ENUKPLAKPLA 30
Ao mɛ vevi ciwo yí ku agbevanɔ agbe dru!
Eku donɔ vevisese sugbɔ nɔ amɛ yí na wonɔnɔ ŋshishi mɛ. Eyi taɖo Bibla yɔ eku mɔ ketɔnɔ. (1 Korɛntitɔwo 15:26) Le nukplakpla 27 tɔ mɛɔ, èkpla mɔ Yehowa aɖu ketɔnɔ cɛ ji. Vɔ nyi yí ajɔ do mɛ ciwo yí ku vayi jiɔ? Le nukplakpla cɛ mɛɔ, mìakpla nu sugbɔ so egbe nywi ɖeka ci Yehowa ɖo nu—áfɔn amɛ miliya nɛniɖe so ku yí woase vivi nɔ agbe lɔ tɛgbɛɛ. Ɛɛ, áfɔn wo so ku! Enu cɛ atɛnŋ ajɔ nyaoa? Jeŋkwi mɛ woafɔn wo doa, alo nyigban ji?
1. Nyi Yehowa ji mɔ yeawa nɔ mìwo mɛ vevi ciwo yí kuɔ?
Edrokɔ Yehowa veviɖe mɔ yeafɔn mɛ ciwo yí ku do agbe. Ŋsu xɔsetɔ ɖeka ci yí tɔ mɔ Job kando ji mɔ nɔ yekuɔ, Mawu daŋlɔbe ye o. Énu nɔ Mawu mɔ: “À yɔ ŋ, yí na na Eo ɖoŋci [so Yɔdu mɛ].”—Hlɛn Job 14:13-15.
2. Lé mìwɛ yí nya mɔ woatɛnŋ afɔn amɛkukuwoɔ?
Hwenu Yesu le nyigban jiɔ, Mawu na ŋsɛn yi nɔ afɔn amowo so ku. Yesu fɔn nyɔnuvi xwe 12 vi ɖeka koɖo kposhu ɖeka vi ŋsuvi do agbe. (Maki 5:41, 42; Luiki 7:12-15) Yi goduɔ, Yesu xlɔ Lazar ku. Ci Lazar ku yí woɖyi ŋkeke amɛnɛ vayi can ɔ, Yesu fuin do agbe. Ci Yesu do gbe ɖaɖa nɔ Mawu ɖegbɔɔ, édo axwa mɔ: “Lazar, tó!” Eyi “kuvitɔ lɔ tó” yí le agbe! (Ʒan 11:43, 44) Kpɔ lé Lazar xomumɛtɔwo koɖo yi xlɔwo akpɔkɔ jijɔ do ɖa le susu mɛ!
3. Emɔkpɔkpɔ ci yí li nɔ mìwo mɛ vevi ciwo yí kuɔ?
Bibla ɖo gbe mɔ: “Wo a fɔn [amowo] so ekumɛ.” (Edɔwawawo 24:15) Mɛ ciwo Yesu fɔn le blema mɛ vayi, deyi jeŋkwi mɛ o. (Ʒan 3:13) Wofɔn wo do agbe le nyigban ji lɛ yí ejɔ ji nɔ wo. Ahanke dajinjin o, Yesu afɔn amɛ miliya nɛniɖe so ku yí woase vivi nɔ agbe lɔ le nyigban ji le paradiso mɛ tɛgbɛɛ. Énu mɔ Mawu afɔn mɛ ciwo pleŋ eɖo ŋwi so ku. Amɛkuku ciwo amowo degbeɖo ŋwi can ɔ, áfɔn wo so ku.—Ʒan 5:28, 29.
JI DWI NI KPƆ DOJI
Kpla kpeɖoji ciwo yí le Bibla mɛ yí dasɛ mɔ Yesu ɖo ŋsɛn yí gbedro mɔ yeafɔn amowo so ku. Gbekpla lé fɔnfɔnsoku lɔ atɛnŋ afa akɔn nɔ eo yí ana emɔkpɔkpɔ eo do.
4. Yesu dasɛ mɔ yeatɛnŋ afɔn amɛkukuwo so eku dru
Kpla nubuwo so enu ci Yesu wa nɔ yi xlɔ Lazar nu. Hlɛn Ʒan 11:14, 38-44, keŋ agbeje nyɔbiɔse ciwo yí gbɔgbɔ mɛ:
-
Lé mìwɛ yí nya mɔ Lazar ku nyaoɔ?—Kpɔ kpukpui 39.
-
Ci èkpɔɛ ɖe, nɔ Lazar yi jeŋkwi mɛ sa ɖe, Yesu afuin so ku do nyigban jia?
