LEKSIÓN 30
¡Umi rehayhúva omano vaʼekue ikatu oikove jey!
Omano jave peteĩ jahayhúva ningo ñambyasy ha hetaiterei jasufri. Upévare voi la Biblia heʼi pe ñemano haʼeha ñane enemígo (1 Corintios 15:26). Leksión 27-pe ñaaprendéma kuri Jehová ohundietetaha pe ñemano. Péro, ¿mbaʼépa oikóta umi hetaite hénte omanóma vaʼekuégui? Ko leksiónpe ñaaprendéta ótra promésa iporãitereíva Jehová ojapo vaʼekue. ¡Umi omano vaʼekue orresusitáta ha ikatúta oikove pára siémpre! ¿Añetehápe piko oikóta upéva? ¿Moõpa oikove jeýta hikuái: yvágape, térãpa ko yvy ape ári?
1. ¿Mbaʼépa ojapose Jehová umi jahayhúva omano vaʼekue rehehápe?
Jehová omoingoveseterei jey umi omanóvape. Upévare Job oĩ kuri segúro Ñandejára ndahesaraimoʼãiha chugui omano rire. Haʼe heʼi vaʼekue Ñandejárape: “Nde cherenóita ha che akontestáta” pe Sepultúra guive (elee Job 14:13-15).
2. ¿Mbaʼéichapa jaikuaa umi omano vaʼekue ikatuha oikove jey?
Jesús oĩrõ guare ko yvy ape ári Ñandejára omeʼẽ vaʼekue chupe podér orresusita hag̃ua la héntepe. Haʼe omoingove jey vaʼekue peteĩ mitãkuñaʼi orekóvape 12 áño, ha avei peteĩ viúda membykuimbaʼépe (Marcos 5:41, 42; Lucas 7:12-15). Tiémpo rire omano avei iñamígo Lázaro, ha 4 día haguépe, Jesús omoingove jey chupe. Haʼe oñemboʼe Ñandejárape ha upéi hatã heʼi: “¡Lázaro, esẽ!”. Ha “pe kuimbaʼe omano vaʼekue, osẽ okápe” (Juan 11:43, 44). ¡Eñeimahinamíntena mbaʼeichaitépa oiméne ovyʼa raʼe Lázaro hentekuéra ha iñamigokuéra!
3. ¿Ikatúnepa rehecha jey umi rehayhúva omano vaʼekuépe?
La Biblia opromete “oñemoingove jeytaha” umi omanóvape (Hechos 24:15). Umi persóna Jesús orresusita vaʼekue ningo ndohói kuri yvágape (Juan 3:13). Haʼe omoingove jey chupekuéra oiko hag̃ua ko yvy ape ári, ha haʼekuéra ovyʼaiterei vaʼekue upévare. Koʼẽrõitéma Jesús omoingove jeýta hetaiterei héntepe oiko hag̃ua pára siémpre vyʼápe peteĩ paraísope koʼápe. Haʼe heʼi vaʼekue “enterove umi oĩva pe sepultúrape” oikove jeytaha. Ha umíva apytépe oĩ avei umi haʼetévaicha avave naimanduʼavéimava hesekuéra, péro Ñandejára si imanduʼa hesekuéra (Juan 5:28, 29).
EJEPYʼAMONGETAMÍNA
Jahechamína mbaʼérepa ñaimekuaa segúro Jesús orekoha podér omborresusita hag̃ua la héntepe ha ojapotaha upéva. Avei mbaʼéichapa upe promésa ikatu ñanekonsola ha omeʼẽ ñandéve esperánsa.
4. Jesús ohechauka vaʼekue ikatuha omoingove jey umi omano vaʼekuépe
Eaprende hetave mbaʼe la Jesús ojapo vaʼekuégui iñamígo Lázaro rehehápe. Elee Juan 11:14, 38-44, ha upéi erresponde koʼã porandu:
-
¿Mbaʼéichapa jaikuaa Lázaro añetehápe omano hague? (Ehecha jey versíkulo 39).
