AYEGHLE 30
Mi ngen bera yen é bôt mia dzing !
Awu da so abuiñ mintèñ ya éwiñ. Éde Bible a luè awu naa nzizing. (1 Becorinthien 15:26) Ayeghle 27, ô va yeghe naa Jehôva a ye mane ya nzizing té. Ve, za dzam da ye lôran akal é bôt bese be wu-hang yazukuiñ ému ? Ayeghle di été, wa ye yeghe abuiñ mam mefe nfa é mbemba ngiagh Jehôva, naa a ye wômô baakuru be-bôt naa be bera ning mbèmbèè. A ye be wômô ! Ye dzam té é ne faa boban ? Bewu ba ye wômô naa ba ke ning vé, ya dzôp été nge ki a si va ?
1. Za dzam Jehôva a kômô bo akal é bôt mia dzing be wu-hang ?
Jehôva a kômô ya n’nem ôse naa é bôt be wu-hang be bera ning. Môt a mebun a mbe éyôla naa Job a mbe bele mebun naa Nzame aa ye ki ñe vuèn éyong a ye wu. A nga dzô Nzame naa : « Wa ye luè, éyong té ma ye yebe [a téé ye song]. »—A lang Job 14:13-15.
2. Aval avé bia yem naa bewu be ne wômô ?
Éyong Yésu a mbe a si va, Nzame a nga ve ñe ngu’u naa a wômô bôt. Yésu a nga wômô étong ngoan é mbe bele mimbu 12 ya fe é moan nkus minenga. (Marc 5:41, 42 ; Luc 7:12-15) Ôsu vèè, Lazare nge ki Lázaro angom Yésu a nga wu. Amben Lazare nge ki Lázaro a nga wu é ntoo melu menii, Yésu a nga wômô ñe. Niène a nga mane yaghlane Nzame, ane Yésu a nga yônan é vôm song é mbe naa : « Lazare nge ki Lázaro, kui atan ! » ane « é môt a mbe n’wu-han a nga kuiñ, » a tèè ! (Jean 11:43, 44) Tamane simane mevakh é nda-bôt dzèñ ya mengom be nga wôran !
3. Za mebun bi bele akal é bôt bia dzing be wu-hang ?
Bible a kiagh naa : « Awômô bewu da ye boban. » (Bisè mintôl 24:15) É bôt Yésu a nga wômô éyong a mbe a si va béé dzi ki ke a dzôp été. (Jean 3:13) A nga wômô bo a si va, éde be mbe mevakh akal té. Aval daa fe, Yésu a nkuna wômô baakuru be-bôt naa be buan éning é ne mbèmbèè a paradis nge ki paraíso a si va. A nga dzô naa « é bôt bese be ne mesong été »—amben éba bi mana vuèn, ve be ne ôtemgha Nzame été—ba ye wômô.—Jean 5:28, 29.
A TUGHA FAS
Tugha yen é mam me ne a Bible été ma lere naa bewu be ne wômô ya naa ba ye wômô. Yeghe aval awômô bewu é ne wô fôlô ya ve wa mebun.
4. Yésu a nga lere naa a ne wômô bewu
Yeghe abuiñ mam nfa é dzam Yésu a nga bo akal angom dèñ Lazare nge ki Lázaro . A lang Jean 11:14, 38-44, éyong té mia lèè minlang mia daghe minsili mia zu mi :
-
Aval avé bia yem naa Lazare nge ki Lázaro a mbe faa n’wu-han ?—A daghe éfus 39.
-
Nge Lazare nge ki Lázaro a nga ke a dzôp, ye wa tem naa Yésu a nga ye ñe bera wômô a si va ?
ÉNGENGENG : Jésus ressuscite Lazare nge ki Lázaro nge ki Jesús resucita a Lázaro (1:16)
5. Abuiñ bôt ba ye wômô !
A lang Bya 37:29, éyong té mia lèè minlang mia daghe nsili wa zu wi :
-
É baakuru be-bôt ba ye wômô ba ye ning vôm mbé ?
Yésu aa ye ki wômô fave be-bo bisèñ Jehôva. A lang Bisè mintôl 24:15, éyong té mia lèè minlang mia daghe nsili wa zu wi :
-
Za môt wa kômô yen é môs a wômô bewu ?
Fasghe é dzam di : Yésu a ne wômô môt ane ésaa a véé é moan wèñ a bôô ôyô
6. Awômô bewu é ne mia fôlô ya ve mia mebun
Nlang ya Bible wa daghe awômô é ngoan Jaïre nge ki Jairo ô nga fôlô ya ve abuiñ bôt be nga dzimle é bôt ba dzing ngu’u. Langhe nlang té nten Luc 8:40-42, 49-56.
Kaa naa a wômô é ngoan Jaïre nge ki Jairo, Yésu a nga dzô ésaa naa : « Ô taa ko-wong, beleghe fave mebun. » (A daghe éfus 50.) Aval avé mebun ébe awômô bewu da vole wa . . .
-
éyong é môt wa dzing a wu ?
-
éyong ô ne dzimlé éning duè ?
Daghane ÉNGENGENG, éyong té mia lèè minlang mia daghe nsili wa zu wi :
ÉNGENGENG : La esperanza de la resurrección nos da valor nge ki L’espérance de la résurrection nous donne du courage ? (3:21)
-
Aval avé mebun ébe awômô bewu é nga fôlô ya ve bebyèñ Phelicity ngu’u ?
NGE MÔR ÉZING A DZÔ WÔ NAA : « É ne ndzukh a bunu naa é bôt be wu-hang ba ye bera ning. »
-
Za dzam wa tem ?
-
Za bifus bi ya Bible ô ne belane bio naa ô lere ñe naa awômô bewu da ye boban ?
AKIGHE BES
Bible a kiagh naa baakuru be-bôt ba ye wômô. Jehôva a kômô naa be bera ning, éde a nga ve Yésu ngu’u naa a wômô bo.
Ôbaghle
-
Za dzam Jehôva ya Yésu ba wôrane nfa awômô bewu ?
-
É baakuru be-bôt ba ye wômô, ba ye ning vé : ya dzôp nge ki a si va ? Amu dzé wa dzô do ?
-
Dzé da ve naa ô bunu naa wa ye bera yen é bôt wa dzing ?
Ô NE FE KE DAGHE
Yeghe é mam ô ne bo naa ô dang mintèñ mia so ya awu.
« Ayuda para quienes están de duelo » nge ki « Quand on perd quelqu’un qu’on aime » (¡Despertad!, núm. 3 2018 ; Réveillez-vous ! n° 3 2018)
Ye metsin metsing me ya Bible me ne faa vole é môt a tubane mintèñ mia so ya awu ?
Aval avé boan be ne zôme awu é môt ba dzing ?
Ye bôt ba ye wômô naa ba ke ning a dzôp ? Beza baa ye ki wômô ?
« ¿Qué es la resurrección? » nge ki « Qu’est-ce que la résurrection ? » (Nlô-adzô té ô ne a nden)
