LECCION 30
¡Be gwenagan burgwismalad gannar durgumadaloed!
Dule burgwisar bela beladse wile iddolledaed, nunmagged dummad ugged. Aagala, Bibliagi soglenaid, burgwed anmar isdaradye (1 Corintios 15:26). Leccion 27 gi anmar durdasad, Jehova, burgwed obelogoye. Dulemar bad burgwismaladdina, ¿adi iggudmarmogosunna? We lecciongi be durdaggoed, Jehova millonba mergu dulemar odurguoye, nabir sadegu yeer iddodi gumalaga. Degsoggu, ¡dulemar burgwismalad gannar durgudamaloed! ¿Ar nabir gannar odulolemalodibe? Bia gudi guega odurgulemalosunna, ¿nibneggine, nabbaneggine?
1. ¿Jehova igi gwae dulemar burgwismalad imagbie?
Jehova gwae dulemar burgwismalad odulobied. Job nue we ibmar wisinad, aagala, bibbisaar Bab Dummad bengussulid, ar wisinad burgwisale, Jehova bibbisaar e iegosuli. Aagala, weyob Bab Dummadga sogsad: An, neg uangi mai “be anse gornoniggoed. An be abin imagnoniggoed” (Job 14:13-15 absogo).
2. ¿Igi anmar wisi, burgwismalad nabir gannar odulolemaloe?
Jesus nabbaneggi gudi gusgua, Bab Dummad ega gangued ugsad, nabir dulemar burgwismalad odulogega. Aagala, Jesus nabir bunolo 12 año niggad odulosad, geb massigwa wargwen odulosbalid (Marcos 5:41, 42; Lucas 7:12-15). Sorba e ai Lazaro burgwismogad. Bad ibbaggegus diglesadgine, Jesus, Lazaro odurgusad. Jesus, Babse godsad sorba sogsad: ‘¡Lazaro nodage!’. Aa sorba Lazaro noalid, daggarmalad, ¡Lazaro durgusa! (Juan 11:43, 44). Lazaro gwenagana, Lazaro aimala, yeer iddosmalar gebed daggarmargu Lazaro gannar durgusa.
3. ¿Be gwenagan burgwismalad gannar odulolemarmogodibe?
Bibliagi soglenaid, dulemar burgwismaladga gannar durgued ibagan noniggoye (Gusmalad 24:15). Ebbenne Jesus dulemar odulosadi, Bab negse arbiye sogsasurmalad (Juan 3:13). Yeer iddosmalad gannar nabbaneggi odulolesmargu. Igi ebbenne Jesus dulemar odulosa, gannar deyobbira, miliba mergu Jesus dulemar odulobaloed, nabbaneg yeer daglegedgi sadegu yeer iddodi gumalaga. Aagala Jesus sogsad, “bela dulemar neg uangi burgwar mamaidi” durgudamaloye. Buggidar dulemar odurgulemaloed, negasaglaun burgwismaladse baggar durgudamaloed (Juan 5:28, 29).
NUEGGWA WE IBMAR DURDAGMARGOLO
Wegine be durdaggoed, igi anmar wisi, gaggansuli, burgwismalad gannar durgudamaloe. Geb we ibmar durdagged igi be bendagmogoe.
4. Jesus nabir gannar dulemar odurguoed
Dagmaloena, e ai Lazaro burgwisgu Jesus ibu imasa. Juan 11:14 geb 38, 44 se absomalo, we ibmargi sunmagmarbalo:
-
¿Igi anmar wisi, Lazaro nue burgwisana? (Versiculo 39 dagmalo).
-
Lazaro, babnegse nadena, ¿Jesus gannar nabbanegse sedagoen be soge?
5. ¡Buggidar dulemar durgudamaloed!
Salmo 37:29 absomalo, we ibmargi sunmagmarbalo:
-
Millonba mergu dulemar durgudamaloedi, ¿bia gudi gumaloe?
Unnila Jehova sordaganbi odulolegosurmalad; buggidar dulemar bamalad odulolemarmogoed. Gusmalad 24:15 absomalo, we ibmargi sunmagmarbalo:
-
Dulemar odurgulealile, ¿doa begala odurguleged be abemoga?
Igi babgan, e mimmi gabmair ibigwensur nabir odagge, deyob Jesus ibigwensur nabir gannar dulemar odurgumogoed.
6. Dulemar gannar durgudamaloye soglenaidi, yeer iddo dule imagged
Abar dulemar, e gwenagan burgwisale, ebbenne Jesus, Jairo bunolo odurgusad Bibliagi absosdamalad, aagi ibmar soglenaid nue e bendag iddodamalad. Bibliagi aa ibmar absomalo, Lucas 8:40, 42 se geb 49, 56 se.
Bunolo oduloged idu, Jesus weyob Jairoga sogsad: ‘Mer dobguo, mer an bengubalo’ (versiculo 50 dagmalo). Be wisile, dulemar burgwismalad gannar odulolemaloye, ¿we ibmar igi nabir be bendasale...
-
... be gwenad wargwen burgwenoniggir?
-
... be geggus mair?
VIDEO dagmalo, we ibmargi sunmagmarbalo:
-
Phelicity e sergan wismalanad burgwismalad gannar durgumaloe, aagala, ¿doggus igi iddodi gussurmala?
ABAR SOGDAMALAD: “Gwen gannar dulemar odurguleged an iddosulid”.
-
¿Bedi igi binsamoga?
-
Dulemarse be oyogega, burgwismalad gannar odurgulemaloye, ¿bia Bibliagi ibmar soglenaid be absosale?
WE IGARGI SUNMAGLESAD
Bibliagi soglenaid, millonba mergu dulemar gannar odurgulemaloye. Jehova gwae dulemar odulobi gumaid, aagala Jesusga gangued ugsad, dulemar odulogega.
Ibu be durdasa
-
¿Igi anmar wisi, Jehova, Jesusbogwa, nue gannar dulemar odulobimala?
-
Millonba mergu dulemar durgudamaloedi, bia gudi gumaloe, ¿nibneggine, nabbaneggine? ¿Ibigala be deyob soge?
-
¿Ibigala be bensurmoga, be gwenagan burgwismalad gannar odulolemarmogoe?
NABIR BE WE IBMAR DURDASBALILED
Wegine soglenaid, be ibe gwenad burgwisar ibu be nabir imasale, wis basursaar iddogega.
“E ibe gwenagan burgwismalad bendaggega” (¡Despertad!, num. 3, 2018 gad)
Dule, e gwenad burgwisadba wile iddodiile, ¿Bibliagi ibmar soglenaid nabir we dule bendasardibe?
¿Igi be nabir mimmigan bendasale, e ibe e gwenad burgwenoniggir?
¿Abar dulemar nibnegse namalodibe? ¿Abar dulemar bar odurgulegosurmardibe?
“¿Igi nue dulemar odurgulemaloe?” (We garda jw.org gi nosad)
