Okufisa nikireta obusaasi bwingi. Ni yo nshonga Bibuli eri kweta orufu omwangi. (1 Abakorinso 15:26) Omu ishomo rya 27, okerebera oku Yehova arije kwehiho ogo mwangi. Konka shi ni enki ekirije kuhika aha bantu abamazire kufa? Omuri eri shoma noyija kwega ekindi kiraganiso ca Yehova c’omugasho, ni okugamba okuzora abantu bingi abafire, bakagaruka kubaho omu nsi. Nayija kubazora! Konka shi mazima eco kikabasika? Mbehi baryazocera kutura omu iguru ninga omu nsi?

1. Ni enki eki Yehova ari kwenda kukorera abakundwa bitu abafire?

Yehova nayenda kuzora abantu abafire. Omushija owabire oyine okwikiriza owabire ari kwetwa Yobu akaba nayesiga atari kubanganisa ku Ruhanga yabire atarije kumwebwa ku arifa. Akagambira Ruhanga ngu: “Ku wakunyeta, nkakwetaba [ndi omu kituro].”—Shoma omuri Yobu 14:13-15.

2. Ni enki ekiri kutuhamiza ku abafire barije kuzoka?

Obu Yesu yabire ari omu nsi Ruhanga akamuha obushoborozi bw’okuzora abafire. Yesu akazora omuhara w’emyaka 12 kandi yazora n’omwojo w’omufakazi. (Mako 5:41, 42; Luka 7:12-15) Bwanyima munywani weye Lazaro akafa. N’obu Lazaro yabire amazire ebiro bina afire kandi bamuzikire, Yesu akamuzora. Yesu ku yamazire kushaba Ruhanga akagamba ati: ‘Lazaro, shohora oyije!’ ‘Nyakufa yashohora’ ahurire! (Yohaana 11:43, 44) Tekateka oku abanyabuzare n’abanywani ba Lazaro bashemerirwe!

3. Ni gaha masiko agu oyine aha bakundwa bawe abafire?

Bibuli neturaganisa ngu: ‘Haryabaho okuzoka kw’abahikirire n’abatahikirire.’ (Ebyakozirwe 24:15) Abu Yesu yazwire omu bwire obu yabire ari omu nsi tibaragire omu iguru. (Yohaana 3:13) Bakashemerererwa kushuba kutura omu nsi. Ni co kimwe, juba aha Yesu nayija kuzora abantu bingi bashube bashemerererwe amagara ebiro byona omu nsi erije kuba yahindukire paradiso. Akagamba ku abantu bona abu Ruhanga ari kwijuka barije kuzoka n’obu abantu bakuba babebirwe.—Yohaana 5:28, 29.

 YEGA BYINGI

4. Yesu akereka ku ayine obushoborozi bw’okuzora abafire

Manya byingi aha bikwatirine n’eki Yesu yakorire munywani weye Lazaro. Shoma omuri Yohaana 11:14, 38-44, rero muganire ahari ebi bibuzo:

• Ni enki ekiri kutuhamiza ku Lazaro yabire afire?—Reba orunyiriri rwa 39.

• Mbehi kuri Lazaro yagire omu iguru, Yesu akaba aramuzore amugurura omu nsi?

Zana VIDIYO.

5. Abantu bingi baryazoka!

Shoma omuri Zaaburi ya 37:29, rero muganire ahari eki kibuzo:

• Abantu bingi abarizoka baryatura nkahe?

Yesu aryazora n’abandi bantu batari abafire bari kuramya Yehova kusha. Shoma omu Byakozirwe 24:15, rero muganire ahari eki kibuzo:

• Ni oha owu ori kwenda kureba ku arizoka?

• Ni bata oku amasiko g’okuzoka gahumurize kandi gakagumya abazire ba Phelicity?

 EMPINYE

Bibuli neturaganisa ku abantu bingi abafire barije kuzoka. Yehova nayenda ngu bashube babeho kandi akaha Yesu amani g’okubazora.

Wayega ki?

• Ni enki ekiri kutuhamiza ku Yehova na Yesu bine ekihika c’okwija kuzora abantu abafire?

• Mbehi baryazocera kutura omu iguru ninga omu nsi? Ahabw’enki wagamba basyoya?

• Ni enki ekiri kukuhamiza ku abakundwa bawe abafire barije kuzoka?