Аԥсра ауаа ахьааи агәырҩеи рзаанагоит. Убри азоуп Абиблиаҿы аԥсра ӷоуп ҳәа зазҳәоу (1 Коринфаа 15:26). 27-тәи аурок аҿы шәара еилышәкааит Иегова уи аӷа — аԥсра — шықәиго. Аха иахьа уажәраанӡа иԥсхьоу ирхаҳҳәаар ҳалшозеи? Ари аурок аҿы шәара еилышәкаауеит Иегова зеиԥшыҟам игәҭак ду аӡбахә — иара миллиардҩыла иԥсхьоу наӡаӡа инхаларц азы рыԥсы ҭеиҵоит! Изыҟалаҵәҟьома уи? Иабанхало иԥсхьоу: ажәҩан аҿы акәу, адгьыл аҿы акәу?

1. Иҟаиҵозеи Иегова иԥсхьоу рзы?

Иегова даараӡа иҭахуп иԥсхьоу рыԥсы ҭеиҵарц. Гәыкала Анцәа имаҵ зуаз Иов агәра ганы дыҟан, дыԥсыргьы Анцәа дшихамышҭуаз. Иара иҳәеит: «Уара усыԥхьоит, саргьы [анышәынҭра аҟынтә] аҭак усҭоит». (Шәаԥхьа Иов 14:13—15.)

2. Иабантәиҳдыруеи иԥсыз иԥсы ҭалар шалшо?

Иисус адгьыл аҿы даныҟаз, ауаа рыԥсы аҭаҵаразы Анцәа амч ииҭон. Иисус 12 шықәса зхыҵуаз аӡӷаби аԥҳәысеиба лыҷкәыни рыԥсы ҭеиҵеит (Марк 5:41, 42; Лука 7:12—15). Ԥыҭрак ашьҭахь иҩыза Лазарь дыԥсит. Лазарь дыԥсижьҭеи ԥшьымш шҵуазгьы, Иисус уи иԥсы ҭеиҵеит. Иԥсы ҭеиҵаанӡа Анцәа диҳәеит, нас иҳәеит: «Лазарь, уҭыҵ!». «Иаргьы дааҭыҵит» (Иоанн 11:43, 44). Лазарь иԥсы ҭалеит! Шәхаҿы иаажәг иҩызцәеи иҭынхацәеи шаҟа игәырӷьаз!

3. Иарбан гәыӷроу иԥсхьоу рзы иҟоу?

Абиблиа ҳақәнаргәыӷуеит Анцәа иԥсхьоу рыԥсы шҭеиҵо (Аусқәа 24:15). Иисус зыԥсы ҭеиҵаз ауаа ажәҩан ахь имцаӡеит (Иоанн 3:13). Дара ара, адгьыл аҿы, рыԥсы ахьҭалаз даараӡа иеигәырӷьеит. Иаарласны Иисус миллиардҩыла иԥсхьоу ауаа џьанаҭ дгьыл аҿы рыԥсы ҭеиҵоит. Иара иҳәеит анышәынҭрақәа рҿы иҟоу зегьы, даҽакала иуҳәозар, Анцәа игәалашәараҿы иҟоу зегьы, рыԥсы шҭаҵахо. Ауаа ирхашҭхьоугьы рыԥсы ҭалоит (Иоанн 5:28, 29).

 ЕИҲАНЫ ЕИЛЫШӘКАА

4. Иисус ишьақәирӷәӷәеит аԥсҭалара шыҟало

Еиҳаны еилышәкаа Иисус иҩыза Лазарь изы иҟаиҵаз. Шәаԥхьа Иоанн 11:14, 38—44, нас азҵаарақәа рҭак ҟашәҵа:

• Иабантәиҳдыруеи Лазарь дшыԥсыҵәҟьаз? (Шәахәаԥш ажәеинраала 39.)

• Шәгәы ишԥаанаго, Лазарь ажәҩан ахь дцазҭгьы, Иисус уи иԥсы ҭаҵаны адгьыл ахь дирхынҳәрызу?

Шәахәаԥш АВИДЕОНҴАМҬА.

5. Миллиардҩыла ауаа рыԥсы ҭалоит!

Шәаԥхьа Аԥсалом 37:29, нас азҵаара аҭак ҟашәҵа:

• Иабанхало зыԥсы ҭало ауаа?

Иисус зыԥсы ҭеиҵо Иегова дыздыруаз, имаҵ зуаз рымацара ракәӡам. Шәаԥхьа Аусқәа 24:15, нас азҵаара аҭак ҟашәҵа:

• Зыԥсы ҭало рахьтә зегь реиҳа ижәбарц ишәҭахыда?

• Ишԥарыцхрааи Фелисити лҭаацәа аԥсҭалара иазку агәыӷра?

 ИХАДОУ АЗХӘЫЦРА

Абиблиа ҳақәнаргәыӷуеит миллиардҩыла ауаа рыԥсы шҭало. Иегова иҭахуп иԥсхьоу рыԥсы ҭаларц. Убри аҟынтә иара Иисус амч ииҭеит, урҭ рыԥсы ҭеиҵарц азы.

Аиҭахысра

• Иҟарҵарц ирҭахузеи Иеговеи Иисуси миллиардҩыла иԥсхьоу ауаа рзы?

• Иабанхало миллиардҩыла зыԥсы ҭало ауаа: ажәҩан аҿы акәу, адгьыл аҿы акәу? Избан ус зышәҳәо?

• Агәра шәзыргозеи иԥсыз рыԥсы шҭало?