ZASEŊƆ 30
Ho Wan Le Nyɛ Ho Nɛresɛba N Ki La!
Kum basɛ ti si’iŋo la susa’aŋɔ n bɔna. Bala n sɔi ti Baabule la yi’ira kum ti dima la. (1 Korint 15:26) Ho zamesɛ nyɛ Zaseŋɔ 27 poan ti, Yehowa wan nyaŋɛ dima la. Ge a wan eŋɛ nɛresɛba n puɣum deŋɛ ki la, la wani? Zaseŋɔ wa poan, ho wan zamesɛ baŋɛ Yehowa n biŋe a nɔɔrɛ ti a isige nɛreba zo’e zo’e n ki la ti ba tara vom somɔ daarewoo. A wan isige ba kum poan! Bala wan sirum ta’an eŋɛ? Ba wan isige ba kum poan ti ba bɔna la saazuo bii tingɔŋɔ wa zuo?
1. Yehowa boti la a eŋɛ bem bo to nɛresɛba n ki la?
Yehowa tari la pupeelum ti a isige nɛresɛba n ki la. Nɛra ayima n yuun tari sakerɛ ti a yu’urɛ dɛna Yob yuun tari puti’irɛ ti Naayinɛ kan tamɛ a yele a san ki. A yuun yele Naayinɛ yeti: “Ho wan yi ti n sakɛ [yɔɔ la poan].”—Kaalɛ Yob 14:13-15.
2. To eŋɛ la wani baŋɛ ti sɛba n ki la wan ta’an le vo’e?
Yezu n yuun boi tingɔŋɔ wa zuo la, Naayinɛ yuun bo en la paŋa ti a isigera nɛreba kum poan. Yezu yuun isige la pugela n yuun de yuun 12 ge ki, la pɔkɔɔrɛ ayima bia n me yuun ki. (Mark 5:41, 42; Luke 7:12-15) Pooren la, Yezu mea zɔ Lazarus yuun ki mɛ. Lazarus yuun nɔɔ ki mɛ ti ba laɛ en ti Yezu isige en dabesa anaasi daarɛ. Yezu n yuun zusɛ Naayinɛ ba’asɛ la, a yuun yele mɛ la kɔ̃a basɛ sa ti: “Lazarus, yese na!” “Buraa la n ki la yese me na” vɔna! (Yon 11:43, 44) Makɛ bisɛ Lazarus yidoma la a zɔdoma puurɛ n yuun pee se’em!
3. Bem beere sa’am puti’irɛ ti hon tara bɔ’ɔra ho nɛresɛba n ki la?
Baabule la biŋe nɔɔrɛ ti: “A wan isige tontɔɔdoma la sɛba n daɣɛ tontɔɔdoma.” (Tooma 24:15) Sɛba ti Yezu yuun isige ba kum poan la yuun ka keŋɛ saazuo. (Yon 3:13) Ba puurɛ yuun pee mɛ ti ba le vɔna tingɔŋɔ wa zuo. Bala mea nɔɔ, la kan yue Yezu wan isige nɛreba n ka tari kãlɛ ti ba tara vom somɔ paradiisi poan tingɔŋɔ wa zuo. A yuun yeti, “sɛba woo n boi yɔɔrɔ poan la” hali la sɛba ti la ana wuu ba tamɛ ba yele mɛ ge ti Naayinɛ tɛra ba yele la, wan nyɛ kum isigere.—Yon 5:28, 29.
VIISƐ PA’ASƐ
Bisɛ sɛla n eŋɛ ti la niɛ peelum Baabule la poan ti sɛba n ki la wan ta’an le vo’e. Zamesɛ baŋɛ kum isigere la n wan ta’an buɣelɛ ho suure se’em ge me basɛ ti ho tara beere sa’am puti’irɛ.
4. Yezu yuun eŋɛ pa’alɛ ti a wan ta’an isige kum
Zamesɛ baŋɛ Yezu n yuun eŋɛ sɛla bo a zɔ Lazarus. Kaalɛ Yon 11:14, 38-44 ge nyaa sɔsɛ sokere ana wa:
-
To eŋɛ la wani baŋɛ ti Lazarus yuun sirum ki mɛ?—Bisɛ a kaalegɔ zɛ’an 39.
