OHUDHERA 28
Onoonihe aavi wi onovaha thima ele Yehova ni Yesu yuwereliwa?
Onakala aavi mukwawo uvaha mukono? Mohanganyedha, onohagalala vanlubale ni onofuna omooniha mukwawo wi ohuhagalala. Yehova vamodha ni Yesu ehinivaha mukono wathima opitha mukono dhatedhene. Mukono baani nnawogihu? Nnonihe aavi wi nnovaha thima?
1. Nnonihe ni makalelo baani wi nnovaha thima ele anerele Yehova vamodha ni Yesu?
Bibliya anopaganya wi ‘ole onaamuroromele [Yesu]’ anere okalawo malabo amatene. (João 3:16) Okanna nroromelo enatapulela ddi? Kinatapulela omuroromela Yesu baahi. Nnohowela wooniha wi nnomuroromela mwaha wa dhothoma ni dhithu nnerihuna. (Tiago 2:17) Nonihaga wodhela madhu ni dhowera dhehu wi nihikanna nroromelo, nnolibiha wandana ninnihuna ni Yesu vamodha ni Babe, Yehova. — Omwileri João 14:21.
2. Mudhidhi munlubale onanivaha ofuru wowoniha wi nnotamalela ele Yehova vamodha ni Yesu yeriliwana buuvi?
Emahiyu yogomihera Yesu ahinathi okwa, ahiwoga ni anamahara aye makalelo owoniha wi enotamalela mukutho waye. Oliye ahiwoga wi aliwa etugumanege mudhidhi wofwanelela Bibliya anithaniye “Wubuwela okwa wa Yesu”, amodha enihina Ojha wa Nabwiya obe Xantaxeya. (1 Coríntios 11:20) Yesu afuna wi anamahara aye vamodha ni makiristawu eebaribari eriwo ofiyedha peeno yubuwelege wi oliye ohuvelela egumaye wi naakele egumi yohimala. Bumwahaya, oliye ohuwoga egi: ‘Mudidele werana ndala mugubuwelaga miyo.’ (Lucas 22:19) Mudhidhi waadhowaga wubuwela okwa wa Yesu, onowoniha wi onotamalela odhivela winlubale onihe Yehova ni Yesu.
OHUDHERE DHITHU DHIMODHA
Woone makalelo mamodha owooniha wi onovaha thima odhivela onihe Yehova vamodha ni Yesu. Teto woone mwahaya bwaddi Wubuwela okwa wa Yesu ekala ethu yofuneya.
3. Makalelo owooniha otamalela
Wubuwele ogabwinne vanthiyani wang’waga manjhe vano muthuyo odha wuvulusa. Onere odduwala dhithu uwereliye? Obe were werana dhatedhene onandiwe wi omutamalele?
Yehova dinivuluse. Mmwileri 1 João 4:8-10, mwamala muthapanyedhe makoho enaharela:
-
Mwahaya bwaddi mukutho wa Yesu okala nvaho munlubale?
-
Wubuwelaga ndhe uwerele Yehova vamodha ni Yesu onakala aavi?
Nnonihe aavi wi nnotamalela ethu anerele Yehova vamodha ni Yesu? Mmwileri 2 Coríntios 5:15 ni 1 João 4:11; 5:3. Mwamala wileri dholebela ndha, muthapanyedhe nikoho nnaharela:
-
Ninga wileriwe, nnere ddi wihina noonihe wi nnotamalela?
4. Omutajhihe Yesu
Makalelo mamodha owooniha wi onotamalela, fumutajhiha Yesu. Mmwileri 1 Pedro 2:21, mwamala muthapanyedhe nikoho nnaharela:
-
Onande aavi ohara pamadhene thalo dha Yesu?
Yesu owadhivela Madhu a Mulugu, oolaleya muthenga dhapama ni owakavihera athu
5. Okalevo labo Nowubuwela okwa wa Yesu
Wihina onone makalelo weddile Wubuwela okwa wa Yesu wobajha, mmwileri Lucas 22:14, 19, 20. Mwamala muthapanyedhe makoho enaharela:
-
Enapadduwa ddi labo Nowubuwela okwa wa Yesu?
-
Ekathe ni vinyu enatapulela ddi? (Musugwe versu 19 ni 20.)
Yesu afuna wi anamahara aye yubuwelege okwa waywe yaka dhatedhene labo nenne aakwiliye. Bumwahaya, Anamona a Yehova enotugumana yaka dhatedhene wihina yubuwele okwa wa Yesu mwamakalelo arumiliye. Wihina ohudhere wodhela labo nna nathima vanlubale, Musugwe VIDIYU. Mwamala muthapanyedhe nikoho nnaharela:
-
Empadduwa ddi labo Nowubuwela okwa wa Yesu?
Mudhidhi wowubuwela okwa wa Yesu, ekathe enatapulela mwili wologomana wa Yesu. Vinyu anatapulela nikame naaye
ATHU AMODHA ENAWOGA YEGI: “Ethu onahoweliwe werana wihina ovulusiwe fumurumedha Yesu.”
-
Walabihedhe aavi yolebela ya João 3:16 ni Tiago 2:17 wihina woonihe wi enohoweleya werana ethu emodhaya?
OVIRISEDHA
Nnowoniha wi nnovaha thima ele Yesu anereliye mwaha okanna nroromelo nuliye ni okalavo labo Nowubuwela okwa wa Yesu.
Ogwaddela
-
Okanna nroromelo enatapulela ddi?
-
Onafuna woonihe nimakalelo baani wi onovaha thima ele Yehova vamodha ni Yesu yuwereliwa?
-
Mwahaya bwaddi sofuneya okalawo labo Nowubuwela okwa wa Yesu?
WEGI ONONE DHITHU DHIMODHA
Okwa wa Yesu winanthukulela werana ddi?
Ohudhere dhithu dhimodha wodhela okanna nroromelo.
“Woonihe wi onororomela mpaganyo dha Yehova.” (A Sentinela, Outubro a 2016)
Wileri yohudhera eni “Vano giri oweela, gikanna egumi yapama ni yohagalala” wihina woone makalelo egumi ya muhiyana dhala esaddunwiwa nunona yotapulela ya mukutho erilena Yesu.
“Bibliya anosaddula egumi yaathu” (A Sentinela, 1.º a Agosto a 2011)
Woone mwahaya bwaddi athu vang’onove egajha ekathe ni egang’wa vinyu labo Nowubuwela okwa wa Yesu.
