APII 28
Akaperepere i ta Iehova e ta Iesu i Rave Noou
Eaa toou manako me oake mai te oa i tetai apinga aroa manea naau? Papu, ka mataora koe e ka akaperepere koe i tana apinga aroa. Kua oronga mai a Iehova e Iesu i te apinga aroa meitaki rava. Eaa te reira, e akapeea tatou me akaari e te akaperepere ra tatou i te reira?
1. Akapeea tatou me akaari e te akaperepere ra tatou i ta te Atua e ta Karaiti i rave no tatou?
Te taputou maira te Pipiria ‘ko tei akarongo kia Iesu ra’ ka ora ïa e tuatau ua atu. (Ioane 3:16) Eaa te aiteanga kia taangaanga i te akarongo? Kare ko te irinaki ua anga ia Iesu. Ka anoano katoaia tatou kia akaari i to tatou akarongo na roto i ta tatou iki anga e ta tatou ka rave. (Iakobo 2:17) Me akaari tatou i te akarongo na roto i ta tatou ka rave e te tuatua, ka akamatutu tatou i te pirianga oa kia Iesu e tona Metua, ko Iehova.—E tatau ia Ioane 14:21.
2. Eaa tei tupu ei akaari e te akaperepere ra tatou i ta Iehova e ta Iesu i rave?
I te aiai i mua ake ka mate ei aia, kua akakite a Iesu ki tana au pipi, akapeea ratou me akaari e te akaperepere ra ratou i to Iesu atinga. Kua akakite aia i te oroa puapinga tei kapikiia e te Pipiria ko ‘te Kaikai Anga Aiai a te Atu,’ tei kapiki katoaia ko te Akamaaraanga i te Mate o Karaiti. (1 Korinetia 11:20) Kua akanoo a Iesu i te reira, kia akamaara tana au apotetoro—e te au Kerititiano katoatoa i muri mai—e kua oronga aia i tona oraanga no tatou. Kua akaue a Iesu: “E akapera kotou ei manako anga iaku.” (Luka 22:19) Me aere koe ki te Akamaaraanga, te akaperepere ra koe i to Iehova e to Iesu aroa maata no tatou.
KIMI OONU
Akara matatio i te au ravenga no te akaari e te akaperepere ra tatou i te aroa maata o Iehova e Iesu. Akamanako ana i te puapinga o te Akamaaraanga i te Mate o Karaiti.
3. Na te tu akaperepere e akakeu ia tatou
Akamanako ana e kua akaora tetai ia koe, kia kore e maremo. Ka akangaropoina ainei koe i tana i rave? Me ka kimi koe i te au ravenga no te akaari e te akaperepere ra koe i tana i rave?
E kaiou ta tatou kia Iehova. E tatau ia 1 Ioane 4:8-10, e oti uriuri i teia au uianga:
-
Eaa to Iesu atinga i riro ei ei apinga aroa akaperepere?
-
Eaa toou manako i ta Iehova e ta Iesu i rave noou?
Akapeea tatou me akaari e te akaperepere ra tatou i ta Iehova e ta Iesu i rave no tatou? E tatau ia 2 Korinetia 5:15 e 1 Ioane 4:11; 5:3. I muri ake i te tatau anga i teia irava, e uriuri i teia uianga:
-
Te akamanako anga i teia irava, eaa ta tatou ka rave no te akaari i te tu akaperepere?
4. E aru ia Iesu
Tetai ravenga ke atu ei akaari i to tatou tu akaperepere, na te aru anga i to Iesu tu meitaki. E tatau ia 1 Petero 2:21, e oti uriuri i teia uianga:
-
Akapeea koe me aru vaitata i te au takainga o Iesu?
5. E akono i te Akamaaraanga i te mate o Karaiti
Kia kite eaa tei tupu i ko i te akamaaraanga mua o te Kaikai Anga Aiai a te Atu, e tatau ia Luka 22:14, 19, 20. E oti uriuri i teia au uianga:
-
Eaa tei tupu ki te Kaikai Anga Aiai a te Atu?
-
Eaa te aiteanga o te varaoa e te wina? —Akara i te irava 19 e te 20.
Kua inangaro a Iesu i tana au pipi kia akono i te Kaikai Anga Aiai a te Atu okotai taime i te mataiti, no te akamaara i tona mate. No reira, ka aravei kapiti te Au Kite o Iehova i te au mataiti ravarai no te akamaara i tona mate, mei tana i akaue mai. Kia kite maata atu i teia uipaanga puapinga, akatangi i te VITIO. E oti uriuri i te uianga ka aru mai.
-
Eaa te tupu ana i ko i te Akamaaraanga?
E au oroa te varaoa e te wina. Akatutu te varaoa i te kopapa apa kore o Iesu, tana i akaatinga no tatou. Akatutu te wina i tona toto
KARANGA TE TANGATA: “Me irinaki ua koe ia Iesu, ka ora koe.”
-
Akapeea koe me taangaanga ia Ioane 3:16 e Iakobo 2:17 ei akaari e e maata atu taau ka rave?
APIIANGA
Ka akaperepere tatou ia Iesu na te akarongo anga kiaia e te aere anga ki te Akamaaraanga i tona mate.
Uriurianga
-
Eaa te aiteanga kia tuku i te akarongo ki roto ia Iesu?
-
Akapeea me akaari e te akaperepere ra koe i ta Iehova e ta Iesu i rave noou?
-
Eaa i puapinga ai kia tae ki te Akamaaraanga i te mate o Karaiti?
KIMI KIMI
Eaa ta te mate o Karaiti e akakeu ra ia tatou kia rave?
Kua Taangaanga Aia i Tona Kopapa no te Akangateitei ia Iehova (9:28)
Apii kia kite maata atu i te tu akarongo e akapeea me taangaanga i te reira.
“Taangaanga i Toou Akarongo i te au Taputou a Iehova” (Te Punanga Tiaki, Okotopa 2016)
I roto i te tua “Kua Ma Toku Akava Ngakau, Mataora Toku Oraanga Katoa,” kite mai tetai vaine e puapinga tikai te atinga o Karaiti i tona oraanga.
“Taui te Pipiria i te Oraanga” (Te Punanga Tiaki, Okotopa 1, 2011)
Akamanako eaa tetai pae i kai ei i te oroa i ko i te Akamaaraanga.