-
Lázaro ohórire oiko yvágape omanórõ guare, ¿oovligánepa raʼe chupe Jesús oguejy hag̃ua upégui ha ou jey ko yvy ape ári?
5. Hetaiterei hénte oikove jeýta
Elee Salmo 37:29, ha upéi erresponde ko porandu:
-
¿Moõpa oikóta umi hetaite hénte orresusitátava?
Jesús omoingove jeýta avei hetaiterei héntepe ndoadorái vaʼekue Jehovápe. Elee Hechos 24:15, ha upéi erresponde ko porandu:
-
¿Mávapa nde reipota oñemoingove jey?
Peteĩ túape ningo ndahasyiete omombáy hag̃ua ifamília okévape, upéicha avei Jesúspe ndahasyiete omoingove jey hag̃ua umi omano vaʼekuépe
6. Pe rresurreksión ikatu nekonsola ha omeʼẽ ndéve esperánsa
Pe rreláto oñeʼẽva Jairo rajýre okonsola ha omombaretéma hetaiterei osufrívape. Elee ko rreláto oĩva Lucas 8:40-42, 49-56-pe.
Jesús orresusita mboyve Jairo rajyʼípe heʼi vaʼekue pe karaípe: “Ani rejepyʼapy, ejeroviánte vaʼerã” (ehecha jey versíkulo 50). ¿Mbaʼéichapa ko esperánsa ikatu nepytyvõ:
-
omanóramo ndehegui peteĩ rehayhúva?
-
nde rekove oĩramo en pelígro?
Ehecha pe VIDÉO, ha upéi erresponde ko porandu:
-
¿Mbaʼéichapa ko esperánsa okonsola ha omombarete Phelicity tuakuérape?.
OĨRAMO HEʼÍVA: “Che arovia oikotaha la rresurreksión. Péro amo yvágape, ndahaʼéi ko yvy ape ári”.
-
¿Mbaʼépa nde repensa?
-
¿Mbaʼe téxtopa ikatu reipuru ehechauka hag̃ua chupe la majoría oikove jeytaha ko yvy ape ári?
RRESÚMEN
La Biblia opromete ñandéve oĩtaha hetaiterei persóna orresusitátava. Jehová oipotaiterei haʼekuéra oikove jey, ha omeʼẽma Jesúspe pe podér ojapo hag̃ua upéva.
Rrepáso
-
¿Mbaʼéichapa oñeñandu Jehová ha Jesús ikatúta haguére omoingove jey umi omano vaʼekuépe?
-
Oĩta hetaiterei hénte orresusitáva, ¿moõpa oikóta hikuái: yvágape térãpa ko yvy ape ári? ¿Mbaʼérepa ere upéva?
-
¿Mbaʼérepa nde reime segúro umi rehayhúva omano vaʼekue ikatuha oikove jey?
EINVESTIGA HAG̃UA
Ehecha mbaʼépa ikatu rejapo reaguanta hag̃ua omanóramo ndehegui peteĩ rehayhúva.
“Konsuélo umi oñembyasývape g̃uarã” (¡Despertad! Número 3 de 2018)
¿Ikatúpa umi enseñánsa oĩva la Bíbliape oipytyvõ peteĩ osufrívape omano rupi chugui álgien ohayhúva?
¿Mbaʼépa oipytyvõta umi mitãme oaguanta hag̃ua omanóramo peteĩ ohayhúva?
¿Oĩtapa orresusitáva yvágape? ¿Máva mávapa ndorresusitamoʼãi?
Koʼã téma ikatu ndegusta avei
OÑEPORANDU MEMÉVA
¿Mbaʼéichapa umi testígo de Jehová ojapo peteĩ kúrso bíblico?
Ko kúrso bíblico oofresévape ndéve umi testígo de Jehová eipurukuaa pe traduksión bíblica ndegustavéva. Ndojekovrái mbaʼevete. Ikatu einvita ne família térã ne amigokuérape oĩ hag̃ua.
