KAPITE 30
E Kotou Toe Fetioʼaki Loa Mo Lātou Alā e Kotou Alofa Ki Ai
Ka mate se tasi e tou alofa mamae ki ai ti e tou lotomamae. E pati i le Tosi-Tapu ko le mate ko le fili. (1 Kolinito 15:26) I le kapite 27, e fakasā i ai, e ʼaga loa Seova o puliʼi le mate. Koleā loa ka fai e Seova kia lātou alā kua mamate? E tou ako loa i le kapite leinei, le amanaki mālie o uiga mo le kau mate. E fakatuʼuake loa e Seova se tokaʼapi. Ti e mafai loa ke lotou maʼuli o talu ai. Kae e soko māʼoki loa ko ia? E fakatuʼuake loa ko ia le kau mate ki selo pe ki le kele?
1. Koleā ka fai loa e Seova kia lātou alā kua mamate?
E loto Seova ke toe fakamaʼuli ake lātou kua mamate. Ko Sopo, ko se tagata na makeke lana tui, na tui māʼoki e leʼaise galoʼi loa aia e le Atua mokā mate. Na pati aia ki le Atua: “E ke kalaga mai loa kiate au, ti e kau tali atu loa kiate koe [“i le tānuma,” NWT].”—Lau Sopo 14:13-15.
2. E tou iloa fefeʼaki e fakatuʼuake loa le kau mate?
I le maʼuli o Sesu i le kele, na soli e le Atua kiate ia le makeke ke fakatuʼuake ai le kau mate. Na fakatuʼuake e Sesu se gā taʼine na fētuʼu 12 ti mo le tama o se fafine lokonui. (Maleko 5:41, 42; Luka 7:12-15) Ki muli ake, ko lona kauneʼa ko Lasalo na mate. Logo ai kua sili ki ai a aso e fā mei lona mate, kae na fakatuʼuake aia e Sesu. Na faikole Sesu ki le Atua, ti na kalaga leʼo lasi loa aia: “Lasalo, au ki fafo” “ti na au loa le mate ki fafo” kua maʼuli aia. (Soane 11:43, 44) Fakakaukauʼi ake muʼa le fiafia na logoʼi e le fāmili ti mo kauneʼa alā o Lasalo.
3. Koleā le amanaki ki ou fāmili alā kua mamate?
E fakapapau mai i le Tosi-Tapu: “E i ai loa se toe tuuake.” (Tosi Gaoi 24:15) Ko lātou alā na fakatuʼuake e Sesu, na lotou fiafia i le toe maʼuli i le kele, ko ia na leʼaise pale lātou ki selo. (Soane 3:13) Ti e toe felaʼaki mo le kakai tokaʼapi alā kua mamate, kua vave le ʼaga a Sesu o fakatuʼuake lātou ke lotou maʼuli i se palatiso i le kele o talu ai. Na pati aia: Ko “latou fuli ala e nonofo i tanuma” e fakatuʼuake loa lātou, tatau ai mo lātou alā e se koi tou ʼaga o manatuʼi, talie e se galoʼi lātou e le Atua.—Soane 5:28, 29.
MANATU LOLOTO
Ta tioʼi ni fakamāʼoki i le Tosi-Tapu e sā ai e mafai ke toe fakatuʼuake le kau mate. Ti ta māsau ki le amanaki mo le fakalotofīmālie e tou maʼua mei le fakapapau o uiga mo le fakatuʼuake.
4. Na fakasā e Sesu e mafai ke fakatuʼuake e ia le kau mate
Ta tioʼi pe koā a ʼiki anoʼaga na fai e Sesu ki lona kauneʼa ko Lasalo. Lau Soane 11:14, 38-44, ti fai a vesili anei:
-
Koleā leia e fakamāʼoki ai na mate māʼoki Lasalo?—Tioʼi le vaega 39.
-
Ki lau manatu, kāpau na pale Lasalo ki selo i le ʼoki o lona mate, na toe faiga loa ko ia a Sesu ke toe liliu mai aia ki le kele?
5. E fakatuʼuake loa se kakai tokaʼapi
Lau Pesalemo 37:29, ti fai le vesili leinei:
-
E maʼuli loa i fea lātou alā e fakatuʼuake?
E leʼese fakatuʼuake fua e Sesu lātou alā na tausi kia Seova. Lau Tosi Gaoi 24:15, ti fai le vesili leinei:
-
Ko ai leia e ke loto ke fakatuʼuake?
E leʼaise faigataʼa kia Sesu le fakatuʼuake o se tasi o fai pe se tamana leia e fafaguʼia sona toe e moe
6. E mafai ke ke maʼua se amanaki mo se fakalotofīmālie mei le fakatuʼuake
Tokaʼapi le kakai na putu, na lotou maʼua se fakafīmālie ti mo se fakalotomakeke mei le fakamatala o le fakatuʼuake o le gā taʼine o Sailusi. Lau le fakamatala lenā ia Luka 8:40-42, 49-56.
I muʼa o le fakatuʼuake o le gā taʼine lenā, na pati Sesu ki lona tamana: “Aua na ke tuania, tui fua.” (Tioʼi le vaega 50.) E mafai ke tokoi fefeʼaki atu le amanaki o uiga mo le fakatuʼuake mo kāpau . . .
-
e mate a se tasi e ke alofa mamae ki ai?
-
e tuʼutāmaki lou maʼuli?
Tioʼi le GĀ ʼATA, ti fai le vesili e soa atu ki ai.
-
Na fakalotomakekeʼi mo fakalotofīmālieʼi fefeʼaki a mātuʼa o Phelicity mei le amanaki o uiga mo le fakatuʼuake?
E PATI A ʼIKI: “Ko le fakatuʼuake ko se moemiti, e leʼese mafai ke soko māʼoki.”
-
Koleā lau manatu?
-
Koleā le vaega e ke ʼaga loa o fakaʼaogaʼi ke fakasā ai e iai le fakatuʼuake?
MANATU TĀFITO
E fakapapau i le Tosi-Tapu, e fakatuʼuake loa se kakai tokaʼapi. E loto Seova ke toe fakamaʼuli ake le kau mate ti na soli e ia kia Sesu le makeke ke fakatuʼuake ai lātou.
Fakamanatu
-
Koleā e logoʼi e Seova mo Sesu o uiga mo le fakatuʼuake o le kau mate?
-
E maʼuʼuli loa i fea le kakai tokaʼapi alā ka fakatuʼuake, ki selo pe ki le kele? Koleā lona tupuʼaga?
-
Koleā e ke tui māʼoki ai e fakatuʼuake loa lātou alā e ke alofa mamae ki ai?
A ʼIKI MANATU
Ni manatu ʼaoga e tokoi i le temi o le putu.
“Mokā mate a se tasi leia na tou alofa mamae ki ai” (Kotou ʼAʼala! N° 3 2018)
E mafai ko ia ke tokoi māʼoki a pelesepeto o le Tosi-Tapu ki se tasi leia e putu?
E mafai ke tauʼi fefeʼaki e fānau le mate o se tasi na lotou alofa ki ai?
E fakatuʼuake loa ko ia ni ʼiki ki selo? Ko ai mā alā e leʼese fakatuʼuake loa?