OCIPAMA 28
Lekisa Olopandu Kovina Yehova la Yesu va ku Lingila
O liyeva ndati eci ekamba limue li ku ĩha ombanjaile yimue ya posoka? Citava okuti, yu ku sanjuisa calua kuenda o yongola oku lekisa kekamba liove okuti, wa sola ombanjaile yaco. Yehova la Yesu va tu ĩha ombanjaile ya velapo viosi. Ombanjaile yaco nye kuenda tu lekisa ndati olopandu kokuayo?
1. Yipi onjila yimue yoku lekisa olopandu kovina Suku la Kristu va tu lingila?
Embimbiliya lia likuminya okuti, “wosi o kolela [Yesu]” o kala komuenyo otembo ka yi pui. (Yoano 3:16) Nye ci lomboloka oku lekisa ekolelo? Ka ci lomboloka lika oku tava ku Yesu. Tu sukilavo oku lekisa ekolelo kolonjila tu nõla kuenda kovina tu linga. (Tiago 2:17) Eci tu lekisa ekolelo kovina tu linga, levi tu popia, tu pamisa ukamba wetu la Yesu kuenda la Isiaye Yehova.—Tanga Yoano 14:21.
2. Ocipito cipi cilikasi ci tu kuatisa oku lekisa olopandu kovina Yehova la Yesu va tu lingila?
Vuteke osimbu Yesu ka file, wa sapuila olondonge viaye onjila yikuavo yoku lekisa olopandu kocilumba caye. Eye wa handeleka oku linga ocipito cimue cilikasi cina Embimbiliya li tukula hati, “Ondalelo ya Ñala,” ca kũlĩhĩwavo okuti, Onjivaluko yolofa via Kristu. (1 Va Korindo 11:20) Yesu wa tumbika ocipito caco oco okuti, ovapostolo vaye Lakristão vosi vocili va laikele oku kalako noke, va ivaluka okuti eye wa eca omuenyo waye kokuetu. Catiamẽla kocipito caco, Yesu wa handeleka hati: “Ci lingaili onjivaluko yange.” (Luka 22:19) Poku enda kocipito Conjivaluko, o lekisa olopandu omo liocisola calua Yehova la Yesu va tu kuetele.
LILONGISA ONDONGOSI
Konomuisa olonjila vikuavo vioku lekisa olopandu omo liocisola calua Yehova la Yesu va tu kuetele. Lilongisa esunga lieci ocipito Conjivaluko yolofa via Kristu ci kuetele esilivilo.
3. Nye tu linga oco tu lekise olopandu?
Sokolola okuti, umue wa popela omuenyo wove. Anga hẽ nda wa ivalako eci omunu waco a ku lingila? Ale nda wa sanda olonjila vioku lekisa olopandu omo lieci a ku lingila?
Omuenyo wetu wa tamba ku Yehova. Tanga 1 Yoano 4:8-10, noke konomuisa apulilo a kuãimo:
-
Momo lie ocilumba ca Yesu ombanjaile yimue yilikasi?
-
O liyeva ndati omo lieci Yehova la Yesu va ku lingila?
Tu lekisa ndati olopandu kueci Yehova la Yesu va tu lingila? Tanga 2 Va Korindo 5:15 kuenda 1 Yoano 4:11; 5:3. Noke lioku tanga ovisonehua evi, konomuisa epulilo li kuãimo:
-
Ndeci ca lekisiwa vocisonehua eci, nye tu linga oco tu lekise olopandu?
4. Setukula Yesu
Onjila yikuavo yoku lekisa olopandu vietu, poku setukula Yesu. Tanga 1 Petulu 2:21, noke konomuisa epulilo li kuãimo:
-
O kuama ndati volomãhi via Yesu lekolelo?
Yesu wa solele Ondaka ya Suku, wa kunda olondaka viwa kuenda wa kuatisa vakuavo
5. Kuende kocipito Conjivaluko yolofa via Kristu
Oco o kũlĩhe eci ca pita kocipito catete Condalelo ya Ñala, tanga Luka 22:14, 19, 20. Noke konomuisa apulilo a kuãimo:
-
Nye ca pita kocipito Condalelo ya Ñala?
-
Ombolo kuenda ovinyu, vi lomboloka nye? —Tala ocinimbu 19 kuenda 20.
Yesu wa yonguile okuti, olondonge viaye vi linga ocipito Conjivaluko onjanja yimosi vunyamo keteke eye a fa. Omo liaco, Olombangi Via Yehova via siata oku liongolola unyamo lunyamo oco vi ivaluke olofa via Kristu ndeci eye a handeleka. Oco o lilongise catiamẽla kohongele eyi ya velapo, tala OVIDEO. Noke konomuisa epulilo li kuãimo.
-
Nye ci lingiwa kocipito Conjivaluko yolofa via Kristu?
Ombolo kuenda ovinyu vi lomboloka ocina cimue. Ombolo yi lomboloka etimba lia lipua Yesu a eca kokuetu. Ovinyu yi lomboloka osonde yaye
OMANU VAMUE VA POPIA VATI: “Ocina o sukila oku linga lika oco o popeliwe, oku tava ku Yesu.”
-
O longisa ndati lelivulu lia Yoano 3:16 kuenda Tiago 2:17, oco o lekise okuti kuli ovina vikuavo vi sukiliwa?
NYE WA LILONGISA?
Tu eca olopandu kueci Yesu a tu lingila poku lekisa ekolelo kokuaye kuenda poku enda kocipito Conjivaluko yolofa viaye.
Oku Pitulula
-
Nye ci lomboloka oku lekisa ekolelo ku Yesu?
-
O lekisa ndati olopandu kueci Yehova la Yesu va ku lingila?
-
Momo lie ci kuetele esilivilo oku enda kocipito Conjivaluko yolofa via Kristu?
OCO O KŨLĨHE OVINA VIKUAVO
Olofa via Kristu vi tu vetiya oku linga nye?
Eye wa Talavaya Letimba Liaye Oco a Ece Esivayo ku Yehova (9:28)
Lilongisa vikuavo viatiamẽla kekolelo kuenda ndomo tu lekisa ekolelo liaco.
“Lekisa Ekolelo Kolohuminyo Via Yehova” (Utala Wondavululi wa Mbalavipembe 2016)
Vulandu losapi, “Ndi li Yevite Okuti Nda Yela, Ñuete Omuenyo Kuenda Ocimãho,” tanga ndomo omuenyo wukãi umue wa pongoloka eci a kuata elomboloko liocilumba ca Kristu.
“Embimbiliya li Pongolola Omuenyo Womanu” (Utala Wondavululi 1 Wenyenye 2011)
Kũlĩhĩsa esunga lieci omanu vamue ovo lika va pondola oku lia kombolo loku nyua kovinyu kocipito Conjivaluko yolofa via Yesu.
Ove o ka ci Sola
APULILO A SIATA
Elilongiso Liembimbiliya li Lingiwa Lolombangi Via Yehova li Lomboloka Nye?
Lekuatiso lielilongiso li lingiwa ocali Lolombangi Via Yehova, o pondola oku kuama Lembimbiliya liosi o yongola. Lianja poku laleka epata liove liosi ale akamba vove, oco vu lilongisili kumosi.
