DISÁ 30
O Jindandu jé Jafu Kya Andafukunuka!
O kufwa kubhekela ndolo yavulu. Kiki kyene kibhangesa o Bibidya kwixana o kalunga nguma. (1 Kolindu 15:26) Mu Disá dya 27, wadilongo kwila Jihova wandabwika o nguma yiyi. Maji phe ihi yandabhita ni athu afu kya? Mu disá didi wandadilongamu dingi kikanenu kyengi kya Jihova. Mwene wandafukununa mazunda a athu andakala ni mwenyu wakalelaku! O kwila kiki kyandabhita mwene? Ene andakwafukununa phala kukala kwebhi? Kudyulu inga mu ixi?
1. Ihi ya mesena kubhanga Jihova kujindandu jetu ni makamba afu kya?
Jihova wamesena kyavulu kufukununa yo afu kya. Sayi diyala amwixanene Jobe wadyelele ni kidi kyoso kwila, kyoso kyeji fwa Nzambi keji mu jimba. Mwene wambela Nzambi: “Eye-phe wanda ng’ixana, eme hé ngi ku’itaya [mu mbila].”—Tanga Jobe 14:13-15.
2. Kyebhi kitwejiya kwila o athu afu kya andakwafukununa?
Kyoso Jezú kyexile mu ixi, Nzambi wamubhana kutena phala kufukununa o athu. Jezú wafukununa kilumba kexile ni 12 kya mivu ni mona a mutudi. (Máluku 5:41, 42; Luka 7:12-15) Mwene we wafukununa kamba dyê Lázalu. Sumbala kwabhitile kya izuwa iwana tunde Lázalu kya fwile, ne kiki Jezú wamufukununa. Jezú wasambe kwa Nzambi yu wambe: “Lázalu, tunda ku kanga!” O “Lázalu anga u tunda,” ukala dingi ni mwenyu! (Nzwá 11:43, 44) Xinganeka o kusanguluka kwa mwiji ni makamba a Lázalu!
3. Kidyelelu kyahi kyala nakyu o jindandu ni makamba mé afu kya?
O Bibidya ikanena: “Hádya kukala difukunukinu.” (Ikalakalu 24:15) O athu a afukununa kwa Jezú kyoso kyexile mu ixi, kayi ku dyulu. (Nzwá 3:13) Ene asangulukile mu kukala dingi kumwenyu mu ixi. Kuhádya kyene we kyandabhita, Jezú wandafukununa mazunda athu phala kukala mu palayízu mu ixi. Mwene wambe kwila “oso ala mu jimbila” anda kwa fukununa. (Nzwá 5:28, 29) Kiki kilombolola kwila, athu oso ala mu kixinganeku kya Nzambi anda kwa fukununa, kate mwene yo ka alembalala dingi ku athu, andakwafukununa we.
DILONGE DINGI
Dilonge mu Bibidya se mukonda dyahi tutena kuxikina ni kidi kyoso kwila, Jezú wala ni kutena kwa kufukununa o athu ni kwila kiki kyanda bhita mwene se phata. Tala we kyebhi o difukunukinu ditena kukuximbakatesa ni kukubhana kidyelelu.
4. Jezú walondekesa kwila utena kufukununa o athu afu
Dilonge dingi ya lungu ni mbote ya bhange Jezú kwa kamba dye Lázalu. Tanga Nzwá 11:14, 38-44 mukusuluka bhanga o ibhwidisu ya kayela:
-
Kyebhi kitwejiya kwila Lázalu wafwile mwene?—Tala o velusu ya 39.
-
Jezú wa fukununa Lázalu phala kukala dingi ni mwenyu mu ixi. Se Lázalu wayile kudyulu o kwila Jezú weji mu fukununa dingi?
5. Athu avulu andakwafukununa!
Tanga Jisálamu 37:29, mukusuluka bhanga o kibhwidisu kya kayela:
-
Kwebhi kwandakala o mazunda a athu andakwafukununa?
Jezú kandafukununa ngó o jiselevende jafiyele ja Jihova, mwene wandafukununa we athu avulu amukwa. Tanga Ikalakalu 24:15, mukusuluka bhanga o kibhwidisu kya kayela:
-
Nanyi wamesena kumumona dingi kyoso kyandafukununa o athu?
Kikubhonzo phala o tata kubalumuna mon’ê wa mu zeka. Kyene kimoxi we, phala Jezú kikubhonzo kufukununa muthu wafu
6. O difukunukinu ditena kukuximbakatesa ni kukubhana kidyelelu
Kutanga o musoso wa Bibidya walungu ni difukunukinu dya mona a Jailu, kwene mu ximbakatesa ni kuswinisa athu avulu ene mu tala hadi mukonda dya kufunda ndandu mba dikamba dya kazola. Tanga o musoso yu wakidi mu divulu dya Luka 8:40-42, 49-56.
Ande dya kufukununa o mona a Jailu, Jezú wambela tat’ê: “Ku kale ni hèle! Kabasa u xikana.” (Tala o velusu 50.) Kyebhi o kidyelelu kya difukunukinu kitena kukukwatekesa . . .
-
se ufunda ndandu mba dikamba dya kazola?
-
se o mwenyu we ukala mu kilwezu?
Tala OVIDYU, mukusuluka bhanga o ibhwidisu ya kayela.
-
Kyebhi o kidyelelu kya difukunukinu kya swinisa o jitata ja Phelicity?
ATHU AVULU AMBA: “Kingixikina kwila o athu atena kwafukununa phala kukala ni mwenyu mu ixi.”
-
Ihi i ubanza?
-
Kibatulu kyebhi kya Bibidya ki utena kutanga ni athu phala kwalondekesa kwila athu avulu andakwafukununa phala kukala kumwenyu mu ixi?
IHI IWADILONGO
O Bibidya ikanena kwila mazunda a athu afu kya andakwa fukununa. Jihova wamesena kwila ene akala dingi kumwenyu, mwene wabhana kutena kwa Jezú phala kwafukununa.
Kubhitulula
-
Kyebhi kitwejiya kwila Jihova ni Jezú andafukununa dingi o athu afu kya?
-
O mazunda a athu andakwafukununa andakala kwebhi? Ku dyulu inga mu ixi? Mukonda dyahi uzwela kiki?
-
Ihi ikuxikinisa kwila, o jindandu jé ni makamba afu kya andafukunuka mwene?
TOKWESA DINGI
Tala o jindunge jalungu ni kyebhi ki utena kudibhana ni ndolo ya kufunda ndandu.
“Kikwatekesu Phala yo Afundu” (Despertai!, No. 3 2018 mu Phutu)
O kwila o itumu ya Bibidya itena mwene kukwatekesa muthu wa mu dibhana ni ndolo ya kufunda?
Kyebhi ki utena kukwatekesa kambonga kudibhana ni ndolo ya kufunda ndandu mba dikamba?
O kwila sayi muthu andamufukununa phala kukala kudyulu? Nanyi mwene kandamufukununa?
Eye Nange Wandawabhela we o Maka Yá
IBHUIDISU IENE MU BHANGA DINGI O ATHU
Kyebhi o Jimbangi ja Jihova Kyene Mulonga o Bibidya?
Ni ukexilu ubhe yú wakulonga o Bibidya wa Jimbangi ja Jihova, eye utena we kutanga o jivelesu mu Bibidya yoso yoso iwamesena. Divwa kyambote phala kwixana muthu kumwiji wé mba kamba dyé kudibunda neye mukudilonga o Bibidya.
