qyekʼin tukʼil qbʼinchbʼen (Santiago 2:17). Aj tbʼant jlu quʼn, in nonin jlu qiʼj tuʼn tchʼiy qamiwbʼil tukʼil Jesús ex tukʼil Jehová (uʼjinktza Juan 14:21).
2. ¿Toj alkye ambʼil jaku kubʼ qyekʼin qa in xi qqʼoʼn chjonte te Jehová ex te Jesús?
Toj qonikʼen tej naʼmxtoq tkyim Jesús, xi tqʼamaʼn kye t-xnaqʼtzbʼen tzeʼn jaku txi qqʼoʼn chjonte tiʼj chojbʼil bʼant tuʼn. Kyaj bʼant tiʼj jun ikʼsabʼil tuʼn ex in nok tqʼoʼn Tyol Dios tbʼi te «wabʼj kyaj tmaʼn Qajaw», ax ikx in nok qʼoʼn tbʼi te Nabʼitz Tkyimlen Jesucristo (1 Corintios 11:20). Kyaj bʼant tiʼj ikʼsabʼil lu tuʼn Jesús kyukʼil t-apóstol ex tuʼn ttzaj kynaʼn kykyaqil t-xnaqʼtzbʼen qa otoq txi tqʼoʼn tchwinqlal kyiʼj xjal. Kyaj tqʼamaʼn Jesús jlu: «Kybʼinchame jlu te nabʼl weye» (Lucas 22:19). Aj tpona toj Nabʼitz Tkyimlen Jesucristo, kbʼel tyekʼina qa in nok tqʼoʼna toklen tkʼujlabʼil Jehová ex Jesús at tiʼja.
QO JYON MAS TQANIL
Qo yolin kyiʼj junjuntl tumel tzeʼn jaku txi qqʼoʼn chjonte tiʼj tkʼujlabʼil Jehová ex Jesús. Ex kʼelel qnikʼ tiʼj tiquʼn nim toklen Nabʼitz Tkyimlen Jesucristo.
3. ¿Tzeʼn jaku kubʼ qyekʼin qa in xi qqʼoʼn chjonte?
Ximana tiʼj qa chʼix tjaw jiqʼwiya toj aʼ ex in pon jun xjal klol teya. ¿Jakupe tzʼel naj tiʼj tkʼuʼja aju xbʼant tuʼn xjal tiʼja moqa kxel tjyoʼna tumel tuʼn t-xi tqʼoʼna chjonte te?
O qo klet tuʼn Jehová. Kyuʼjinktze 1 Juan 4:8 a 10 ex che yolin kyiʼj xjel lu:
-
¿Tiquʼn jun tbʼanel oyaj aju o bʼant tuʼn Jesús qiʼj?
-
Aj t-ximana tiʼjju o bʼant tuʼn Jehová ex Jesús tiʼja, ¿tiʼ in kubʼ tnaʼna tuʼn jlu?
¿Tzeʼn jaku kubʼ qyekʼin qa in nok qqʼoʼn toklen aju o bʼant tuʼn Jehová ex tuʼn Jesús qiʼj? Kyuʼjinktze 2 Corintios 5:15 ex 1 Juan 4:11 ex 5:3. Yajxitl che yoline tiʼj xjel lu:
-
¿Tzeʼn jaku kubʼ qyekʼin qa in xi qqʼoʼn chjonte te Jehová ex Jesús?
4. Bʼaʼn tuʼn tel qkanoʼn tiʼj Jesús
Juntl tumel tuʼn tkubʼ qyekʼin qa in xi qqʼoʼn chjonte te Jehová ex te Jesús, aju qa ma qo ok lepeʼ tiʼj techel kyaj tqʼoʼn Jesús. Kyuʼjinktze 1 Pedro 2:21 ex che yoline tiʼj xjel lu:
-
¿Tzeʼn jaku tzʼel tkanoʼna tiʼj techel kyaj tqʼoʼn Jesús?
Ok tkʼujlaʼn Jesús Tyol Dios, pakbʼan tiʼj tbʼanel tqanil ex onin kyiʼj xjal.
5. Bʼaʼn tuʼn qten toj Nabʼitz Tkyimlen Jesucristo
Tuʼn tel kynikʼe tiʼjju bʼaj tej tkubʼ ikʼsaʼn tnejel Wabʼj te Qale te Jesús, kyuʼjinktze Lucas 22:14, 19 ex 20. Yajxitl che yoline kyiʼj xjel lu:
-
¿Tiʼ bʼaj toj Wabʼj te Qale te Jesús?
