SOMO LYA 30
Abazigirwa Bawe Bakashuba Lama!
Olufu lunalerha maganya manene n’omugayo. Che chirhuma Ebiblia eluyirika oku mwanzi. (1 Wakorinto 15:26) Omu Somo lya 27, wayigire oku Yehova nji ahima oyola mwanzi. Bobuno si, gurhe nji byaja byaba ku balala bafire embere amuhime? Mu linola Somo, wayiga oku bilolere echindi chilagane chinja bwenene cha Yehova; chiyerekene oku nji afula amamiliyoni m’abantu basiimire akalamo esiku n’amango. Nji bafuuka! Aliko si ebyo byakashobokana? Nji bafuuka balame omu mbingu, changwa oku gulu?
1. Bichi Yehova alonzeze kujirira abazigirwa berhu bafire?
Yehova aherhe enyorha y’okufuula abantu bafire. Omulume w’obwemere oyirikirwe Yobu, alichizerere oku Mungu arhakamuyibirira amango nji afa. Abwira Mungu ntya: “Nji wahamagala, nani nanakushubiza [nanayemerera omu shinda].”—Osome Yobu 14:13-15.
2. Bichi birhuyemezeze oku abafire nji bafuuka?
Amango Yesu aliri oku gulu, Mungu alimuhere obuhashe b’okufuula abantu. Yesu alifulire o mwana w’obunyere wa myaka 12, n’omurhabana wa mukazi muguma w’omukana. (Marko 5:41, 42; Luka 7:12-15) Buzinda, mwira-wage Lazaro naye afa. Chiro akaba oku Lazaro ali afire, amala siku ene eyi bamuhambire, Yesu amufuula. Yesu asalira, amalire afa chakuderha embere w’eshinda: “Lazaro, huluka!” naho “oyola mulume wali wafire ahuluka”—eyi muguma-guma! (Yohana 11:43, 44) Waza obusime bungana omulala gwa Lazaro na bera bage baligwerhe!
3. Bunihire buhe buliho oku bazigirwa berhu bafire?
Ebiblia elaganyize oku: “Nji haba obufuuke.” (Matendo 24:15) Aba Yesu afuulaga amango aliri oku gulu, barhalijire embingu. (Yohana 3:13) Baliyunvirhe basimire okushuba kulama hanola oku gulu. Konakuguma, hanola hofi Yesu afuula amamiliyoni m’abantu basiimire akalamo omu paradizo hanola oku gulu. Aliderhere oku “balala boshi bali omu shinda z’olwibuko”—chiro na balala bashushire nka lero Mungu abayibagire—nji bafuuka.—Yohana 5:28, 29.
HUMBA BWENENE
Lola ebyemezo bye Biblia biyerekene oku Yesu aherhe obuhashe b’okufuula abantu bafire, nji anabafuula. Washuba kubona nka gurhe obufuuke bwakakurhuliriza n’okukuha obunihire.
4. Yesu aliyerekene oku akagala kufuula abafire
Yiga binene oku bilolere ebi Yesu akoleraga mwira-wage Lazaro. Osome Yohana 11:14, 38-44, muje mwaganira kw’ebila bibazo:
-
Bichi birhuyerekere oku kweri Lazaro alifire?—Olole omustari gwa 39.
-
Nk’embingu yi Lazaro ajaga, owazize oku Yesu akamugalwire ashube alame hanola oku gulu si?
5. Abantu banene nji bafuuka!
Osome Zaburi 37:29, muje mwaganira kw’echila chibazo:
-
Ngahe emiliyoni y’abantu befuuke nji balama?
Yesu nji afuula bantu banene sy’arhali mpu abaliri baharamya Yehova bonyine. Osome Matendo 24:15, muje mwaganira kw’echila chibazo:
-
Inde wakasima obone afuukire?
Ba nka wawaza: Biyorohere Yesu okufuula omuntu wafire kuguma nk’oku eshe w’omwana akanamuzusya omu ro
6. Obufuuke bwakakurhuliriza n’okukuha obunihire
Engani y’omu Biblia ederhere oku biloliore mwali wa Yayiro yarhulirize bantu banene bali omu mishibo. Osome eyola ngani y’okuli omu Luka 8:40-42, 49-56.
Embere Yesu afuule mwali wa Yayiro, abwira eshe wa nyamunyere nyine ntya: “Orhayubahaga, ogwarhe obwemere konyine.” (Olole omustari gwa 50.) Nka gurhe obunihire b’obufuuke bwakakurhabala . . .
-
amango omuzigirwa wawe amafa?
-
amango akalamo kawe kali om buhanya?
Ziha EVIDEO, muje mwaganira kw’echila chibazo.
-
Gurhe obunihire b’obufuuke bwalirhulirize n’okuhira abazere ba Phelicity omurhima?
HALI ABANTU BANADERHA: “Bikomere okuyemera oku abantu bafire banabola bakashuba kulama.”
-
Gurhe woyo owazize?
-
Lwandiko luhe wakakolesa omu kuyerekana oku kweri nji haba obufuuke?
OKU BUGEKE
Ebiblia elaganyize oku emiliyoni y’abantu bafire nji bafuuka. Yehova alonzeze bashube balame, anahere Yesu obuhashe b’okubafuula.
Rhuchiyibusye
-
Gurhe Yehova na Yesu banachiyunva oku bilolere okufuula abafire?
-
Ngahe emiliyoni y’abantu befuuke nji balama—omu mbingu changwa oku gulu? Chirhumire waderha ntyo?
-
Bichi bikuyemezeze oku kweri abazigirwa bawe bafire bakashuba kulama?
EYINDI MYAZI
Lola ebi wakajira byakakurhabala amango oli omu mishibo.
Kweri si amakanuni me Biblia makarhabala omuntu oli omu mishibo?
Bichi byakarhuliriza abana amango omuzigirwa wabo amafa?
Buli muntu nj’afuuka n’okuja omu mbingu si? Inde orhakafuuka?
