ΜΑΘΗΜΑΣ 29
Σο Αβέλα-πες Κάνα Μεράσα;
Χασαρντάν τούι κο μεριπέ καέκ τζενές σο μανγκέας; Ασακέ πφαρέ ντιβεσέντε, μπέκιμ τι σκεφτίνας: “Σο αβέλα-πες κάνα μεράσα; Κα ντικχάς πάλι ι τζενέν σο μανγκάσα;” Ανταλέστε ντα κο γιαβέρ μάθημας, κα ντικχές ο απαντήσεις ι Γραφιάκε σο λοκχιαρένα αμαρό γκι.
1. Σο αβέλα-πες κάνα μεράσα;
Ο Ιησούς βακερντάς ότι ο μεριπέ ισί σαρ ο πφαρό σοϊπέ. Εκ τζενό σο σοβέλα πφαρές, να αγαβέλα σο αβέλα-πες ντονταλάι λέσταρ. Σαρ μοιάζελα ο μεριπέ ι σοϊμάσαρ; Κάνα μερέλα εκ τζενό, να αγαβέλα ντουκχ. Να νιωθίνελα κορκορό, καμπόρ-ντα τι μανγκέλας πι αμαλέν ντα πι φαμιλί. «Ο μουλέ να τζανένα τίποτα», βακερέλα η Γραφή.—Διαβάνεν Εκκλησιαστής 9:5.
2. Σαρ βοηθίντιβασα κάνα σικλιάσα ι αλήθεια ι μεριμάσκε;
Μπουτ τζενέ νταρένα κατά μεριπέ—ατζέ-ντα κατά μουλέ! Αλλά οντουλά σο βακερέλα η Γραφή ι μεριμάσκε μπορίνενα τι λοκχιαρέν το γκι. Ο Ιησούς βακερντάς: «Η αλήθεια κα ελευθερώνελ-τουμέν». (Ιωάννης 8:32) Ισί θρησκείες σο σικλιαρένα ότι κάνα μερέλα εκ τζενό, κάτι αντρέ λέστε συνεχίνελα τι τζουβντιόλ, αλλά η Γραφή να σικλιαρέλα-λες ανταβά. Άρα, καέκ τζενό να βασανίντιβελα σοράν κατά μεριπέ. Ατζέ, αφού ο μουλέ να τζανένα τίποτα, ναστί κερένα αμένγκε ζιάνι. Οτθάρ να χρειαζίντιβελα τι ντας λατρεία ι μουλέν ή τι κεράς πράγματα λένγκε για μα τι χολιάνεν αμένγκε, ούτε τι κεράς προσευχές λένγκε.
Μερικά τζενέ βακερένα ότι μπορίνενα τι κερέν λάφι ι μουλέντζαρ. Αλλά ανταβά να αβέλα-πες. Σαρ σικλιλάμ ακανά, ο μουλέ «να τζανένα τίποτα». Οντουλά σο αμντίνενα ότι κερένα λάφι πουμαρέ αγαπημέ τζενέντζαρ σο μουλέ, μπέκιμ κι πραγματικότητα τι κερένα λάφι δαιμονέντζαρ σο κερένα-πες ότι ισί ο μουλέ τζενέ. Οτθάρ, άμα τζανάσα ι αλήθεια ι μεριμάσκε, αρακχαβάσα-αμέν κατά δαίμονες. Ο Ιεχωβά βακερέλα αμένγκε ότι δεν πρέπει τι προσπαθίνας τι κεράς λάφι ι μουλέντζαρ, σόσκε τζανέλα ότι παλάλ ανταλέσταρ γκεράντιβενα ο δαίμονες ντα κα κερέν αμένγκε ζιάνι.—Διαβάνεν Δευτερονόμιο 18:10-12.
ΧΑΝΤΖΟΥΒ ΠΟ ΑΧΟΡΤ
Σίκλιουβ πο μπουτ οντουλένγκε σο σικλιαρέλα η Γραφή ι μεριμάσκε, ντα κερ τι πίστη πο ζουρανί κο Ντεβέλ σο πφαμπόλα ι τζενένγκε ντα να βασανίνελα οντουλέν σο μουλέ.
3. Σο αβέλα-πες μπαγιά ι μουλέντζαρ
Σαρό κο ντουνιάς, ο τζενέ πακιάνα διάφορα πράγματα ι μουλένγκε. Όμως, να αβέλα-πες σαρέ τι αβέν σωστά.
-
Σο πακιάνα ο τζενέ τι τθεμέστε ότι αβέλα-πες ι μουλέντζαρ;
Για τι σικλιός σο βακερέλα η Γραφή, ντικχέν ο ΒΙΝΤΕΟΣ.
