TIMOKO 30
Bantu ba wazolo balendi vumbuka kwe ba fwa!
Lufwa mpasi zazingi lutulumunaka na tiari. Ntiangu Bibila ditâka ti lufwa mbeni yena. (1 Bisi-Korente 15:26) Mu Timoko 27, walongokele ti Yehova mbo kafukisa mbeni yo. Kâ, nti biturila bantu bayizi tifwila? Mu timoko ti, mbo tutomo longoka kani diakaka dia toma dia Yehova di kakârisila bantu ba nkatika babingi ngatu bazinga ntangu zazansoni. Mbo kabavumbula kwe ba fwa! Ngano kani dio mbo ditomo lungana? Ngano ku zulu bavumbukila kwe ba fwa, peleko ha mutoto?
1. Ngano Yehova nti kazolo mu sa mu bungu dia bantu ba tazolo bafwa?
Yehova nsatu yayingi ye nandi ya vumbula bantu ba fwa. Muntu weri na timinu wu batâka nkumbu Yobe, lukwikulu lwabâ nandi ti Yehova ka keti’â mu zimbakana ko bu kaketi fwa. Yandi watâ kwe Nzambi ti: “Mbo tâ mbila mpe meno mbo nikuhana mvutu [tûka mu ndiamu].”—Tanga Yobe 14:13-15.
2. Bwe tuzabiri ti bantu ba fwa balendi vumbuka?
Yezu bu kabâ ha mutoto, Nzambi wamuhana lenda dia vumbula bantu ba fwa. Yezu wavumbula mwana wumosi wa mukento wa mvula 12 kwe ba fwa, na mwana wa bakala wa mukento wumosi weri mufwiri. (Marke 5:41, 42; Like 7:12-15) Ha manima, ndiku ya Yezu, Lazare wafwa. Ni bu sa ti Lazare wafwa mpe bamuzika tûka bilumbu biyà, Yezu wamuvumbula kwe ba fwa. Bu kamana sambila Nzambi, Yezu watarisa ku mpiema mpe watâ: “Lazare, yiza ku mbazi!” mpe “muntu wafwa waduka”—wa moyo! (Za 11:43, 44) Banza’eti nsayi yabâ na kanda dia Lazare mpe na ndiku zandi!
3. Ngano ntia tivuvu tie kô mu bungu dia bantu ba wazolo ba fwa?
Bibila dikanisini ti: “Mvumbukulu ye kô.” (Bisalu 24:15) Bantu ba vumbula Yezu mu ntama ka bayenda ku zulu ko. (Za 3:13) Nsayi yabâ nawu ya vumbuka kwe ba fwa ha mutoto. Mpila mosi mpe, ntamana Yezu mbo kavumbula kwe ba fwa bantu ba nkatika babingi, ngatu bazinga ntangu zazansoni ku Paradi ha mutoto. Yandi watâ ti “[bantu] babansoni bê mu mpiema za mbambukulu”—ni bu sa bô ba bazimbakana kâ bê mu ntimu ya Nzambi—mbo bavumbuka kwe ba fwa.—Za 5:28, 29.
YIKA NDILU
Taluzula misamu mia Bibila misongelaka ti bantu ba fwa balendi vumbuka mpe mbo bavutu kâla ba moyo. Longoka bwe mvumbukulu ya ba fwa yilendi ku natina lutindusu mpe yilendi ku hanina tivuvu.
4. Yezu wasongela ti lendi vumbula bantu ba fwa
Tomo longoka misamu mia yirika Yezu mu bungu dia ndiku’andi Lazare. Tangeno Za 11:14, 38-44, mpe zonzeleno biyuvu ebi:
-
Bwe tuzabiri ti Lazare watomo fwa?—Tala verse 39.
-
Tala ti Lazare ku zulu kayenda, ngano benzi ti Yezu mbo kaketi vutu mu kârisa ha mutoto?
5. Bantu babingi bavumbuka kwe ba fwa!
Tangeno Mikunga 37:29, mpe zonzeleno tiyuvu eti:
-
Bantu babîngi bavumbuka kwe ba fwa, kwe babêla?
Yezu bantu ba nkatika babingi kavumbula kwe ba fwa, yôka bô bayizi sarila Yehova. Tangeno Bisalu 24:15, mpe zonzeleno tiyuvu eti:
-
Ngano nani ta zolo wamona mvumbukulu kwe ba fwa?
Banza musamu ewu: Yezu lendi vumbula muntu ni muntu kwe ba fwa ntiana tata dilendi vumbula mwana’andi ku tolo
6. Mvumbukulu ya ba fwa yilendi ku natina lutindusu mpe yilendi ku hana tivuvu
Tinsamu tia Bibila tia mwana wa mukento wa Zayire tiatindisa bantu babingi beri mu tiari. Tangeno tinsamu tiango mu Like 8:40-42, 49-56.
Ntete mvumbukulu ya mwana wa mukento wa Zayire, Yezu watâ kwe tata’andi ti: “Kubândi na bunkuta, bâ kwa na timinu.” (Tala verse 50.) Bwe tivuvu tia mvumbukulu ya ba fwa tilendi ku bakisila . . .
-
bu fwiluluku muntu wuzolo?
-
luzingu lwaku bu lubâka mu mpasi?
Taleno VIDEO, mpe zonzeleno tiyuvu tita landa.
-
Bwe tivuvu tia mvumbukulu ya ba fwa tiatindisila bibuti bia Phelicity?
TALA TI BAKUTÊLELE: “Musamu wa mpasi wena mu kwikila ti bantu ba fwa mbo bavumbuka.”
-
Ngano bwe ta banza?
-
Ntia verse lendi sarila mu songela ti mvumbukulu ya ba fwa ye kô?
MU BUKUFI
Bibila dikanisini ti bantu ba nkatika babingi bavumbuka kwe ba fwa. Yehova zolo ti bavutu bâ ba moyo mpe wahana lenda kwe Yezu dia ba vumbula kwe ba fwa.
Biyuvu bia mbambukulu
-
Yehova na Yezu ntia mabanza me nawu mu bungu dia mvumbukulu ya bantu ba fwa?
-
Kwe bantu babingi bavumbuka kwe ba fwa babêla—ku zulu peleko ha mutoto? Mu bungu dia nti ta têla bô?
-
Nti bita ku hana lukwikulu ti bantu ba wazolo bafwa, mbo bavutu bâ ba moyo?
ZABA BIAKAKA
Longoka nti lendi sa mu telamana tiari tala ti fwilulu muntu.
“Lubakusu kwe bô bafwilulu bantu” (Réveillez-vous! No. 3 2018)
Ngano mitieno mia Bibila milendi tomo bakisa muntu ni muntu wafwilulu muntu?
Bwe bala ba fioti balendi telamana lufwa lwa muntu wu bazolo?
Ngano bantu ku zulu bavumbukila kwe ba fwa? Nani lembo vumbuka kwe ba fwa?
