G̃uꞌuro hap aimoꞌarōt kahato iꞌewȳte haty kahato ahete. Miꞌi pote g̃uꞌuro hap aikotā̃ ahewanig̃kap ewy. (1 Kurintiu 15:26) Maꞌato wemūꞌe hap 27 tote etikuap taꞌyn Ieuwa timomã hamuat g̃uꞌuro hap wȳwo hap. Maꞌato kat aru tuwemoherep ikuꞌuro raꞌyn nakaria wȳwo. Mesūwat wemūꞌe hap puo pyi etikuap hamo typyꞌi kahato hamuat Ieuwa tiꞌatuhymūt ikuꞌuro rakaria hawyi tukupteꞌen wuatꞌi eꞌāt pe hamuat hap etiat. Maꞌato pȳwo asom toiꞌatuhymūt hamuat ikuꞌuro rakaria. Toiꞌatuhymūt raꞌyn hawyi aru aj̃umpe tukupteꞌen atipy pe sio mesūwat yi tote hamo asom.

1. Kat hap asom Ieuwa tunug̃ terān kahato raꞌyn aiwyriaꞌīn ikuꞌuro rakaria wȳwo.

Ieuwa tiꞌatuhymūt terān kahato raꞌyn ikuꞌuro rakaria. Io Tupana montypot kahato hat tikuap ti raꞌyn Tupana ȳt tiwāure hamoꞌi tokuꞌuro pote hap. Io toꞌe Tupana pe — Miꞌi hawyi uikay kay En miꞌi pote uito worowesat. Uheig̃neꞌen hap pakupꞌi hawyi. — Etimowempāp o Io 14:13-15.

2. Aikotā̃ me asom watikuap ikuꞌuro rakaria teꞌerehymūt kuap hamuat hap.

Karāmpe Iesui toig̃neꞌen mesūwat yi tote turān Tupana tum tesaika hap Iesui pe mītꞌīn ikuꞌuro rakaria hymūt hamo. Kotā̃ e hap. Iesui tihymūt piꞌã hin 12 anu rakat iꞌewȳte hiwu mempyt wentup ok takat. (Maku 5:41, 42; Iruka 7:12-15) Iꞌewȳte toihymūt towyꞌok ikuꞌuro rakat Irasaru. 4 eꞌāt raꞌyn tosȳp we toig̃neꞌen pykai maꞌato Iesui tihymūt g̃uꞌuro pyi hawyi toig̃neꞌen pakupꞌi. Iesui hentup Tupana kape hawyi toꞌe — Irasaru erẽtem no e. Miotā̃ e pote tuwẽtem meremo g̃uꞌuro pyi Irasaru hawyi toig̃neꞌen pakupꞌi. (Iuwãu 11:43, 44) Miꞌi pote Irasaru wyriaꞌīn iwyꞌokria iꞌatuwepīt kahato raꞌyn toig̃neꞌen pakupꞌi pote.

3. Aiwyꞌokria hawyi aiwyriaꞌīn teꞌerehymūt re hamuat asom g̃uꞌuro pyi.

Tupana Ehay toꞌe — Teꞌeruwehymūt re aru e. (Iesui Potmūꞌeria 24:15) G̃uꞌuro piaria Iesui mihymūt koꞌi ȳt teꞌeruwatꞌi atipy kape. (Iuwãu 3:13) Iꞌatuwepīt kahato imimoehaig̃te koꞌi tukupteꞌen pakupꞌi mesūwat yi tote pote. Miꞌi hap ewy mesup tān epote Iesui tiꞌatuhymūt typyꞌi kahato hamuat g̃uꞌuro pyi hawyi tukupteꞌen wuatꞌi eꞌāt pe mesūwat yi nusuken note hamo. Iesui toꞌe — Mekewat eꞌāt pe ti aru yne misȳp koꞌi map haria tuwenoꞌẽ raꞌyn taꞌatusȳp pyi e. (Iuwãu 5:28, 29) Miꞌi pote ikuꞌuro rakaria Tupana ȳt miwāureꞌi koꞌi teꞌeruwehymūt re hamuat. Ȳt uweꞌi raꞌyn iꞌatukuap pykai maꞌato miꞌitā̃ hamuat.

 EREWANENTUP O ETIKUAP POꞌOG̃ HAMO

4. Pȳwo. Iesui timoherep ikuꞌuro rakaria toiꞌatuhymūt kuap hap

Etikuap poꞌog̃ hamo kat poꞌog̃ Iesui tunug̃ towyꞌok Irasaru upi hap. Eweimowempāp o Iuwãu 11:14, 38-44. Miꞌi hawyi apoꞌe hap koꞌi ete eiwoꞌoꞌehay.

• Aikotā̃ me asom watikuap Irasaru ikuꞌuro sēse raꞌyn hap. — Ewetehaꞌat pakupꞌi hag̃a hit 39.

• Irasaru ikuꞌuro hawyi toto raꞌyn atipy kape pote Iesui teꞌeraꞌaipok aten atipy tote pyi toig̃neꞌen pakupꞌi mesūwat yi totiat hamo.

Ewetehaꞌat pyno VÍDEO kape.

5. Typyꞌi kahato hamuat ikuꞌuro rakaria teꞌeruwehymūt

Eweimowempāp o Saumu 37:29. Miꞌi hawyi eiwoꞌoꞌehay o apoꞌe hap etiat.

• Typyꞌi kahato hamuat ikuꞌuro rakaria teꞌeruwehymūt hawyi aj̃umpe hamo eig̃ tukupteꞌen.

Iesui tiꞌatuhymūt hamuat Ieuwa montypot sēse haria iꞌewȳte toiꞌatuhymūt kahato hamuat ȳtꞌi haria wy. Eweimowempāp o Iesui Potmūꞌeria 24:15. Miꞌi hawyi eiwoꞌoꞌehay o apoꞌe hap etiat.

• Iesui tiꞌatuhymūt raꞌyn ikuꞌuro rakaria hawyi uwe kape asom erehaꞌat terān kahato pakupꞌi hamuat.

• Vídeo puo pyi aikotā̃ me eig̃ ikuꞌuro rakaria moehaig̃te hamuat hap etiat e hap Phelicity ȳwot hawyi ity momperupꞌi kahato iꞌewȳte iꞌatumoesaika kahato.

 WATUWEMŪꞌE RAꞌYN

Tupana Ehay henoi typyꞌi kahato hamuat teꞌeruwehymūt g̃uꞌuro pyi e. Ieuwa tiꞌatukyꞌesat kahato iꞌatuehaig̃te pakupꞌi hap. Miꞌi hamo tesaika hap tutum Iesui pe toiꞌatuhymūt hamo.

Hotꞌokꞌe te asom

• Kat hap eig̃ Ieuwa hawyi Iesui taꞌatunug̃ terān kahato raꞌyn ikuꞌuro rakaria wȳwo.

• Typyꞌi kahato hamuat ikuꞌuro rakaria teꞌeruwehymūt hawyi aj̃umpe hamo eig̃ tukupteꞌen. Atipy pe sio mesūwat yi tote hamo. Kat pote miotā̃ ere.

• Etipȳwo asom ewyriaꞌīn ikuꞌuro rakaria teꞌeruwehymūt re hamuat hap ete. Kat pote miotā̃ ere.