TLAMACHTILI 30
¡Moyolkuisej katli tlauel tikiniknelia!
Kema se akajya katli tlauel tikikneliaj miki, tlauel timokuesouaj uan timoyolkokouaj. Yeka Biblia kiijtoua mikilistli eli tokualankaitaka (1 Corintios 15:26). Ipan tlamachtili 27, tikitakej Jehová kiijtojtok kitlamiltis mikilistli. ¿Uan tlake kinpanos katli ya mijkej? Ipan ni tlamachtili tikitasej seyok yejyektsi tlamantli tlen Jehová kiijtojtok kichiuas: kinyolkuis tlauel miakej maseualmej uan nochipa itstosej ika pakilistli. ¡Sampa itstosej! ¿Nelnelia kiampa panos? ¿Moyolkuisej ipan iluikak o ipan Tlaltipaktli?
1. ¿Tlake kineki kichiuas Jehová ika katli tlauel tikinikneliyayaj uan ya mijkej?
Jehová kineki kinyolkuis maseualmej katli ya miktokej. Job eliyaya se tlakatl katli tlauel kuali tlaneltokayaya. Ya motemachiyaya Jehová amo kiilkauaskia kema mikiskia uan kitlalpachoskiaj. Job kiiljuik toTeotsij: “Ta tinechnojnotsas, uan na nimitsnankilis” (xijpoua Job 14:13-15, TNM).
2. ¿Kenke timotemachiaj moyolkuisej katli miktokej?
Kema Jesús itstoya ipan Tlaltipaktli, Jehová kimakak chikaualistli, yeka uelki kiyolkui se siuapil katli kipixtoya 12 xiuitl uan ikone se siuatl katli ya miktoya iueue (Marcos 5:41, 42; Lucas 7:12-15). Teipa, iuampo Lázaro nojkia mijki. Uan maske ya panotoya naui tonali ika miktoya uan kitoktoyaj, Jesús kiyolkuik. Ya momaijtok uan kiijtok: “Lázaro, xikisa”. Uan katli “miktoya kistiualajki”, ¡Lázaro moyolkuik! (Juan 11:43, 44). ¡Ximoiljui kenijkatsa ichampoyouaj uan iuampoyouaj Lázaro tlauel yolpajkej!
3. ¿Moyolkuisej katli tlauel tikinikneliaj uan ya mijkej?
Biblia kiijtoua toTeotsij kinyolkuis “tlakamej tlen ya miktokej” (Hechos 24:15). Nopa maseualmej katli Jesús kinyolkuik amo yajtoyaj iluikak (Juan 3:13). Inijuantij tlauel yolpajkej pampa sampa itstoyaj ipan Tlaltipaktli. Sanse kej kichijki uejkajkia, Jesús nechka kinyolkuis tlauel miakej maseualmej katli itstosej nochipa ika pakilistli ipan Tlaltipaktli kema elis se xochimili. Jesús kiijtok toTeotsij kinyolkuis nochi katli “kintlalpachojtokej” o nochi katli kinilnamiktok maske sekij amo kinilnamikij (Juan 5:28, 29).
KUALI XIMOMACHTI
Ma tikitakaj kenijkatsa Biblia kinextia kena uelis moyolkuisej katli miktokej uan kenke uelis timotemachisej nelia kiampa mochiuas. Nojkia tikitasej kenijkatsa uelis techyolchikauas tlaj timotemachisej nelia moyolkuisej katli miktokej.
4. Jesús kinextik kena uelis kinyolkuis katli miktokej
Xikita sekinok tlamantli tlen kichijki Jesús kema kiyolkuik iuampo Lázaro. Xijpouakaj Juan 11:14 uan 38-44 uan xijnankilikaj ni tlajtlanili:
-
¿Kenke tijmatij Lázaro nelia miktoya? (Xikitakaj versículo 39).
-
Tlaj Lázaro itstoya iluikak, ¿timoiljuia Jesús kichijtoskia sampa ma itsto ipan Tlaltipaktli?
5. ¡Miakej moyolkuisej!