-
¿Tiʼ in kubʼ techlaʼn pan ex vino? (Kyqʼonke kywitze tiʼj versículo 19 ex 20).
Tajtoq Jesús tuʼn ttzaj naʼn tkyimlen jun maj toj abʼqʼi, toj fecha tej tkyim. Tuʼntzunju, aqoʼye testigos de Jehová in nok qchmon qibʼe tkyaqil abʼqʼi tuʼn ttzaj qnaʼne Nabʼitz Tkyimlen Jesucristo ex in bʼant quʼne ik tzeʼn kyaj tqʼamaʼn. Tuʼn tel kynikʼe tiʼjju in bʼant toj chmabʼil lu, kyqʼonke kywitze tiʼj VIDEO. Yajxitl che yoline tiʼj xjel lu:
-
¿Tiʼ in bʼant toj Nabʼitz Tkyimlen Jesucristo?
In najbʼen pan ex vino te jun techel. In kubʼ techlaʼn pan t-xmilal Jesús tzʼaqli, aju xi tqʼoʼn tuʼn tchjet qil. Atzunte vino, in kubʼ techlaʼn tchkʼel Jesús.
AJU IN TZAJ KYQʼAMAʼN JUNJUN XJAL: «Qeʼk tkʼuʼja tiʼj Jesús ex kkletela».
-
¿Tzeʼn jaku tzʼajbʼen Juan 3:16 ex Santiago 2:17 tuʼna tuʼn t-xi tchikʼbʼaʼna qa il tiʼj tuʼn tbʼant junjuntl tiʼchaq quʼn tuʼntzun qklet?
TOJ CHʼIN YOL
In xi qqʼoʼn chjonte tiʼjju o bʼant tuʼn Jesús qiʼj aj tok qeʼ qkʼuʼj tiʼj ex aj qxiʼ toj Nabʼitz Tkyimlen.
Aju ma qo yolin tiʼj
-
¿Tzeʼn jaku kubʼ tyekʼin jun xjal qa in nok qeʼ tkʼuʼj tiʼj Jesús?
-
¿Tajpe teya tuʼn t-xi tqʼoʼna chjonte te Jehová ex te Jesús tiʼjju o bʼant kyuʼn tiʼja? ¿Tzeʼn jaku bʼant tuʼna?
-
¿Tiquʼn nim toklen tuʼn qxiʼ toj Nabʼitz Tkyimlen Jesucristo?
OJTZQINKA CHʼINTL
¿Tiʼ jaku kubʼ qximen tuʼn tbʼant quʼn aj tel qnikʼ tiʼj qa xi tqʼoʼn Jesús tchwinqlal qiʼj?
Ojtzqinka tiʼ aju qʼuqbʼil qkʼuʼj ex tzeʼn jaku kubʼ qyekʼin.
«Qeʼk qkʼuʼj kyiʼj ttziybʼil Jehová» (Aju Xqʼuqil, octubre te 2016)
Chʼexpaj tanqʼibʼil jun xuʼj tej tel tnikʼ tiʼj tiʼ t-xilen chojbʼil bʼant tuʼn Jesús. Uʼjinktza aju ikʼ toj tanqʼibʼil toj xnaqʼtzbʼil tok tbʼi: «O kubʼ tnajsaʼn Jehová wile ex in chin tzalaje».
«Chʼexpaj kyanqʼibʼil tuʼn Tyol Dios» (Aju Xqʼuqil, 1 te agosto te 2011)
Bʼaʼn tuʼn tel tnikʼa tiʼj tiquʼn nya kykyaqil in che waʼn tiʼj pan ex in che kʼan tiʼj vino toj Nabʼitz Tkyimlen Jesucristo.
Bʼalo ax ikx tgana jlu
AʼYEJU XJEL MAS IN CHE TZAJ QANIN
¿Tzeʼn in xi kyqʼoʼn testigos de Jehová xnaqʼtzbʼil tiʼj Tyol Dios?
Aj t-xnaqʼtzana tiʼj Tyol Dios kyukʼil testigos de Jehová, jaku tzʼajbʼen texa ttraducción tiʼj Tyol Dios ex jaku che tzaj ttxkoʼna qe toj tjaya ex qe tamiwa tuʼn kyten tukʼila.
