¿Shuj juyashca familia o amigo huañushcallu? Chai llaqui horasga, tal vez cashnami tapuringui “¿Huañushca jipaga imadi tucunchi? ¿Ñuca juyashca familia y amigogunada cutindi rricui pudishallu?”. Cai y catij leccionbimi Biblia animachij respuestada cushcada yachashun.

1. ¿Huañushca jipaga imadi tucunchi?

Jesusga huañuidaga puñunaunmi compararca. ¿Huañuidaga imamundadi puñunaun comparanchi? Shuj persona huañujta puñujushaga, nimada na sintinllu. Huañushcagunaga nanaida, llaquida nimada na sintinllu. Bibliabiga “huañushcagunaga nimada na yachanllu” ninmi (Eclesiastés 9:5-da liyi).

2. ¿Huañushcaguna ima tucushcada yachanaga imashinadi ayudan?

Ashca gentegunami huañunada y huañushcagunadash manchan. Can shina sintirijpiga, Biblia huañuimunda ima nishcada yachanami tranquilo sintirillun ayudanga. Jesusga nircami: “Verdadta yachanami libres tucullun ayudanga” (Juan 8:32). Huaquin religiongunaga huañushca jipaga almaga causash catin ninmi, pero Bibliaga na shina yachachinllu. Huañushca jipaga, nipi na sufrish catinllu. Huañushcagunaga nimada na yachanllu, ñucunchigunadash nimada na rrurrai pudinllu. Chaimundami huañushcaguna ama sufrish catillun nish misagunada na rrurrana ganchi, ni oraciongunada na cachana ganchi.

Huaquin gentegunaga huañushcagunaunmi parrlai pudinchi nin, pero chaiga na ciertollu gan. Ña rricushca shinaga “huañushcagunaga nimada na yachanllu”. Demoniogunami genteguna shina tucush parrlanacujun. Huañushcagunamunda verdadta yachanami demoniogunabu trampagunamunda cuidan. Demoniogunaun parrlana peligroso gashcada yachashmi, Jehová Diosga paigunaun ama parrlallun advirtin (Deuteronomio 18:10-12-da liyi).

3. ¿Huañushca jipaga imadi tucunchi?

Mundo enterobimi huañushcagunamunda diferente yuyaiguna tiyan. Pero na tucui yuyaigunallu cierto gan.

• ¿Can causashca lugarbiga huañushcagunamunda ima costumbregunadi tiyan?

 4. Huañushcagunamunda verdadta yachanami panta yuyaigunamunda caruyallun ayudan

Huañushcagunamunda verdadta yachashmi paigunada ña na manchashun. Eclesiastés 9:10-da liyish, chaimunda parrlaichi:

• ¿Huañushcagunaga ñucunchigunada llaquichi pudinllu?

Bibliabi huañushcagunamunda verdadta yachashmi huañushcagunada na manchashun, ni paigunada ña na adorashun. Isaías 8:19 y Apocalipsis 4:11-da liyish, chaimunda parrlaichi:

• ¿Genteguna huañushcagunada adorajpiga o paigunabu ayudada mascajpi, Jehová Diosga imashinadi sintirin?

5. Huañushcaguna imashina gajta yachashmi tranquilos sintirinchi

Ashca gentegunami, “causaibi na alli cosasgunada rrurrashcamunda huañushcagunaga sufrin” nin. Demas malo cosasgunada rrurrashca gashash, huañushca jipa na sufrina gashcada yachashmi tranquilo sintirinchi. Romanos 6:7-da liyish, chaimunda parrlaichi:

• Bibliabiga huañushmi pecadogunamunda ña paganchi nin. Shinaga, ¿Huañushcaguna paigunabu pecadogunamunda sufrijushcadallu cringui?

Jehová Diosda ashtaun rrijsishmi, pai huañushcagunada nunca na llaquichij gashcada yachanchi. Deuteronomio 32:4 y 1 Juan 4:8-da liyish, chaimunda parrlaichi:

• Cai versiculogunabiga Diosga llaquij, juyaj gashcadami nin. Shina gashash, ¿huañushcagunada llaquichijushcadallu yuyangui?

• ¿Huañushcaguna ima tucushcada yachashaga imashinadi sintiringui? ¿Imamunda?

 RESUMEN

Majinbish huañushaga chaibimi tucurin. Huañushcagunaga na sufrinllu, ni cutishujgunadash na llaquichinllu.

Repaso

• ¿Huañushca jipaga causaiga tiyanllu?

• ¿Huañuimunda verdadta yachanaga imashinadi ayudan?

• ¿Huañuimunda verdadta yachanaga imashinadi tranquilo sintirillun ayudan?