Xijpouakaj Salmo 37:29 uan xijnankilikaj ni tlajtlanili:
-
¿Kanke itstosej nochi maseualmej katli moyolkuisej?
Jesús amo san kinyolkuis katli kiueyichiuayayaj Jehová, ya nojkia kinyolkuis sekinok maseualmej. Xijpouakaj Hechos 24:15 uan xijnankilikaj ni tlajtlanili:
-
Kema moyolkuisej katli miktokej, ¿ajkia mitspaktiskia tikitas?
Ximoiljui ni tlamantli: Jesús amo ouij kimatis kiyolkuis se akajya, sanse kej se tetaj amo ouij kimati kiixitis ikone.
6. Tlauel mitsyolchikauas tlaj timotemachis moyolkuisej katli miktokej
Nopa tlapoualistli tlen uala ipan Biblia tlen Jairo isiuapil, kinyolchikajtok miakej maseualmej kema miki se akajya katli tlauel kiikneliaj. Xijpouakaj ni tlapoualistli tlen nelnelia panok ipan Lucas 8:40-42 uan 49-56.
Kema ayamo kiyolkuitoya Jairo isiuapil, Jesús kiiljuik: “Amo ximajmaui, san xinechneltoka” (xikitakaj versículo 50). ¿Kenijkatsa uelis mitspaleuis tlaj timotemachis moyolkuisej katli miktokej kema...
-
... mikis se akajya katli tlauel tikiknelia?
-
... uelis mitspanos tlen amo kuali?
Xikitakaj nopa VIDEO uan xijnankilikaj ni tlajtlanili:
-
¿Kenijkatsa Phelicity itatauaj kinyolchikajtok pampa motemachiaj moyolkuisej katli miktokej?
TLEN SEKINOK KIIJTOUAJ: “Nimoiljuia katli miktokej amo nelnelia moyolkuisej ipan Tlaltipaktli”.
-
¿Ta tlake timoiljuia?
-
¿Tlake texto tijtekiuiskia uan kiampa tijnextilis nopa maseuali katli miktokej moyolkuisej ipan Tlaltipaktli?
TLEN TIMOMACHTIJKEJ
Biblia kiijtoua tlauel miakej maseualmej moyolkuisej. Jehová kineki sampa ma itstokaj katli miktokej, yeka kimakatok chikaualistli Jesús uan kiampa uelis kinyolkuis.
¿Tlake tijyekok?
-
¿Kenijkatsa tijmatij Jehová uan Jesús kinekij kinyolkuisej katli miktokej?
-
¿Kanke itstosej nopa tlauel miakej maseualmej katli moyolkuisej: ipan iluikak o ipan Tlaltipaktli? ¿Kenke kiampa timoiljuia?
-
¿Tlake kichiua ximotemachi moyolkuisej katli tlauel tikiniknelia?
NOJKIA XIKITA NI
Xikita tlake mitspaleuis amo tlauel timokuesos.
“¿Tlake kinpaleuis katli mokuesouaj?” (¡Xitlachixtokaj!, pilamochtsi 3, 2018)
¿Uelis kipaleuis tlen Biblia kiijtoua se akajya katli tlauel mokuesoua pampa mijki se akajya katli tlauel kiiknelia?
Xikita kenijkatsa uelis tijpaleuis se konetl kema miki se akajya katli kiiknelia.
¿Moyolkuis se akajya ipan iluikak? ¿Ajkia inijuantij amo moyolkuisej?
“¿Tlake kiijtosneki moyolkuisej katli miktokej?” (Tlamachtili ipan jw.org)
Tlen nojkia mitspaktis tikitas
TLEN KINEKIJ KIMATISEJ
¿Kenijkatsa Jehová itlajtoltemakauaj tlamachtiaj ika Biblia?
Kema Jehová itlajtoltemakauaj mitsmachtisej ika Biblia amo mitsinamasej uan uelis tijtekiuis Biblia tlen ta tijnekis. Nojkia uelis tikintlaneuis sekinok kej mochampoyouaj o mouampoyouaj.
