LESON 30
Ou Bann Pros Ki’nn Mor Pou Reviv!
Kan enn dimounn ki nou kontan mor, nou bien sagrin ek soufer. Labib dir ki lamor li enn lennmi. (1 Korintien 15:26) Dan Leson 27, ou finn aprann ki Zeova pou gagn laviktwar lor lamor. Me ki pou ariv bann dimounn ki’nn fini mor? Dan sa leson-la, ou pou aprann plis lor enn lot zoli promes ki Zeova inn fer nou: Li pou redonn lavi bann milyon dimounn pou ki zot kapav viv ere pou touletan. Li pou resisit zot! Eski sa kapav vremem arive? Eski zot pou resisite pou al viv dan lesiel ouswa lor later?
1. Ki Zeova anvi pou nou bann fami ek kamarad ki’nn mor?
Zeova vremem anvi redonn lavi bann dimounn ki’nn mor. Zob ti enn zom ki ti ena enn gran lafwa, ek li ti sir ki Zeova pa ti pou bliye li kan li ti pou mor. Li ti dir Bondie: “To pou apel mwa, ek mo pou reponn twa [depi dan Tom].”—Lir Zob 14:13-15.
2. Kouma nou kone ki bann mor pou resisite?
Kan Zezi ti lor later, Bondie ti donn li pouvwar pou resisit bann dimounn. Zezi ti resisit enn tifi ki ti ena 12 an, ek enn vev so garson. (Mark 5:41, 42; Lik 7:12-15) Plitar, Zezi so kamarad Lazar ti mor. Mem si Lazar ti mor depi kat zour, Zezi ti redonn li lavi. Apre ki li ti priye Bondie, Zezi ti zis kriye bien for: “Lazar, sorti deor!” Ek ‘Lazar ki ti mor, ti sorti deor.’ Li ti regagn lavi! (Zan 11:43, 44) Mazine ki kantite bann fami Lazar ek so bann kamarad ti kontan!
3. Ki lespwar ena pou nou bann pros ki’nn mor?
Labib promet ki “pou ena rezireksion.” (Zistwar Bann Apot 24:15) Bann dimounn ki Zezi ti resisite dan lepase pa ti al dan lesiel. (Zan 3:13) Kan Zezi ti resisit zot lor later, zot ti kontan. Dan mem fason, biento Zezi pou resisit bann milyon dimounn, pou ki zot kapav viv ere pou touletan lor later, ki pou vinn enn paradi. Zezi ti dir ki Bondie pou resisit tou bann ki dan so memwar, mem si personn pa rapel ki bannla ti existe.—Zan 5:28, 29.
ANOU GET INPE PLIS
Labib montre nou kifer nou kapav sir ki Zezi ena pouvwar pou resisit bann dimounn, ek ki li pou vremem fer li. Ou pou trouve kouma rezireksion kapav rekonfort ou ek donn ou enn lespwar.
4. Zezi ti montre ki li kapav resisit bann mor
Aprann plis lor seki Zezi ti fer pou so kamarad Lazar. Lir Zan 11:14, 38-44, ek apre sa, get sa bann kestion-la ansam:
-
Kouma nou kone ki Lazar ti vremem mor?—Get verse 39.
-
Si Lazar ti al dan lesiel, eski ou panse ki Zezi ti pou fer li regagn lavi lor later
5. Boukou dimounn pou resisite!
Lir Psom 37:29, ek apre sa, get sa kestion-la ansam:
-
Kotsa bann milyon dimounn pou resisite?
Parmi tou bann dimounn ki Zezi pou resisite, pou ena bann dimounn ki ti ador Zeova ek osi bann ki pa ti ador Zeova. Lir Zistwar Bann Apot 24:15, ek apre sa, get sa kestion-la ansam:
-
Kisannla ou ti pou kontan retrouve?
Reflesi lor la: Parey kouma li fasil pou enn papa pou lev so zanfan ki pe dormi, li pou fasil osi pou Zezi pou resisit enn kikenn
6. Rezireksion kapav rekonfort ou ek donn ou enn lespwar
Dan Labib, ena enn zistwar ki finn rekonfort ek ankouraz boukou dimounn ki an-dey. Se zistwar Zair so tifi. Lir sa zistwar-la dan Lik 8:40-42, 49-56.
Avan ki Zezi ti resisit Zair so tifi, Zezi ti dir Zair: “Pa per, zis krwar.” (Get verse 50.) Kouma lesperans rezireksion kapav ed ou . . .
-
kan enn parmi ou bann pros mor?
-
kan ou lavi an danze?
Zwe VIDEO-la, ek apre sa, get sa kestion-la ansam:
-
Kouma lesperans rezireksion finn rekonfort ek ankouraz bann paran Phelicity?
SERTIN DIMOUNN DIR: “Bann mor al dan lesiel.”
-
Ki ou panse?
-
Ki verse ou kapav servi pou montre ki laplipar dimounn pou resisite lor later?
SEKI NOU’NN APRANN
Labib promet ki bann milyon dimounn ki’nn mor pou resisite. Zeova vremem anvi ki zot reviv, ek Li finn donn Zezi pouvwar pou fer sa.
Eski Ou Rapel?
-
Kouma nou kone ki Zeova ek Zezi vremem anvi redonn lavi bann dimounn mor?
-
Kotsa bann milyon dimounn pou resisite, dan lesiel ouswa lor later? Kifer ou dir sa?
-
Kifer ou sir ki ou bann pros ki’nn mor pou kapav reviv?
DEKOUVER
Dekouver bann kitsoz ki kapav ed ou kan ou an-dey.
Eski bann prinsip ki ena dan Labib kapav vremem ed enn dimounn ki an-dey?
Ki kapav ed enn zanfan pou fer fas ar lamor enn kikenn ki li kontan?
Eski ena bann dimounn ki pou resisite pou al dan lesiel? Kisannla ki pa pou resisite?
Ena Osi
KESTION KI POZE SOUVAN
Ki sa Inplike Etidie Labib Avek Bann Temwin Zeova?
Bann Temwin Zeova ofer bann letid Labib gratis, ek ou kapav servi ninport ki version Labib ki ou anvi. Santi ou lib pou invit bann manb ou fami ouswa bann kamarad ki ou anvi.
