Ngano weka fwilulu muntu wu weri tomo zoloko? Mu ntangu yo ya nkatika mpasi, lendi tiyula: ‘Bwe tubwanaka bu tufwaka? Ngano tivuvu tie neto tia vutu mona bantu ba tazolo?’ Mu timoko ti na tita landa, tala mvutu zitindisaka zi hanaka Bibila.

1. Bwe tubwanaka bu tufwaka?

Yezu wafwanakasa lufwa na tolo twa ngolo. Muntu bu wubwaka tolo twa ngolo, ka wuzabaka misamu miyôkaka mu tizunga tiandi ko. Bwe lufwa lufwanakane na tolo? Ha manima ma lufwa, muntu ka wuvutu’â monaka mpasi ko, ka vutu’â mpe bwabanaka na misamu mia mbi ko. Bibila ditêle ti: “Bantu bafwa ka bazebi’â na kani musamu ko”.​—Tanga Ekleziaste 9:5.

2. Mu bungu dia nti we musamu wa mbote mu zaba matieleka matariri lufwa?

Bantu babingi batînaka lufwa​—na bantu bafwa mpe! Kâ lendi baka lutindusu mu mio mi tâka Bibila mu bungu dia lufwa. Yezu watâ: “Matieleka mbo malukûla.” (Za 8:32, NWT) Mabundu makaka matâka ti nitu kwa yifwaka, kâ tilundi ka tifwaka ko; Bibila ka dilongesaka musamu wo ko. Dieka bo, muntu ka wumonaka mpasi ko ha manima ma lufwa. Mpe mu bungu ti bantu ba fwa ka bazebi’â musamu ko, ka balendi’â mpe batumwisa mpasi ko. Buna, ka wena mfunu ko mu balembekaka peleko mu sambilaka bantu bafwa, mpe ka wena mfunu ko mu tâka tusambulu mu bungu dia bawu.

Bantu bakaka batâka ti balendi zonza na bantu bafwa. Kâ, ka bulendi’â bwa bâ ko. Ntiana bu tulongokele wo, bantu bafwa “ka bazebi’â na kani musamu ko.” Bantu babanzaka ti na bantu bawu bafwa bazonzaka, butomo tala na bademo bazonzaka, bamonekaka ntiana bantu bawu bafwa. Buna, zaba matieleka matariri lufwa, mu bademo matukengerelaka. Yehova tulwengese mu lembo yêla mu zonza na bantu bafwa, mu bungu ti zebi ti zonza na bademo kulendi tu mwisa mpasi.​—Tanga Lubambu 18:10-12.

3. Zaba matieleka mu bungu dia bantu bafwa

Mu nza yayansoni, bantu nkwikulu za swaswana zi bâka nawu, mu mpila yi tukwizi bâka bu tufwaka. Diangana, nkwikulu zo zazansoni ka zilendi’â zabâ za matieleka ko.

• Ntia nkwikulu zitariri bantu bafwa ze nsangu mu tizunga tiaku?

 4. Ndandu zitunatinaka matieleka matariri lufwa

Matieleka mu bungu dia lufwa kûla matukûlaka mu bunkuta bwa bantu bafwa. Tangeno Ekleziaste 9:10, ha manima zonzeleno tiyuvu eti:

• Ngano bantu bafwa balendi tu mwisa mpasi?

Matieleka ma Bibila kengerela matukengerelaka mpe mu nkwikulu yitâka ti bantu bafwa bafweti balembeka peleko bafweti ba sambila. Tangeno Izaya 8:19 na Nzabukusu 4:11, mpe zonzeleno tiyuvu eti:

• Mu nge Yehova ntia mabanza me nandi mu bungu dia muntu wusambilaka muntu wafwa peleko wudingaka lubakusu lwandi?

5. Matieleka matariri lufwa tindisa matutindisaka

Bantu babingi ba longesa ti bu bafwa mbo bamona mpasi mu bungu dia misamu mi bayirika mu ntama. Kâ tindisa wututindisaka bu tuzabaka ti ka kwena muntu ko wumonaka mpasi ha manima ma lufwa lwandi​—ni wubâ wô wayirika misamu mia nkatika mia mbi. Tangeno Bisi-Rome 6:7, mpe zonzeleno tiyuvu eti:

• Tala ti ntiana bu tutangaka wo mu Bibila, lufwa muntu lukûlaka mu masumu mandi, ngano muntu bu wufwaka mpasi wumonaka mu bungu dia misamu mia mbi mi kayirika mu ntama?

Bu tutomo kwizi zaba Yehova, mbo tutomo kwizi bakula ti kani kabwe ka tambula ko ti bantu bafwa bamona mpasi. Tangeno Lubambu 32:4 na 1 Za 4:8, ha manima zonzeleno biyuvu ebi:

• Ngano Nzambi ye na bifu bi bazonzele mu verse zo mbo yitambula ti bantu bafwa bamona mpasi ntangu zazansoni?

• Ngano kwe nge matieleka matariri lufwa tindisa matindisaka? Mu bungu dia nti?

 MU BUKUFI

Muntu bu wufwaka, luzingu lwandi lusukiri. Bantu bafwa ka bamonaka mpasi ko mpe ka balendi’â bamwisa bantu ba moyo mpasi ko.

Biyuvu bia mbambukulu

• Bwe tubwanaka bu tufwaka?

• Bwe matieleka matariri lufwa matunatinaka ndandu?

• Bwe matieleka matariri lufwa matutindisilaka?