TLAMACHTIL 28
Matikteititikan tiktlasojkamatij tlen okichijkej Jehová uan Jesús
¿Ken timomachilia ijkuak ikaj itlaj kualtsin mitstliokolia? Xamo sapanoua tiyolpaki uan tikneki tikteititis timotlasojkamati. Jehová uan Jesús otechtliokolijkej itlaj tlen miak ipati, ¿tlen otechtliokolijkej? ¿Ken uelis tikteititiskej timotlasojkamatij?
1. ¿Ken uelis tikteititiskej tiktlasojkamatij tlen okichijkej Jehová uan Jesús?
Biblia kijtoua “akin kiteititis kineltoka [Jesús] amo Ixpoliuis uan nochipa yoltos” (Juan 3:16). ¿Ken tikteititiaj titlaneltokaj? Amo san moneki tikijtoskej titlaneltokaj, moneki tikteititiskej ika tlen tikchiuaj (Santiago 2:17). Ijkuak ijkon tikchiuaj, okachi kuali timouikaj iuan Jehová uan Jesús (xiktlajtolti Juan 14:21).
2. ¿Tlen tonal uelis okachi tikteititiskej tikintlasojkamatiliaj Jehová uan Jesús tlen okichijkej?
Ijkuak Jesús yiixpoliuiskia okinmititi akinmej okichiuayaj ken ye, ken uelis kitlasojkamatiskiaj tlen okichi. Biblia kitokayotia “iCena toTeko”, ijkuakon tikilnamikij imikilis Jesús (1 Corintios 11:20). Jesús okitlali non tonal para akinmej tikchiuaj ken ye matikilnamiktokan omotemakak topatka. Jesús okijto: “Ijkin xikchiuakan para nantechilnamikiskej” (Lucas 22:19). Ijkuak timonechikouaj non tonal tikteititiaj tiktlasojkamatij tlen okichijkej Jehová uan Jesús.
MATIMOMACHTIKAN
Matikitakan ken uelis tikteititiskej tiktlasojkamatij tlen Jehová uan Jesús okichijkej, noijki tikitaskej tleka miak ipati timonechikoskej ijkuak tikilnamikij imikilis Jesús.
3. Tikteititiaj timotlasojkamatij ika tlen tikchiuaj
Matikijtokan yitimikiskia ijtik atl pero ikaj mitsmakixtia, ¿san niman tikilkauas akin omitsmakixti? ¿Noso itlaj tikchiuas para timotlasojkamatis?
Jehová otechmakixti. Xiktlajtoltikan 1 Juan 4:8-10 uan satepan xikitakan tlen namechmachtia.
-
¿Tleka miak ipati tlen Jesús okichi?
-
¿Ken timomachilia ijkuak tikmati tlen okichijkej mopatka Jehová uan Jesús?
¿Ken uelis tikteititiskej tiktlasojkamatij tlen Jehová uan Jesús okichijkej? Xiktlajtoltikan 2 Corintios 5:15 noijki 1 Juan 4:11 uan 5:3. Satepan xikitakan tlen namechmachtia.
-
¿Ken uelis tikteititiskej timotlasojkamatij?
4. Tikchiuaj ken Jesús
Noijki tikteititiaj timotlasojkamatij ijkuak tikchiuaj ken Jesús. Xiktlajtoltikan 1 Pedro 2:21 uan satepan xikitakan tlen namechmachtia.
-
¿Ken uelis tikchiuas ken Jesús?
Jesús okipatioitaya iTlajtol toTajtsin Dios, otetlapouiaya uan noijki okinpaleuiaya oksekimej.
5. Tikilnamikij imikilis Jesús
Para tikmatis ken opejki tikilnamikij iCena toTeko, xiktlajtoltikan Lucas 22:14, 19, 20 uan satepan xikitakan tlen namechmachtia.
-
¿Tlen okichijkej itech iCena toTeko?
-
¿Tlen kineskayotia pan uan vino? (Xikitakan versículo 19 uan 20).
Jesús okinekiaya sejse xiuitl makilnamikikan ijkuak ye oixpoliuik. Ikinon tiiTlaixpantijkauan Jehová sejse xiuitl tikilnamikij imikilis Jesús uan tikchiuaj ijkon ken ye okichi. Para tikmatis ken tikchiuaj, xikitakan VIDEO uan satepan xikitakan tlen namechmachtia.
-
¿Tlen tikchiuaj ijkuak tikilnamikij imikilis Jesús?
Pan kineskayotia icuerpo Jesús tlen okitemakak para techmakixtis uan vino kineskayotia ieso.
SEKIMEJ KIJTOUAJ: “San moneki xikneltoka Jesús uan timomakixtis”.
-
¿Ken uelis tikyekijtos ika Juan 3:16 uan Santiago 2:17 moneki tikchiuaskej okseki tlamantli uan amo san titlaneltokaskej?
XIKILNAMIKTO
Tikteititiaj tiktlasojkamatij tlen Jesús okichi tla titlaneltokaj uan timonechikouaj ijkuak tikilnamikij imikilis.
Matikojpauikan
-
¿Ken uelis ikaj kiteititis melauak tlaneltoka?
-
¿Tikneki tikintlasojkamatilis Jehová uan Jesús tlen mopatka okichijkej? ¿Ken mitspaktiskia tikchiuas?
-
¿Tleka moneki matimonechikokan ijkuak tikilnamikij imikilis Jesús?
NIN NOIJKI MITSPAKTIS
Xikita tlen techyolinia matikchiuakan ijkuak tikajsikamatij tlen kijtosneki imikilis Jesús.
Xikita tlen kijtosneki titlaneltokaskej uan ken uelis tikteititiskej.
“Ma titlaneltokakan itech tlen Jehová yokijto kichiuas” (Akin Tetlapouijtok, octubre 2016)
Se siuatl okajsikamatki ken techpaleuia imikilis Jesús. Xiktlajtolti tlamachtil “Axkan kuali nimomachilia”.
“Biblia okinpatili innemilis” (Akin Tetlapouijtok, 1 de agosto 2011)
Xikita tleka amo tinochtin tikkuaj pan nion tikonij vino ijkuak tikilnamikij imikilis Jesús.
Xamo noijki mitspaktis
TLEN MIAKEJ MOTLAJTLANIAJ
¿Ken tlamachtiaj iTlaixpantijkauan Jehová?
Ijkuak mitstlajpalotiuij iTlaixpantijkauan Jehová uelis timomachtis ika moBiblia. Noijki uelis tikinyoleuas mofamilia noso moyolikniuan mouan mamomachtikan.
