LONGI DIA 30
Nga Yitu ye Akundi Aku Ana Bafwa Balenda Vutuka Diaka Zinga?
O lufwa nkenda ye ntantu zayingi lutwasanga. Muna kuma kiaki, Bibila kiyikilanga lufwa vo mbeni. (1 Korinto 15:26) Muna longi kia 27, walongokele vo Yave osukisa e mbeni ndioyo. Kansi, adieyi divangama kwa wantu ana befwanga yamu wau? Muna longi diadi, ozaya nsilu wamfunu wa Yave, i sia vo, wafutumuna wantu ayingi yo kubavana e lau dia zinga ye kiese yakwele mvu. Nga diambu diadi, vangama divangama kieleka? Nga awana befulwa, kuna zulu bekwenda zingila yovo ova ntoto?
1. Adieyi Yave kazolele vanga kwa azolw’eto ana bafwa?
Yave ozolele vo awana bafwa bavutuka diaka zinga. Yobi wa nkwa kwikizi wakala ye vuvu vo avo ofwidi Nzambi ke kumvilakana ko. Wavova kwa Nzambi vo: “Obokela, mono itambulwila [tuka muna Ziami].”—Tanga Yobi 14:13-15.
2. Aweyi tuzayidi wo vo awana bafwa balenda futumuka?
Vava Yesu kakala ova ntoto, Nzambi wamvana nkuma wafutumuna awana bafwa. Yesu wafutumuna dumbelele kimosi wakala ye mvu 12 yo mwana wa nkento a nsona. (Maku 5:41, 42; Luka 7:12-15) Kuna kwalanda, Lazaro wa nkundi a Yesu wafwa. Kanele vo lumbu yá yavioka tuka kafwila yo zikwa, Yesu wamfutumuna. Wasamba kwa Nzambi muna nding’a ngolo, oku vo: “E Lazaro, vaika!” O “muntu ona wafwa ovaikidi” wamoyo. (Yoane 11:43, 44) Yindula e kiese bamona e yitu ye akundi andi!
3. Nkia nsilu Bibila kisianga mu kuma kia yitu ye akundi eto ana bafwa?
Bibila kisianga nsilu vo: “Vekala yo lufuluku.” (Mavangu 24:15) Wantu ana Yesu kafutumuna, ke bayenda zingila ku zulu ko. (Yoane 3:13) Bakala ye kiese kia zingila diaka vava ntoto. Ke kolo ko Yesu ovanga diau dimosi, ofutumuna wantu ayingi ana bekala ye kiese kia zinga yakwele mvu mu paradiso vava ntoto. Wavova vo “awonso bena muna ziami ya luyindulu” kana nkutu awana bavilakanua kwa wantu, bena muna nyindu a Nzambi, besinga futumuka.—Yoane 5:28, 29, yl.
ZAYA DIAKA MANKAKA
Zaya una Bibila kisongelanga e ziku vo Yesu ovuidi nkuma wafutumuna wantu ye osinga wo vanga. Zaya mpe una lufuluku lulenda kutwasila lufiaulwisu yo kuvana e vuvu.
4. Yesu wasonga e ziku vo olenda futumuna awana bafwa
Zaya diaka mambu mankaka Yesu kavanga kwa Lazaro wa nkundi andi. Tanga Yoane 11:14, 38-44, i bosi, vana e mvutu za yuvu eyi:
-
Aweyi tuzayidi wo vo Lazaro fwa kikilu kafwa?
—Tala e tini kia 39.
-
Kele vo Lazaro kenda ku zulu vava kafwa, nga obenze vo Yesu wadi kumvutula diaka moyo ova ntoto?
5. Ndonga besinga futumuka
Tanga Nkunga 37:29, i bosi, vana e mvutu za kiuvu eki:
-
E ndong’a wantu befutumuka, akweyi bezingila?
Yesu ofutumuna wantu ayingi, ke awana besambilanga kaka Yave ko. Tanga Mavangu 24:15, i bosi, vana e mvutu za kiuvu eki:
-
Nani ozolele monana yandi muna lufuluku?
Kuna kwa se, ke diampasi ko mu sikamesa mwan’andi una kuna tulu. Diau dimosi mpe kwa Yesu, ke diampasi ko kwa yandi mu futumuna muntu wafwa
6. Lufuluku lulenda kufiaulwisa yo kuvana e vuvu
Lusansu lwa mwan’ankento a Yairo luna muna Bibila lufiaulwisanga yo kasakesa wantu ayingi ana bemonanga ntantu za fwilwa azolw’au. Tanga lusansu lwalu lwakieleka muna nkand’a Luka 8:40-42, 49-56.
Vitila kafutumuna mwan’ankento a Yairo, Yesu wavovesa Yairo vo “Kumoni wonga ko, kwikila kaka.” (Tala tini kia 50.) Aweyi vuvu kia lufuluku kilenda kusadisila avo . . .
-
muntu ona ozolanga ofwidi?
-
zingu kiaku mu vonza kina?
Tala e VIDEO, i bosi, vana e mvutu za kiuvu kilende:
-
E vuvu kia lufuluku aweyi kiafiaulwisila yo kasakesa mase ma Felicity?
AVO MUNTU UVOVESE VO: “Diampasi mu kwikila vo awana bafwa befutumuka yo zingila diaka ova ntoto.”
-
Nkia mvutu okumvana?
-
Nkia sono osadila mu songa vo lufuluku kala kikilu lukala?
MAMBU MASINA MA LONGI DIADI
Bibila kisianga nsilu vo ndonga ya wantu ana bafwa befutumuka. Yave ozolele vo bazinga diaka, muna kuma kiaki, ovana nkuma kwa Yesu kimana kabafutumuna.
Nkia Mambu Olongokele?
-
Aweyi Yave yo Yesu bemonanga mu kuma kia futumuna awana bafwa?
-
Awana befutumuka akweyi bezingila, ku zulu yovo ova ntoto? Ekuma ovovele wo?
-
Nki kikukwikidisanga vo yitu ye akundi aku ana bafwa balenda vutuka diaka zinga?
TALA MPE OMA MALENDE
Tala mambu olenda vanga mu zizidila lukendalalu.
“Aweyi Tulenda Zizidila e Ntantu za Fwilwa?” (Sikama! No. 3 2018)
Nga e nkanikinu mia Bibila milenda kieleka sadisa muntu una ye ntantu za fwilwa muntu kazolanga?
Aweyi o wana balenda zizidila e ntantu za fwilwa muntu betoma zolanga?
Nga vena ye wantu betufumunua mu kwenda zingila kuna zulu? Aki nani ke betufumunua ko?
Nanga Oyangalela Mpe Malongi Mama
YUVU ITOMA YUVULWANGA
Ameyi Mevangamanga Muna Longi dia Bibila ye Mbangi za Yave?
Muna programa yayi ya ngovo ya longokela isadilwanga kwa Mbangi za Yave, olenda sadila kwaku konso nsekola ya Bibila. Olenda kwaku bokelesa esi nzo aku yawonso yovo akundi aku ana ozolele.
