GIHEVBULO 28

Bonga khesi Jehovha ni Jesu va gu giredego

WOMBISA

Wo dzipwa kharini tepo pari yago yi gu ningago giningwa nyo khaguri? Khu lisine u ngu tsaka u bwe u gira satshavbo u si kodzago gasi gu yeyedza pari yago gu khuwe u gi gode ngudzu giningwa gyogyo. Jehovha ni Jesu va hi ningide giningwa nya lisima ngudzu ga satshavbo, a gu gudzegiswa. Hi nga yeyedza kharini gu khethu hi ngu bonga ngudzu khu giningwa gegi?

1. Khu yevbini mweyo nya dzindziya nyo yeyedze gu khethu hi ngu bonga khesi Jehovha ni Jesu va hi giredego?

Bhibhiliya yo tumbisa gu khiyo ‘ni wevbi a khodwago ga Jesu’ a na vbanya kala gupindruga. (Johane 3:16) So thula ginani gu khodwa? So thula silo nya singi nyo vbindre gu khodwa ga Jesu basi. Gu vbwetega gambe hi yeyedza gukhodwa gwathu khesi hi si hathago ni esi hi girago. (Jakobe 2:17) Tepo hi yeyedzago gukhodwa gwathu khesi hi girago ni gu ganeya, ho tiyisa wupari wathu ni Jesu ni Papayi waye, Jehovha. — Leri Johane 14:21.

2. Gigiro muni nyo hathege gi hi phasago gu yeyedza gubonga khesi Jehovha ni Jesu va hi giredego?

Ga wutshigu waye nya guhegise mafuni, Jesu embede vapizane vaye yimbe ndziya nyo yeyedze khiyo gubonga khu muphaso waye. A di va embeya gu khuye va di yede gu tshangana wulanga wumowo va gira gigiro nyo hathege ngudzu, egi Bhibhiliya yi gi ranago khiyo “Gilalelo gya Pfhumu”, gi tidwago gambe kha nga Gidundrugiso nya gufe ga Kristo. (1 Vakorinto 11:20) Jesu a di gu vbweta gu khuye vapostoli vaye ni Makristo yatshavbo nya lisine ma nga hadzi tshala ma manega, va dundruga gu khavo a di ningede womi waye khu kotani yawe. Maningano ni gigiro gegi, Jesu a di khuye: “Girani esi khu gialakanyo gyangu.” (Luka 22:19) Tepo u hongolago Gidundrugisotunu, wo yeyedza gu khuwe u ngu bonga ngudzu khu lihaladzo eli Jehovha ni Jesu va gu yeyedzidego.

GIRA WUGEVISISI NYO ETE

Wona dzimbe dzindziya nyo yeyedze khidzo gu khuwe u ngu bonga khu lihaladzo eli Jehovha ni Jesu va gu yeyedzidego. Wona gambe gu khuwe khu ginani Gidundrugiso nya gufe ga Kristo gi gu gya lisima.

3. Dzindziya nyo yeyedze khidzo gubonga

Nga dzi dundrugeya nu dzama, khavbovbo guta muthu a ta gu vbulugisa! Ina u di hadzi dzegeya gu si divala esi muthu yoyo a nga gu gireya? Mwendro u hadzi gira satshavbo u si kodzago gasi gu mu bonga khesi a gu giredego?

Na siri ga Jehovha, na hiri mwalo gutumba nyo vbanye kala gupindruga. Lerini 1 Johane 4:8-10, mu vbedza mu bhula khu siwudziso sesi:

Khu ginani muphaso wa Jesu wu gu giningwa nya guhathege?
Wo dzipwa kharini khu guti esi Jehovha ni Jesu va gu giredego?

Hi nga yeyedza kharini gu khethu hi ngu bonga khesi Jehovha ni Jesu va hi giredego? Lerini 2 Vakorinto 5:15; 1 Johane 4:11; 5:3. Hwane nyo leri milowo yeyi yatshavbo, bhulani khu giwudziso gegi:

Khu guya khesi u nga leri, ginani hi nga girago gasi hi yeyedza gubonga gwathu?