Διαβάνεν Εκκλησιαστής 3:20 ντα σοράν συζητίνεν ο ερωτήσεις:
-
Σαρ σικαβέλα ανταβά εδάφιος, σο αβέλα-πες εκχέ τζενέσαρ σο μερέλα;
-
Συνεχίνελα τι τζουβντιόλ κάτι κατά τζενό σοράν λέσκε μεριμάσταρ;
Η Γραφή βακερέλα αμένγκε ι Λαζαρόσκε μεριμάσκε, σο ισινέ μπουτ λατσσό αμάλ ι Ιησούσκο. Διαβάνεν Ιωάννης 11:11-14 ντα ντικχ σαρ μοιασκιαρντάς ο Ιησούς ο μεριπέ ι Λαζαρόσκο. Σοράν συζητίνεν ο ερωτήσεις:
-
Σαρ βακερντάς ο Ιησούς ότι μοιάζελα ο μεριπέ;
-
Σο αγαβάσα ι μουλένγκε ανταλέσταρ;
-
Ντικχιόλα τούκε γκοντιαβέρ ανταβά σο βακερέλα η Γραφή ι μεριμάσκε;
4. Η αλήθεια ι μεριμάσκε κερέλα αμένγκε λατσσιπέ
Άμα τζανάσα ι αλήθεια ι μεριμάσκε, να νταράσα κατά μουλέ. Διαβάνεν Εκκλησιαστής 9:10 ντα σοράν συζητίνεν ι ερώτηση:
-
Μπορίνενα τι κερέν αμένγκε ζιάνι ο μουλέ;
Η αλήθεια ι Γραφιάκι αρακχαβέλα-αμέν επίσης κατά χουχαϊπέ ότι πρέπει τι κεράς πράγματα ι μουλένγκε για μα τι χολιάνεν αμένγκε ή ατζέ-ντα ότι πρέπει τι ντας-λεν λατρεία. Διαβάνεν Ησαΐας 8:19 ντα Αποκάλυψη 4:11 ντα σοράν συζητίνεν ο ερωτήσεις:
-
Σαρ πακιάσα ότι αβέλα ι Ιεχωβάσκε κάνα ντικχέλα εκχέ τζενές τι ντελ λατρεία εκχέ μουλές ή τι μανγκέλ λέσκι βοήθεια;
5. Η αλήθεια ι μεριμάσκε λοκχιαρέλα αμαρό γκι
Μπουτ τζενέ πακιάνα ότι, κάνα κα μερέν, κα βασανίντιβεν ι μπέτι πραγματένγκε σο κερντέ. Αλλά λοκχιαρέλα αμαρό γκι τι τζανάς ότι καέκ να βασανίντιβελα σοράν κατά μεριπέ—ατζέ-ντα ο τζενέ σο τθερένα κερντό μπουτ μπέτι πράγματα. Διαβάνεν Ρωμαίους 6:7 ντα σοράν συζητίνεν ι ερώτηση:
-
Σαρ διαβάνασα κι Γραφή, ο μεριπέ νασκιαρέλα, ή γιαβέρσοϊ, λέλα εκχέ τζενέσταρ ι αμαρτία. Άρα σο πακιάσα, βασανίντιβενα οντουλά σο μουλέ ι μπέτι πραγματένγκε σο τθερένα κερντό;
Καζόμ πο μπουτ σικλιάσα ι Ιεχωβάς, αζόμ πο μπουτ αγαβάσα ότι να κα μουκχέλας ποτές τι βασανίντιβεν ο μουλέ. Διαβάνεν Δευτερονόμιο 32:4 ντα 1 Ιωάννη 4:8 ντα σοράν συζητίνεν ο ερωτήσεις:
-
Εκ Ντεβέλ σο τθερέλα ο λατσσίματα σο διαβαντάμ κο εδάφια, κα μουκχέλας ποτές τι βασανίντιβεν ο μουλέ;
-
Λοκχιαρέλα το γκι η αλήθεια ι μεριμάσκε; Σόσκε βακερέσα-λες ανταβά;
ΜΕΡΙΚΑ ΤΖΕΝΕ ΒΑΚΕΡΕΝΑ: «Νταράβα σο κα αβέλ μάνγκε κάνα κα μεράβ».
-
Καλά εδάφια κατά Γραφή σο λοκχιαρένα αμαρό γκι κα μπορίνεας τι σικαβές λένγκε;
ΧΑΝΙΚ ΛΑΦΙΝΤΖΑΡ
Κάνα εκ τζενό μερέλα, λέσκι ζωή τελειώνελα. Ο μουλέ να βασανίντιβενα ντα ναστί κερένα ζιάνι κο τζουβντέ.
Σο Σικλιλάν;
-
Σο αβέλα-πες κάνα μεράσα;
-
Σαρ βοηθίντιβασα σο τζανάσα ι αλήθεια ι μεριμάσκε;
-
Σαρ λοκχιαρέλα αμαρό γκι η αλήθεια ι μεριμάσκε;
ΡΟΝΤΕ
Ντικχ σο μανγκέλα τι βακερέλ ο λάφι «ψυχή», σαρ σικαβέλα η Γραφή.
Σίκλιουβ άμα ο Ντεβέλ τιμωρίνελα κι κόλαση οντουλέν σο κερντέ μπέτι πράγματα.
Χρειαζίντιβελα τι νταράς κατά μουλέ;
Γκιά ι Μουλένγκε—Μπορίνενα τι Κερέν Τουμένγκε Λατσσιπέ ή Ζιάνι; Υπαρχίντιβενα Μπαγιά; (Βιβλιάριος)
Τσσουβ σημασία σαρ λοκχιλό ο γκι εκχέ μουρσέσκο κάνα σικλιλό ι αλήθεια ι μεριμάσκε.
«Σαστισάλομ Κατά Ξεκάθαρες ντα Γκοντιαβέρ Απαντήσεις ι Γραφιάκε» (Η Σκοπιά 1 Φεβρουαρίου 2015)