SAMBIRU 28
Longoni Kuti Muwonga vo Yehova ndi Yesu Akukuchitiyani
Kumbi mutuvwa wuli asani mubwezi winu wakupaskani mphasu yamampha ukongwa? Tikayika cha kuti mukondwa ukongwa ndipu mukhumbisiska kumuwonga chifukwa cha mphasu yo wakupaskani. Yehova ndi Yesu akutipaska mphasu yapade ukongwa kuluska mphasu yeyosi yo tikulondiyapu. Kumbi mphasu yeniyi ndi niyi, nanga tingalongo wuli kuti tiwonga ndi mtima wosi?
1. Kumbi ndi nthowa yinyaki niyi yo tingalongore kuti tiwonga vo Chiuta ndi Yesu Khristu akutichitiya?
Bayibolu likamba kuti “weyosi yo wavwana mwaku [Yesu]” wazamusaniya umoyu wamuyaya. (Yohane 3:16) Kumbi kuvwana mwaku Yesu kung’anamuwanji? Kung’anamuwa vinandi kuluska waka kugomezga kuti kwe Yesu. Tikhumbika so kulongo chivwanu chidu pa vinthu vo tisankha ndipuso vo tichita. (Yakobe 2:17) Asani tilongo chivwanu mu vo tichita ndipuso vo tikamba, tija pa ubwezi wakukho ndi Yesu kweniso Awisi a Yehova.—Ŵerengani Yohane 14:21.
2. Kumbi ndi mwambu wapade nuwu wo ungatiwovya kuti tilongo kuti tiwonga vo Yehova ndi Yesu akutichitiya?
Ndi mazulu wechendafwi, Yesu wangukambiya akusambira ŵaki nthowa yinyaki yo angalongore kuti awonga kujipereka kwaki. Iyu wangwambisa mwambu wapade wo Bayibolu litiwudana kuti “Chakurya Chamazulu cha Ambuya,” ndipu uziŵika so kuti Chikumbusu cha nyifwa yaku Khristu. (1 Akorinto 11:20) Iyu wangujalikiska mwambu wenuwu kuti akutumika ŵaki kweniso Akhristu wosi auneneska wo aŵengeku, akumbukengi kuti iyu wakupereka umoyu waki chifukwa chaku isi. Pakujalikiska mwambu wenuwu, Yesu wangulamula kuti: “Lutirizgani kuchita venivi pakundikumbuka.” (Luka 22:19) Asani musanirika pa Chikumbusu, mulongo kuti muwonga chanju chikulu cho Yehova ndi Yesu akutilongo.
SAMBIRANI VINANDI
Wonani nthowa zinyaki zo mungalongore kuti muwonga chanju chikulu cho Yehova ndi Yesu akutilongo. Wonani so kukhumbika kwa Chikumbusu cha nyifwa yaku Khristu.
3. Kumbi tingalongo wuli kuti tiwonga?
Yeruzgiyani kuti mubira mumaji ndipu munthu munyaki wakutaskani. Kumbi mungamulereska waka munthu yo wakutaskani ndi kutuwapu? Pamwenga mungasaniya nthowa zakuti mumuwonge pa vo wakuchitiyani?
Tazamusaniya umoyu wamuyaya chifukwa cha lisungu lo Yehova wakutilongo. Ŵerengani 1 Yohane 4:8-10, pavuli paki kambiskanani mafumbu yanga:
-
Kumbi sembi yaku Yesu ndi mphasu yapade munthowa wuli?
-
Kumbi mutuvwa wuli chifukwa cha vo Yehova ndi Yesu akukuchitiyani?
Kumbi tingalongo wuli kuti tiwonga vo Yehova ndi Yesu akutichitiya? Ŵerengani 2 Akorinto 5:15 ndipuso 1 Yohane 4:11; 5:3. Asani mwaŵerenga lemba lelosi pakulija, kambiskanani fumbu ili:
-
Mwakukoliyana ndi lemba ili, kumbi tingachita wuli kuti tilongo kuti tiwonga?
4. Muchitengi vo Yesu wachitanga
Tingalongo so kuti tiwonga asani tichita vo Yesu wachitanga. Ŵerengani 1 Peturo 2:21, pavuli paki kambiskanani fumbu ili:
-
Kumbi mungachita wuli kuti mulondongi maphazi ngaku Yesu mwakugomezgeka?
