JIʼTE 30
Pô pou pye wap pfu a fing ne ping gre vôk !
Vu gre ge tum tsôkpe yè téʼ neng gre ge pe jwing. A ywe ye a gre Bible pe khé vu ge taʼ gè bo a. (1 Korinto 15:26) Tchum Jiʼte 27, O ke lagne ge Si gô simgne gè bo bô. Daʼge ke gô ti ŋwak ne pô pye wap tsèm pfu a ? Tchum yeng jiʼte, o gô kwiʼ lagne she potse ne mouʼ kaʼgne thwatwa Jéova—é gô ti ghe ge medou pô ping gre vôk neng tchwe mama. É gô ti yam wap ne vu ! Te a fing ne ŋwak kwaʼ nyenyô le ? Wap gô ti yam ne vu ne tchwe m kèbeng ke m demtchaʼ ?
1. Jéova bo tcheng ne ghe ke bi pô pôkpe pye wap pfu a ?
Jéova be é ghe ji gwye ne gre ge pô pye wap pfu a ping gre vôk. Taʼ mo pintum, tso tsye pe Jôb, le be é tchente jye ge Si late gô tuôgne é tchwe ye é le gô pfu a pe. É le ghôm bi Si ge : “O gô ti ké, a neng bing bou [m tchum tsesi].”—Ké Jôb 14:13-15.
2. Pe jye m ge ke ge pô pye wap pfu a fing ne yam ne vu ?
Tchwe ye Yéso le be demtchaʼ a, Si le ha pawa ne djam pô ne vu bii. Yéso le yam taʼ mou mdjwi be é ghe mgouʼ 12, bing djam mou taʼ pfôk mdjwi. (Markousi 5:41, 42; Loukasi 7:12-15) A le ne fète Lazaro, so Yéso pfu. Ba m paʼ a le be a tsèm ghe mtyèʼ pfue paʼ Lazaro pfu pou neng theng é a, Yéso le yam é ne vu. Yéso le ghe priya bi Si neng gôm ge : “Lazaro, tem ! A neng dou, “mo ye é le be é pfu a tem”—Lazaro le be tse vôk ! (Yohané 11:43, 44) Naʼ kwègne deng paʼ toundye Lazaro pou a mso pye le ŋwègne a !
3. Ke bo byap pô pou pye wap pfu a ?
Bible kaʼgne ge pô “gô sôʼ yam ne vu”. (Mfaʼ 24:15) Pô pye Yéso le yam wap ne vu tchwe ye é le be demtchaʼ a late ghô kèbeng pe. (Yohané 3:13) É le yam wap ne vu ge wap tchwe demtchaʼ tsôʼô, wap le neng ŋwègne ne ya bô. Dendeng poʼo, a tchuʼ mouywe Yéso yam medou pô ne vu ge wap tchwe mama tchum paradisi demtchaʼ. É le ghôm ge goung pô pye Si kamte wap a gô sôʼ yam ne vu, ba m be ye sôm momsoung te bo khamte ge wap le pe tse vôk a pe.—Yohané 5:28, 29.
PING TCHENG NE GÔ DZE
Lagne potse tchum Bible tsye a daʼte ge, pô pye wap pfu a fing ne yam ne vu, ba ge wap gô yam a. Lagne tchi paʼ yamvu fing ne ha juete bou ba taʼ ywe pepoung ye o fing ne pyap ne mtyèʼdzu dze a.
4. Yéso le tchente daʼte ge é fing ne yam pô ne vu
Ping dagne she potse ne ywe ye Yéso le ghe bi so é Lazaro a. Ké Yohané 11:14, 38-44, neng gômte ne mhente menge :
-
Pe jye m ge ke ge Lazaro le be é pfu kwaʼ nyenyô ?—Yô kè 39.
-
A le péʼ be ge Lazaro ghô m kèbeng, be o kwè ge Yéso le gô tsegne é ne fe kèbeng begne tchwe m demtchaʼ a ?
5. Medou pô gô ti yam ne vu !
Ké Mghôm ghamte 37:29, neng gômte ne hente yenge :
-
Medou pômneng pye wap gô ti yam ne vu a gô ti tchwe m ha ?
Yéso gô ti yam medou pô ne vu, ba pô pye wap late ghamte Jéova a pe. Ké Mfaʼ 24:15, neng gômte ne hente yenge :
-
A gô poung o ne yô paʼ we gô ti yam ne vu a ?
Naʼ sè nwe ne ywe yeng : Yéso fing ne né djam mo ne vu dendeng paʼ taʼ pepa fing ne yam mou é ne lwôk a
6. Yamvu fing ne ha juete bou, ba taʼ ywe pepoung ye o fing ne pyap ne mtyèʼdzu dze a
Tôné Bible ne mou Yairos ye mdjwi, be a ha juete ba kaktuô bi medou pô pye wap bo djwing dou ne pô pap pye wap pfu a. Ké tôné bô ye a le tchyete kwaʼ nyenyô a tchum Loukasi 8:40-42, 49-56.
Yéso le ne yam mou Yairos ye mdjwi ne vu be é ghôm bi tap é ge : “Ke pwôk, ping ping.” (Yô khè 50.) Kaʼgne ne yamvu fing ne kwite o m tchi ge ke . . .
-
tchwe ye taʼ mo ye o khoung é a pfu a ?
-
tchwe ye o dze taʼ ywe ye a fing ne le vu sôʼ ne o a ?
Yô VIDÉO, neng gômte ne hente yenge.
-
Kaʼgne yamvu ke ha juete ba kaktuô bi mta Phelicity m tchi ge ke ?
SHE PÔ GÔM GE : “A tuô téʼ ne ping ge pô pye wap pfu a fing ne ping gre vôk kwaʼ nyenyô.”
-
O sè you ge ke ?
-
O fing ne wim ya khè Bible ne ne daʼte ge yamvu gô ti pe si ?
YE NE KHAMTE
Bible kaʼgne ge medou pô pye wap pfu a gô ti yam ne vu. Jéova bo tcheng ge wap ping gre vôk, é be é neng ha pawa bi Yéso ne ne djam wap ne vu.
O lagne ke ?
-
Jéova pou Yéso djouʼ ne yap m ge ke ne ne yam pô ne vu ?
-
Medou pô pye wap gô ti yam ne vu a gô ti tchwe m kèbeng ke m demtchaʼ a ? Nweke o ghôm poʼo ?
-
Ke gre ge o tchente bing ge pô pou fing ne ping gre vôk ?
YÔ SHE POTSE NE
Yô potse tsye a fing ne kwite o tchwe ye mo pfu bou a.
“Quand on perd quelquʼun quʼon aime” (Réveillez-vous ! no 3 2018)
Mkhète Bible fing ne kwite kwaʼ nyenyô taʼ mo ye é bo djwing dou ge mo pfu bi é a ?
Pekhu fing ne sôk tchwe ye taʼ mo ye wap koung é a pfu a m tchi ge ke ?
She pô gô yam ne vu tchwe m kèbeng a ? Pe we te gô ti yam ne vu a ?