5. Woafɔn amɛ sugbɔ so ku!
Hlɛn Ehajiji Wema 37:29, keŋ agbeje nyɔbiɔse cɛ mɛ:
-
Fini amɛ miliya nɛniɖe ciwo woafɔn so ku anɔɔ?
De mɛ ciwo yí sɛn Yehowa ɖekɛ yí Yesu afɔn so ku o, ágbefɔn amɛ sugbɔ buwo hɛnnɛ. Hlɛn Edɔwawawo 24:15, keŋ agbeje nyɔbiɔse cɛ mɛ:
-
Mi èji mɔ yeakpɔ woafɔn so kuɔ?
Bu nyɔ cɛ kpɔ: Yesu atɛnŋ afɔn amɛ so ku fafɛɖe shigbe lé vida ɖe afɔn eviɛ so alɔn mɛ nɛ
6. Fɔnfɔnsoku lɔ atɛnŋ afa akɔn nɔ eo yí ana emɔkpɔkpɔ eo
Bibla mɛ xolɔlɔ ci yí kudo Ʒayiru vi nyɔnuvi lɔ nu fa akɔn nɔ amɛ sugbɔ ciwo yí sekɔ vevi yí gbedo ŋsɛn wo. Hlɛn exolɔlɔ lɔ ŋtɔ le Luiki 8:40-42, 49-56.
Gbɔxwe Yesu afɔn Ʒayiru viɛ nyɔnuvi lɔɔ, Yesu nu nɔ dalɔ mɔ: “Ŋgbe vɔn o, xɔse.” (Kpɔ kpukpui 50.) Lé fɔnfɔnsoku mɔkpɔkpɔ lɔ atɛnŋ akpedo eo nu . . .
-
nɔ ao mɛ vevi ɖe kuɔ?
-
nɔ ao gbe ɖo afɔku mɛɔ?
-
Lé fɔnfɔnsoku mɔkpɔkpɔ lɔ fa kɔn nɔ Phelicity jilawo yí do ŋsɛn wo doɔ?
MƐÐEWO NUNƆ MƆ: “Lé fɔnfɔnsoku nyɔ lɔ nya sese doɔ, datɛnŋ anyi nyɔnɔnwi o.”
-
Lé èkpɔɛ doɔ?
-
Kpukpui ci àtɛnŋ azan asɔ dasɛ mɔ fɔnfɔnsoku liɔ?
ENU CI ÈKPLA
Bibla ɖo gbe mɔ woafɔn amɛ miliya nɛniɖe ciwo yí ku. Yehowa ji mɔ woagbevanɔ agbe ke, yí na ŋsɛn Yesu nɔ afɔn wo so ku.
Enumɛtoto
-
Lé Yehowa koɖo Yesu kpɔnɔ fɔnfɔnsoku doɔ?
-
Fini amɛ miliya nɛniɖe ciwo woafɔn so ku anɔɔ, jeŋkwi mɛa alo nyigban ji? Nyi yí taɖo ènu ahan ɔ?
-
Nyi yí na kankandoji eo mɔ ao mɛ vevi ciwo yí ku agbevanɔ agbe keɔ?
KPƆ ŊCƐWO KPƆ
Kpla afɔ ŋtɔŋtɔ ciwo àtɛnŋ aɖe keŋ ado ji le vevisese mɛ.
“Enu ci yí akpedo mɛ ciwo yí seseɛ gbazavi nu” (Nyɔ! No. 3 2018)
Bibla gɔnmɛɖosewo atɛnŋ akpedo mɛ ci yí sekɔ vevi nu nyaoa?
Lé ɖeviwo atɛnŋ ado ji, nɔ wowo mɛ vevi ɖe kuɔ?
Woafɔn mɛɖewo do jeŋkwi mɛa? Miwo wodafɔn so kuɔ?
Ebuwo Ke
ENYƆ CIWO AMƐWO BIƆNƆ SE BLAŊBLAŊ
Nyi Bibla nukplakpla ci Yehowa Kunuɖetɔwo sɔ ɖokɔ ŋmɛ nɔ amowo nyiɔ?
To seŋkankan toto ehomana ci Yehowa Kunuɖetɔwo sɔ ɖokɔ ŋmɛ nɔ amowo jiɔ, àtɛnŋ azan Bibla gɔnmɛɖeɖe ɖekpokpui. Vo faa ayɔ ao xomu lɔ pleŋ alo ao xlɔwo nɔ woava bɔdo eo nu le nukplakpla lɔ mɛ.
