Ӧлӱм кижиге коркышту јаан ачу-корон экелет. Оныҥ учун Агару Бичикте ол ӧштӱ деп адалат (1 Коринфтегилерге 15:26). 27-чи уроктоҥ Иегова ол ӧштӱни удабас јоголтып салар деп билип алганаар. А божоп калган улусла не болор? Бу уроктоҥ слер база бир сӱреен јакшы ижемји керегинде билип алараар. Иегова божоп калган миллиардтар тоолу улусты јердеги ӱргӱлји јӱрӱмге тиргизип салар. Тирилиш чын ла болор бо? Тирилген улус кайда јадар? Теҥериде бе јерде бе?

1. Иегова божогон улуска нени эдер?

Иегова божоп калган улусты тиргизип аларга сӱреен тыҥ кӱӱнзейт. Кудайдыҥ чындык ишчизи Иов Иегова оны тиргизип алар деп бӱткен. Ол мынайып айткан: «Сен кычырзаҥ — мен каруу берерим [сӧӧк салган јердеҥ]». (Иов 14:13—15 кычырыгар.)

2. Божоп калган улус тирилер деп, бис кайдаҥ билерис?

Иисус јерде јӱрерде, Кудай ого улусты тирилтетен ийде-кӱч берген. Анайып, Иисус 12 јашту кызычакты ла ӧбӧӧни јок арткан ӱй кижиниҥ уулчагын тиргискен (Марк 5:41, 42; Лука 7:12—15). Кийнинде оныҥ јуук најызы Лазарь божоп калган. Је оныҥ божогонынаҥ бери тӧрт кӱн ӧдӱп калган да болзо, Иисус оны тиргизип ийген. Ол Лазарьды тиргизерге, Иеговага мӱргӱп ийеле: «Лазарь, бери чык!» — деген. Божогон Лазарь тирилип келди! (Иоанн 11:43, 44). Кандый јаан кайкал! Оны кӧрӱп, оныҥ најылары да, тӧрӧӧн-туугандары да сӱреен тыҥ сӱӱнген! Иисуска Лазарьды тиргизерге бир де кӱч болбогон.

3. Божогон улусла не болор?

Агару Бичикте тирилиш болор деп айдылат (Апостолдордыҥ ижи 24:15). Иисустыҥ тиргискен улузы теҥериге барбаган (Иоанн 3:13). Олор мында, јерде тирилген. Анайып ла удабас Иисус канча миллиард улусты јердеги райда ӱргӱлјиге јӱрзин деп тиргизер. Иисустыҥ айтканыла, «сӧӧк салар јерде јаткандардыҥ ончозы» — ӧскӧртӧ айтса, Кудайдыҥ санаазында арткан улустыҥ ончозы тирилер. Бис кезик улусты ундып та салган болорыс, је Кудай кемди де ундыбаган (Иоанн 5:28, 29).

 ТЕРЕҤЖИДЕ КӦРӰГЕР

4. Иисус божогон улусты тиргизер аргалу

Иисус бойыныҥ најызына Лазарьга нени эткенин кӧптӧдӧ билип алыгар. Иоанн 11:14, 38—44 кычырып, сурактарды шӱӱжип ийигер:

• Лазарь чын ла божоп калган болгон деп, бис кайдаҥ билерис? (39 ӱлгерди кӧрӱгер.)

• Канайып сананадаар, Лазарь божойло, теҥериге барган болзо, Иисус оны јерде тиргизер беди?

ВИДЕОНЫ кӧрӱгер.

5. Миллиардтар тоолу улус тирилер!

Сарын 37:29 кычырып, суракты шӱӱжип ийигер:

• Тирилген улус кайда јадар?

Иисус Иегованы билбеген де, ого иштебеген де улусты тирилтер. Апостолдордыҥ ижи 24:15 кычырып, суракты шӱӱжип ийигер:

• Тирилетен улустыҥ кемизин кӧрӧргӧ кӱӱнзейдеер?

• Тирилишке иженери Фелиситиниҥ ада-энезин канайып токунадат, анайда ок олорго оноҥ ло ары јӱрерге канайып болужат?

 ТӦС ШӰӰЛТЕЗИ

Агару Бичик миллиардтар тоолу улус тирилер деп айдат. Иегова улусты тиргизерге кӱӱнзейт, оныҥ учун ол Иисуска улусты тиргизетен ийде-кӱч берген.

Нени билип алдыгар?

• Иегова ла Иисус миллиардтар тоолу улусты нениҥ учун тиргизерге кӱӱнзегилейт?

• Канча миллиард тирилген улус кайда јадар: теҥериде бе, јерде бе? Јартап беригер.

• Тирилиш болор деп, слер нениҥ учун бӱдӱп турганаар?