LEKSIYON 30
Ang Imong mga Minahal Mabuhi Pag-usab!
Makapaguol gyod ang kamatayon. Kanay hinungdan nga ang kamatayon gitawag sa Bibliya ug kaaway. (1 Corinto 15:26) Sa Leksiyon 27, imong nakat-onan nga wad-on ni Jehova ang maong kaaway. Pero unsay mahitabo niadtong mga tawo nga namatay na? Niini nga leksiyon, makat-onan nimog dugang ang bahin sa nindot nga saad ni Jehova—iyang buhion pag-usab ang binilyong namatay aron mabuhi sila hangtod sa hangtod. Iyang banhawon sila! Mahitabo ba gyod na? Banhawon ba sila aron magpuyo sa langit o sa yuta?
1. Unsay gustong himoon ni Jehova para sa atong mga minahal nga namatay?
Nangandoy si Jehova nga buhion pag-usab kadtong mga namatay. Si Job, nga lig-on ug pagtuo, masaligon nga dili siya kalimtan sa Diyos dihang mamatay siya. Siya miingon sa Diyos: “Ikaw motawag, ug ako motubag kanimo [gikan sa Lubnganan].”—Basaha ang Job 14:13-15.
2. Giunsa nato pagkahibalo nga ang patay puwedeng banhawon?
Sa dinhi pa si Jesus sa yuta, gihatagan siya sa Diyos ug gahom sa pagbanhaw ug mga patay. Gibanhaw ni Jesus ang 12 anyos nga dalagita ug ang anak nga lalaki sa usa ka biyuda. (Marcos 5:41, 42; Lucas 7:12-15) Sa ulahi, ang amigo ni Jesus nga si Lazaro namatay. Bisag si Lazaro patay na ug upat ka adlaw nang gilubong, gibanhaw siya ni Jesus. Si Jesus miampo sa Diyos ug miingon: “Lazaro, gula ngari!” Ug “ang tawong namatay migula”—nga buhi! (Juan 11:43, 44) Imadyina ang kalipay sa pamilya ug mga higala ni Lazaro!
3. Unsay paglaom sa imong mga minahal nga namatay?
Ang Bibliya nagsaad: “Duna unyay pagkabanhaw.” (Buhat 24:15) Kadtong mga gibanhaw ni Jesus sa una wala moadto sa langit. (Juan 3:13) Nalipay sila nga nabuhi pag-usab dinhi sa yuta. Sa dili madugay, banhawon pod ni Jesus ang binilyon nga namatay aron mabuhi sila hangtod sa hangtod sa paraisong yuta. Siya miingon nga “ang tanang anaa sa handomanang mga lubnganan”—bisan kadtong tingali nalimtan na pero naa sa panumdoman sa Diyos—banhawon.—Juan 5:28, 29.
TUN-IG DUGANG
Susiha ang ebidensiya gikan sa Bibliya kon nganong makaseguro ta nga si Jesus naay gahom sa pagbanhawg mga patay ug nga iya gyod nang himoon. Sayra kon sa unsang paagi ang pagkabanhaw makapahupay nimo ug makahatag nimog paglaom.
4. Gipamatud-an ni Jesus nga kaya niyang banhawon ang mga patay
Sayrag dugang kon unsay gihimo ni Jesus para sa iyang amigo nga si Lazaro. Basaha ang Juan 11:14, 38-44, ug dayon hisgoti kini nga mga pangutana:
-
Giunsa nato pagkahibalo nga namatay gyod si Lazaro?—Tan-awa ang bersikulo 39.
-
Kon miadto pa si Lazaro sa langit, banhawon kaha siya ni Jesus dinhi sa yuta?
5. Daghan ang banhawon!
Basaha ang Salmo 37:29, ug dayon hisgoti kini nga pangutana:
-
Asa magpuyo ang binilyong tawo nga banhawon?
Gawas sa mga magsisimba ni Jehova, daghan pa ang banhawon ni Jesus. Basaha ang Buhat 24:15, ug dayon hisgoti kini nga pangutana:
-
Kinsa ang gusto nimong makita nga mabanhaw?
Hunahunaa kini: Ang pagbanhaw ni Jesus ug patay sama ra ka sayon sa pagpukaw sa usa ka amahan sa iyang natulog nga anak
6. Ang pagkabanhaw makapahupay nimo ug makahatag nimog paglaom
Daghang namatyan ang nahupay ug nadasig sa estorya sa Bibliya bahin sa anak nga babaye ni Jairo. Basaha kanang tinuod nga estorya sa Lucas 8:40-42, 49-56.
Sa wala pa banhawa ni Jesus ang anak nga babaye ni Jairo, iyang giingnan ang amahan niini: “Ayawg kahadlok, pagbaton lag pagtuo.” (Tan-awa ang bersikulo 50.) Sa unsang paagi ang paglaom sa pagkabanhaw makatabang nimo . . .
-
dihang mamatyan kag minahal?
-
dihang mameligro ang imong kinabuhi?
I-play ang VIDEO, ug dayon hisgoti ang mosunod nga pangutana:
-
Sa unsang paagi ang paglaom sa pagkabanhaw nakahupay ug nakadasig sa ginikanan ni Phelicity?
ANG UBAN MOINGON: “Morag dili man katuohan ang pagkabanhaw.”
-
Unsay imong hunahuna?
-
Unsa nga teksto ang imong gamiton aron ipakita nga naay pagkabanhaw?
SUMARYO
Ang Bibliya nagsaad nga ang binilyon nga namatay banhawon. Gusto ni Jehova nga mabuhi sila pag-usab, ug gihatagan niya si Jesus ug gahom sa pagbanhaw kanila.
Review
-
Unsay pagbati ni Jehova ug ni Jesus bahin sa pagbanhaw sa mga patay?
-
Asa magpuyo ang binilyon nga banhawon—sa langit o sa yuta? Nganong kanay imong tubag?
-
Unsay nakakombinsir nimo nga mabuhi pag-usab ang imong mga minahal?
SUSIHA
Sayra kon unsay praktikal nga himoon aron masagubang ang kaguol dihang mamatyan.
Ang mga prinsipyo sa Bibliya makatabang ba gyod niadtong mamatyan?
Sa unsang paagi makasagubang ang mga bata dihang mamatyan silag minahal?
Naa bay banhawon nga magpuyo sa langit? Kinsay dili banhawon?
Basin Ganahan Pod Ka
KOMON NGA MGA PANGUTANA
Unsa ang Bible Study Program nga Gina-offer sa mga Saksi ni Jehova?
Sa libreng interactive program nga gina-offer sa mga Saksi ni Jehova, puwede nimong gamiton ang bisan unsang bersiyon sa Bibliya. Puwede nimong paapilon ang tibuok pamilya o mga amigo o amiga.
