BAG I 30
Ben bo kwù là kuʼni nelo num vù!
Vùkob num nkag zwe bo nywin neshu. A ju zʼa ghù Ñwaʼni Nsi nke ntsiañ vùkob taʼ ngakebàn nà. (1 Korintô 15:26) Ntùm bag i 27, o ziʼde mbe Yaweh Nsi aʼ biagde yen ngakebàn nà. Là, ke zʼa tum benntùn tse bo yà kwù lʼà? Ntùm yen bag i li, oaʼ bèn nziʼde yàm mfà num moʼ ntumlam nkaʼni Yaweh Nsi—aʼ ghù mbe ntshuʼ ntshuʼ benntùn bo kwù là lo num vù, mbèn njù bin yôg matmat. Aʼ bùʼ yub num vù. Kuaʼ nenùn, yennà kuʼni nebe ké? Fe ben aʼ lo num vù neyôg à kamànyam ke num nsitshaʼ à?
1. Ke ze Yaweh Nsi kô neghù ben bo kwù à?
Yaweh Nsi tshwèt nànde nebùʼ fe ben num vù. Taʼ mèn bamntù lén se Yob naʼ lèn ke magde mbe a kwù, mba Yaweh Nsi nsi bùʼ i num vù. A naʼ tshob Nsi mbe: “O nsi tsiañ àm, me bùnde [ntùm fi].”—Siañ Yob 14:13-15.
2. Be lèn à ndùke mbe fe ben kuʼni nelo num vù à?
Ngelañ Yésu naʼ mbe num nsitshaʼ là, Nsi fà neta yi nebùʼ fe ben num vù. Yésu naʼ bùʼ taʼ ménngon a ghù nguʼ 12 nà bo nshum taʼ fôg mènnzwi num vù. (Marko 5:41, 42; Lukas 7:12-15) Mbe nèn mbwe, Lazaro nshun Yésu kwù. Mba tà ndù a naʼ yà ghù léʼ kuà mbʼa naʼ nkwù là, Yésu bùʼ i num vù. A naʼ leʼde Nsi, nkuaʼ nze neta ndù: “Lazaro tume, seʼ li!” be ndùse, “Mfe tum”—Lazaro bèn num yôg. (Yohané 11:43, 44) Naʼ nkwade tsiañde ze shun mba mba tunndà Lazaro naʼ njuʼ là!
3. Zit nywinde mbèn mbe num tsho ben bo kwù lʼà?
Ñwaʼni Nsi tshwèt mbù mbe “nelo num vù nsi be.” (Mfaʼ Ghantum 24:15) Ben tse Yésu naʼ mbùʼ yub num vù là, naʼ ke nèn mve kamànyam. Bo naʼ lo num vù ntswe à num nsitshaʼa, a bwô yub neshu. Be ndañndañ, me ndaʼndaʼ Yésu bùʼ ntshuʼ ntshuʼ benntùn num vù, bo ghù yôg matmat ntùm paradis num nsitshaʼa. A naʼ tshob mbe njoñ fe ben fa tse bo be ntùm fi là—mba mba ben tsʼa yà ghubte mba bo kwù là, ndaʼndù bo keʼ ntùm nkwade Yaweh Nsi là—nsi lo num vù.—Yohané 5:28, 29.
TSWEʼ NTUN MI
Yen ntùm Ñwaʼni Nsi ju zʼa tshwèt ndaʼde ke magde mbe Yésu ghù neta nebùʼ fe ben num vù là, mbèn njen mbʼa ju zʼa nsi ghù là. Yen mba nelo num vù kuʼni nefide ntù o, mbèn mfà nywinde wù là.
4. Yésu naʼ laʼde mbʼa kuʼni nebùʼ fe ben num vù
Ziʼde yàm mfà num ju ze Yésu naʼ ngù nshun i Lazaro là. Siañ Yohané 11:14, 38-44, mbèn mbùnde tshen mbètte li:
-
Be lèn à ndùke mbe kuaʼ nenùn, Lazaro naʼ nkwù à? (Lôde nka 39.)
-
A be ndù Lazaro naʼ nèn mve kamànyam ngelañ a naʼ nkwù là, mba Yésu naʼ bèn mbùʼ i num vù à num nsitshaʼ ké?
5. Bwoñ benntùn nsi lo num vù!
Siañ Yobkwi 37:29, mbèn mbùnde yen bètte li:
-
Ntshuʼ ntshuʼ benntùn bo lo num vù là nsi ghù yôg à yà?
Yésu ke nsi bùʼ à ndaʼ ben bo naʼ nke ngamde Yaweh Nsi là num vù. Siañ Mfaʼ Ghantum 24:15, mbèn mbùnde yen bètte li:
-
Oaʼ kô neyen à we ngelañ bo bùʼ benntùn num vù à?
Siañde nu num yenni: A fiag Yésu nebam mènntùn num vù ndañndañ mba taʼ tà num mbam mèn i num miaglo là.
6. Nelo num vù kuʼni nefide ntù o, mbèn mfà nywinde wù
Tshô Ñwaʼni Nsi mfà num ngon Yairô fide ntù, mbèn nso neta num benntùn bo bi ben bo kô là. Siañ yen tshô là ntùm Lukas 8:40-42, 49-56.
Kà mbùʼ ngon Yairô num vù, Yésu naʼ tshob Yairô mbe: “Kà bwôg, bam ndaʼ nebame.” (Lôde nka 50.) Nywinde nelo num vù kuʼni neywimdʼo . . .
-
ngelañ o bi taʼ mèn o kô lʼà ndùke?
-
ngelañ o be ntshu vù lʼà ndùke?
Lôde LAʼDE NETSHAÑ, mbèn mbùnde yen bètte li.
-
Nelo num vù fide ntù mbèn nso neta num tà bo mà Phelicity à ndùke?
TSEMOʼ BENNTÙN NUM NTSHOB MBE: “Nywinde nelo num vù bʼa taʼ njem.”
-
Ke zʼo kwade yu à?
-
Zit nka Ñwaʼni Nsi o kuʼni neloʼ num nelaʼde mbe nelo num vù nsi be à?
JU NETSHÙBE
Ñwaʼni Nsi bù mbe ntshuʼ ntshuʼ benntùn bo kwù là nsi lo num vù. Yaweh Nsi kô nebèn mfà yôg bo, ndùlà, a fà neta Yésu nebèn mbùʼ yub num vù.
Mbètte nekwimde
-
Yaweh Nsi bo Yésu nke nkwadʼà ke mfà num nebùʼ benntùn num vù à?
-
Ntshuʼ ntshuʼ benntùn bo lo num vù là nsi ghù yôg à yà—mve kamànyam ke num nsitshaʼ à? O nke ntshob ndùlʼà numke?
-
Ke zʼa tshwèt ngù o bam ke magde mbe tsho ben bo kwù là aʼ bèn ngù yôg à?
DIAGE
Yen tshu tse bʼa ywimdʼo nemaʼ nywin vù ntshùa là.
“Quand on perd quelquʼun quʼon aime” (Réveillez-vous! no 3 2018)
Be ntag Ñwaʼni Nsi ywimde mènntùn vù tum yi là ké?
Be taʼ mônkeʼ ghù à ndùke ngelañ a bi taʼ mèn a kô lʼà?
Tsemoʼ benntùn nsi lo num vù, ngù yôg à mve kamànyam ké? We zʼa ke nsi ndo num vù à?