4. Pimedzeya Jesu

Yimbe ndziya nyo yeyedze gubonga khu gu hi pimedzeya Jesu. Lerini 1 Pedro 2:21, mu vbedza mu bhula khu giwudziso gegi:

U nga landrisa kharini ndziya mwendro ngondro wa Jesu?

Jesu a di gu gola Lito la Nungungulu, a di gu tshumayela mahungu nya yadi ni ni gu a di gu phasa vambe

5. Manega Gidundrugisotunu nya gufe ga Kristo

Gasi guti esi si nga girega ga Gilalelo gya Pfhumu nyo pheye, leri Luka 22:14, 19, 20. Khavbovbo, mu bhula khu siwudziso sesi:

Ginani gi nga girega ga Gilalelo gya Pfhumu?
Pawu ni vhinyu so emeya ginani? — Wona mavhesi 19 ni 20.

Jesu a di gu vbweta gu khuye vapizane vaye va gira Gilalelo gya Pfhumu mwaga ni mwaga khu litshigu nya gufe gwaye. Khu kharato, Dzifakazi dza Jehovha dzi ngu tshangana mwaga ni mwaga gasi gu dundruga gufa ga Jesu khu guya khedzi a nga leleteya khidzo. Gasi guti edzi gi girwago khidzo Gidundrugiso gegi nya lisima ngudzu, sistirini VHIDHYU. Khu hwane, mu bhula khu giwudziso gi landreyago.

VHIDHYU: Dundruga gufa ga Jesu (1:41)

Gyo girwa kharini Gidundrugiso?

Gidundrugisotunu, pawu yo emeya givili gya Jesu nyo vbeleye a nga gi ningeya khu kotani yathu nigu vhinyu yo emeya novba waye

VAMBE VARI KHAVO: “Gasi gu vbanyiswa, khodwa ga Jesu basi.”

U di hadzi thumisa kharini libhuku la Johane 3:16 ni Jakobe 2:17 gasi gu yeyedza gu khuwe somo simbe u yedego gu gira guvbindra gu khodwa ga Jesu?

REZUMO

Ho yeyedza gubonga gwathu khesi Jesu a hi giredego khu khodwa gwaye ni gu manega Gidundrugisotunu nya gufe gwaye.

Siwudziso nyo wusedze

So thula ginani gu khodwa ga Jesu?
U di gu tsakeya gu yeyedza kharini gubonga gwago khesi Jehovha ni Jesu va gu giredego?
Khu ginani si gu sa lisima gu manega Gidundrugisotunu nya gufe ga Kristo?

Gihevbulo gegi gi vbede khu dhiya:

Zama gu gira esi

Manega ga Gidundrugiso gi tago nya gufe ga Kristo. Wudzisa muhevbudzi wago nya Bhibhiliya gu khuwe lini gi na girwago, u vbedza u markari litshigu lolo avba nya kalendaryo yago.

Simbe u nga girago:

Your other goal

HEVBULA SIMBE

Gufa ga Kristo go hi kutsa gu gira ginani?

Jesu a di thumisa givili gyaye gasi gu ninga wuzundzo Jehovha (9:28)

Hevbula simbe khu gukhodwa.

“Khodwa ga situmbiso sa Jehovha” (Mukhedziseyi nya Outubro nya 2016, khu Giputukezi)

Omu nya ndrima “Nyo dzipwa na nyi agide, na nyi vbanya, na nyi tsakide,” wona edzi womi wa nyamayi nyo khaguri wu vbindrugedzidego khidzo hwane nyo ba a pwisiside tshamuselo nya muphaso wa Kristo.

“Bhibhiliya yi ngu vbindrugedza womi nya vathu” (Mukhedziseyi nya 1 nya Agosto nya 2011, khu Giputukezi)