-
Lazarus yuun san keŋɛ ni la saazuo, hon ti’isɛ ti Yezu yuun wan le tari ni en lebe tingɔŋɔ wa zuo na?
5. Ba wan isige nɛreba zo’e zo’e kum poan!
Kaalɛ Yooma 37:29 ge nyaa sɔsɛ sokere wa:
-
Nɛreba la n ka tari kãlɛ la ti ba wan isige ba la wan bɔna la bɛ?
Yezu wan isige nɛreba zo’e zo’e gaŋɛ sɛba n yuun pu’useri Yehowa la. Kaalɛ Tooma 24:15 ge nyaa sɔsɛ sokere wa:
-
Hon wan bɔta ti ho nyɛ la ani ti ba isige en kum poan?
Ti’isɛ yele wa bisɛ: Yezu ta’an isige nɛra kum poan naana wuu sɔ n ta’an isige a bia guum poan se’em la
6. Kum isigere la ta’an buɣelɛ ho suure ge basɛ ti ho tara beere sa’am puti’irɛ
Baabule la n tɔɣɛ Yairus bipugela yele la buɣeli la nɛreba zo’e zo’e suure n sa’am. Kaalɛ yele la n yuun sirum eŋɛ la ti la bɔna Luke 8:40-42, 49-56 poan la.
Yezu n yuun boi bim ti a isige Yairus bipugela la, a yuun yele pugela wa sɔ yeti: “Da zɔta dabeem, yeen tara sakerɛ.” (Bisɛ a kaalegɔ zɛ’an 50.) Beere sa’am kum isigere puti’irɛ wa, wan ta’an soŋɛ ho la wani . . .
-
ho nɛra san ki?
-
ho vom san bɔna dɛŋa poan?
Ŋmɛ VIDIYO la ge nyaa sɔsɛ sokere wa:
-
Beere sa’am kum isigere puti’irɛ wa buɣelɛ ge kpeŋe Phelicity dɔɣereba giila la wani?
NƐREBA BASƐBA YETI: “Kum isigere yele la ba’ɛ ana la soŋa ti la ta’an dɛna yelemɛŋɛrɛ.”
-
Ho puti’irɛ dela deni?
-
Baabule gulesegɔ kuni ti ho wan dekɛ pa’alɛ ti kum isigere wan bɔna?
YELEKPINE
Baabule la biŋe nɔɔrɛ ti ba wan isige nɛreba zo’e zo’e. Yehowa boti ba le vɔna mɛ, a me dekɛ la paŋa bo Yezu ti a isige ba kum poan.
Tiisegɔ Sokere
-
La ani Yehowa la Yezu la wani ti ba isige nɛresɛba n ki la?
-
Nɛreba n ka tari kãlɛ ti ba wan isige ba la wan bɔna la saazuo bii tingɔŋɔ wa zuo? Beni n sɔi ti hon yele bala?
-
Beni n basɛ ti hon puti’irɛ gã’a ma’asumi ti ho nɛresɛba n ki la wan le vo’e?
Ɛ BISƐ
Zamesɛ baŋɛ hon wan ta’an eŋɛ se’em nyɛ soŋerɛ ho suure san sa’am.
“Sɛla N Wan Taʼan Soŋɛ Sɛba Suure N Saʼam” (Awake! No. 3 2018)
Baabule naresum yɛla wan sirum ta’an soŋɛ nɛra suure n sa’am?
Kɔma wan ta’an eŋɛ la wani nyɛ soŋerɛ ba nɛra san ki?
Ba wan isige nɛreba keŋɛ saazuo? Nɛrebani ti ba kan isige ba kum poan?
Ho Me Ta'an Bɔta Yele Ana
SOKESE’A TI NƐREBA SƆKERA
Bem Baabule Zamesegɔ N Bala Ti Yehowa Sɛɛradoma Ita La Nɛreba?
Hon la Yehowa Sɛɛradoma san zamesa Baabule la, ho ta’an tara homea Baabule la kaala, zamesegɔ la poan. Ho ta’an yele ho yire nɛreba za’a la ho zɔdoma ti ba laɣum kelese zamesegɔ la.
