Tha bàs is coireach airson mulad agus bròn uabhasach. Tha seo an adhbhar a tha Am Bìoball ag ràdh gur e nàmhaid a th’ ann am bàs. (1 Corintianaich 15:26) Ann an Leasan 27, dh’ionnsaich thu gun ceannsachaidh Iehòbha an nàmhaid sin. Ach dè thachras ri iadsan a tha air bàsachadh mar-tha? San leasan seo, ionnsachaidh tu tuilleadh mu gealladh mìorbhaileach eile bho Iehòbha​—gun togaidh e air ais gu beatha billeanan de dhaoine airson mealadh beatha gu bràth. Bidh aiseirigh nam mairbh ann. A bheil seo comasach ge-tà? Am faigh iad aiseirigh gu beatha ann an neàmh no air an talamh?

1. Dè tha Iehòbha ag iarraidh a dhèanamh airson ar teaghlach agus caraidean gràdhach a tha marbh?

Tha fadachd air Iehòbha airson a toirt nam mairbh air ais gu beatha. Bha an duine dìleas Iob misneachail nach biodh Dia ga dhìochuimhneachadh, nuair a thigeadh bàs ris. Thuirt e ri Dia: “Gairmidh tusa, agus freagraidh mise thu [bho an Uaigh].”​—Leugh Iob 14:​13-​15.

2. Ciamar a tha fios againn gun urrainn na mairbh a bhith beò a-rithist?

Nuair a bha Ìosa air an talamh, thug Dia dha an cumhachd na mairbh a togail gu beatha. Thog Ìosa nighean a bha 12-bhliadhna a dh’aois agus mac baintriche air ais gu beatha. (Marcas 5:​41, 42; Lùcas 7:​12-​15) Às dèidh seo bhàsaich Làsaras, caraid Ìosa. Ged a bha Làsaras marbh fad ceithir làithean, thog Ìosa e air ais gu beatha. Às dèidh ùrnaigh a dhèanamh do Dhia, dh’èigh e le guth mòr, “A Làsarais, thig a-mach!” agus an uairsin “Thàinig esan a bha air bàsachadh a-mach”​—beò! (Eòin 11:​43, 44) Smaoinich dè cho toilichte ’s bha an teaghlach agus caraidean aig Làsaras!

3. Dè dòchas a th’ ann airson do theaghlach agus caraidean gràdhach a tha marbh?

Tha Am Bìoball a’ gealladh: “Gum bi aiseirigh ann.” (Gnìomhan 24:15) Nuair a thog Ìosa daoine air ais gu beatha sna làithean a dh’fhalbh, cha deach iad gu neàmh. (Eòin 3:​13) Thog e iad air ais gu beatha an seo air an talamh agus bha iad toilichte mu sin. San aon dhòigh a dh’aithgheàrr, bheir Ìosa air ais gu beatha billeanan de dhaoine airson a mealadh beatha gu bràth ann am pàrras talmhainn. Tha Dia a’ cuimhneachadh a h-uile duine a bha riamh air an talamh. Thuirt Am Bìoball gun gheibheas na “h-uile a th’ anns na tuaman” aiseirigh​—fiù ’s iad a tha mac an duine air dhìochuimhneachadh!​—Eòin 5:​28, 29.

 IONNSAICH TUILLEADH

4. Dhearbhaich Ìosa gun urrainn dha aiseirigh nam mairbh a dhèanamh

Ionnsaich tuilleadh mu dè rinn Ìosa airson a charaid Làsaras. Leugh Eòin 11:​14, 38-​44, agus an uairsin bruidhinn mu na ceistean seo:

• Ciamar a tha fios againn gun robh Làsaras marbh gu dearbh?​—Faic rann 39.

• Ma chaidh Làsaras suas gu neàmh, a bheil thu a’ smaoineachadh gum biodh Ìosa ga tharraing air ais gu beatha e air an talamh?

Cluich am BHIDIO.

5. Bidh aiseirigh ann airson mòran!

Leugh Salm 37:​29, agus an uairsin bruidhinn mun a’ cheist seo:

• Càite am bi an sluagh mòr a’ fuireach às dèidh aiseirigh fhaighinn?

Bheir Ìosa aiseirigh do bharrachd na dìreach iad a bha ag adhradh Iehòbha. Leugh Gnìomhan 24:​15, agus an uairsin bruidhinn mun a’ cheist seo:

• Cò am bu toil leat fhaicinn a tighinn air ais gu beatha?

• Ciamar a tha dòchas ann an aiseirigh air brosnachadh agus air toirt cofhurt ri na pàrantan aig Phelicity?

 GEÀRR-IOMRADH

Tha Am Bìoball a’ gealladh aiseirigh airson nam mairbh. Tha Iehòbha ag iarraidh gum bi iad beò a-rithist, agus thug e an cumhachd gu Ìosa airson iad a thogail air ais gu beatha.

Ath-sgrùdadh

• Ciamar a tha Iehòbha agus Ìosa a’ faireachdainn mu togail nam mairbh air ais gu beatha?

• Càite am bi an sluagh mòr a’ fuireach às dèidh aiseirigh fhaighinn​—anns na nèamhan no air an talamh? Carson?

• Carson a tha thusa cinnteach gun urrainn do luchd-gràidh a bhith beò a-rithist?