Misac luhn mwet suc kuht luhngse uh ahkahsorye kuht na pwacye. Pwacnacng, Bible uh pahngon misac oacna sie mwet lokoalok. (1 Corinth 15:26) Ke Mwe lutlut 27, kom lotwelah lah Jeova el ac fah kuhnahoslah mwet lokoalok se inge. Tuhsruhktuh, meac ac sikyak nuh sin mwet suc misac tari? Ke mwe lutlut se inge, kom ac fah lotwelah ke sie pac wuhlelah na wo luhn Jeova​—el ac fah ahkmoulyeack billion sin mwet tuh elos in engankihn moul ma pahtpaht. Kuht ac fah sifwilpac weluhlos! Yac ma inge kuh in sikyak na pwacye? Yac elos ac fah ahkmoulyeyuckyak in moul nuh inkuhsrao kuh fin facluh?

1. Meac Jeova el luhngse in oruh nuh sin mwet in sucu lasr ac kawuck lasr suc misac tari?

Jeova el luhngse na pwacye in ahkmoulyeack mwet misac. Job, sie mwet oaru, el luhlahlfongi lah God el ac tiac muhlkuhnuhllah finne el misac. El fahk nuh sin God: “Kom fah pahng, ac nga ac topuk kom [liki Inkuclyuck].”​—Riti Job 14:13-15.

2. Kuht etuh fuhkah lah mwet misac ac fah ahkmoulyeyuckyak?

Ke pacl se ma Jesus el oasr fin facluh, God el sang kuh nuh sel elan ahkmoulyeack mwet misac. Jesus el ahkmoulyeack tuhlihk muhtwacn se suc yac 12 matwac ac tuhlihk mukul se nuhtin muhtwacn katinmas se. (Mark 5:41, 42; Luke 7:12-15) Ke pacl se ma Lazarus kawuck se lal Jesus el misac, el ahkmoulyelack finne el misac lwen ahkosrlac tari. Tukun el puhruhe nuh sin God, Jesus el wowoyak: “Lazarus, ilme!” Ac “el ilme.” Lazarus el sifwil moul! (John 11:43, 44) Pwacye lah mwet in sucu lal Lazarus ac kawuck lal elos fwefwelac ke engan!

3. Meac finsrak luhn mwet misac suc kom luhngse?

Bible uh wuhlelah ohinge: “Mwet suwohs ac mwet sesuwohs ac fah moulyak liki misac.” (Orekma 24:15) Mwet suc Jesus el ahkmoulyeack in pacl meet ah inge tiac som nuh inkuhsrao. (John 3:13) Elos engan ke pacl se ma ahkmoulyeyuckyak elos nuh facluh. Ac fah tiac paht, Jesus el ac fah ahkmoulyeack billion sin mwet misac in engankihn moul ma pahtpaht ke sie pacruhtais fin facluh. El fahk lah mwet nuhkewa suc oasr ke mwe acsmakihn luhn God ac fah sifwil moulyak, finne wacngihn mwet esamack lah elos moul meet ah.​—John 5:28, 29.

 AHKYOHKYE LUTLUT LOM

4. Jesus el ahkpwacyeye lah el kuh in ahkmoulyeack mwet misac

Liye kuhtuh pac ma ke Jesus el ahkmoulyeack kawuck se lal inge, Lazarus. Riti John 11:14, 38-44, ac tohkohyang sramsramkihn kihsen siyuck inge:

• Kuht etuh fuhkah lah Lazarus el misac na pwacye?​—Liye fuhs 39.

• Fin Lazarus el oasr tari inkuhsrao, kom nuhnkuh tuh Jesus el enenuh in ahkmoulyelack fin facluh?

Liye VIDEO se.

5. Mwet pucspucs ac fah sifwil ahkmoulyeyuckyak!

Riti Psalm 37:29, ac tohkohyang sramsramkihn kihsen siyuck se inge:

• Billion sin mwet suc ac fah sifwil moulyak elos ac muhta oyac?

Tiac mwet suc alu nuh sin Jeova muhkwena Jesus el ac ahkmoulyeack. Riti Orekma 24:15, ac tohkohyang sramsramkihn kihsen siyuck se inge:

• Suc kac kom luhngse Jesus elan ahkmoulyeack?

• Finsrak ke sifwil moulyak ahkwoye ac ahkkweye fuhkah pahpah ac ninac kiyacl Phelicity?

 MA KUHT LOTWELAH

Bible uh wuhlelah lah billion sin mwet suc misac ac fah sifwil moulyak. Jeova el luhngse in ahkmoulyelosyak, pwacnacng el sang kuh nuh sel Jesus in oruh ohinge.

Kalweni

• Kuht etuh fuhkah lah Jeova ac Jesus luhngse in sifwil ahkmoulyeack mwet misac uh?

• Billion sin mwet suc ac fah sifwil moulyak ac fah moul oyac​—inkuhsrao kuh fin facluh? Efuh kom fahk angacn?

• Mwe ahkpwacyeye fuhkah oruh kom in luhlahlfongi muh mwet suc kom luhngse kuh in sifwil moulyak?