Yesu wayanjanga Mazu ngaku Chiuta, wapharazganga uthenga wamampha ndipuso wawovyanga ŵanthu
5. Muyesesengi kusanirika pa Chikumbusu cha nyifwa yaku Khristu
Kuti muziŵi vo vinguchitika pa mwambu wakwamba wa Chakurya Chamazulu cha Ambuya, ŵerengani Luka 22:14, 19, 20. Pavuli paki kambiskanani mafumbu yanga:
-
Kumbi ndi vinthu wuli vo vinguchitika pa mwambu wakwamba wa Chakurya Chamazulu cha Ambuya?
-
Kumbi chiŵandi ndi vinyu vimiyanji?—Wonani vesi 19 ndi 20.
Yesu wakhumbanga kuti akusambira ŵaki achitengi mwambu wa Chakurya Chamazulu cha Ambuya chaka chechosi pa deti lo wangufwiya. Mwaviyo, Akaboni aku Yehova akumana pamoza chaka chechosi kuti akumbukiyi nyifwa yaku Yesu Khristu nge mo mweneku wangulamuliya. Kuti muziŵi vakukwaskana ndi unganu wakukhumbika wenuwu, woneriyani VIDIYO. Pavuli paki kambiskanani fumbu ili:
-
Kumbi ndi vinthu wuli vichitika pa Chikumbusu?
Chiŵandi ndi vinyu vimiya vinthu vinyaki. Chiŵandi chimiya liŵavu lakufikapu laku Yesu lo wangulipereka chifukwa chaku isi. Vinyu wamiya ndopa zaki
ŴANTHU ANYAKI AKAMBA KUTI: “Munthu wakhumbika waka kuvwana mwaku Yesu kuti wazitaskiki.”
-
Kumbi mungaligwiriskiya wuli ntchitu lemba la Yohane 3:16 ndipuso la Yakobe 2:17 kuti mulongo kuti pakhumbika vinandi kuluska waka kuvwana mwaku Yesu?
KUMBI MWASAMBIRANJI?
Tilongo kuti tiwonga vo Yesu wakutichitiya asani tija ndi chivwanu mwaku iyu kweniso asani tisanirikapu pa Chikumbusu cha nyifwa yaki.
Kuweriyamu
-
Kumbi kuvwana mwaku Yesu kung’anamuwanji?
-
Kumbi muchitengenji kuti mulongo kuti muwonga vo Yehova ndi Yesu akukuchitiyani?
-
Ntchifukwa wuli kusanirika pa Chikumbusu cha nyifwa yaku Yesu Khristu nkhwakukhumbika ukongwa?
FUFUZANI
Kumbi nyifwa yaku Yesu Khristu yititichiska kuti tichitengenji?
Ziŵani vinandi vakukwaskana ndi chivwanu kweniso mo mungachilongore.
“Jani Ndi Chivwanu pa Vo Yehova Wakulayizga” (Chigongwi cha Alinda, October 2016)
Mu nkhani yamutu wakuti “Ndiwona Kuti nde Wakutowa Ndipuso Ndija Umoyu Waphindu,” wonani mo munthukazi munyaki wangusinthiya umoyu waki chifukwa chakuziŵa vakukwaskana ndi sembi yaku Khristu.
“Bayibolo Lisintha Ŵanthu” (Chigongwi cha Alinda, August 1, 2011)
Wonani chifukwa cho ŵanthu amanavi waka ndiwu aturya chiŵandi ndi kumwa vinyu pa Chikumbusu.
Mungayanja Kuŵerenga so Nkhani Izi
MAFUMBU NGO ŴANTHU AFUMBA KAŴIKAŴI
Kumbi Sambiru la Bayibolu lo Akaboni aku Yehova Achitiska Ntchinthu Wuli?
Kuziya mu pulogilamu yawezi ya kusambira Bayibolu ndi Akaboni aku Yehova, mungagwiriskiya ntchitu Bayibolu lelosi. Mungadaniyaku banja linu losi pamwenga mabwezi nginu pa sambiru.
