ISIFUNDO 30
Abafileyo Bazavuswa!
Ukufelwa kubuhlungu kakhulu futhi kwenza sidane. Lokhu yikho okwenza iBhayibhili lithi ukufa yisitha. (1 KwabaseKhorinte 15:26) Esifundweni 27 safunda ukuthi uJehova uzasinqoba isitha lesi. Kodwa kuzakwenzakalani kulabo asebafayo? Esifundweni lesi sizaxoxa ngesithembiso esihle kakhulu esivela kuJehova. Uzavusa amabhiliyoni abantu abafileyo njalo bazakholisa ukuphila kuze kube nini lanini. Kambe ukuthi abafileyo bazavuswa sibili? Bazaphila ezulwini yini kumbe emhlabeni nxa bangavuswa?
1. UJehova uzakwenzani ngezihlobo labangane bethu asebafayo?
UJehova ukulindele ngabomvu ukuvusa abafileyo. Indoda eyayilokholo okuthiwa nguJobe yayingathandabuzi ukuthi uNkulunkulu uzayivusa nxa ingafa. Yathi kuNkulunkulu: “Uzangibiza, mina ngisabele [ngisengcwabeni].”—Bala uJobe 14:13-15.
2. Sikwazi njani ukuthi abafileyo bazavuswa?
UNkulunkulu wanika uJesu amandla okuvusa abafileyo ngesikhathi esemhlabeni. Ngokwesibonelo, uJesu wavusa intombazana eyayileminyaka engu-12 kanye lendodana yomunye umfelokazi. (UMakho 5:41, 42; ULukha 7:12-15) Ngemva kwesikhathi wavusa umngane wakhe uLazaro owayeselamalanga amane engcwatshiwe. Waqala wathandaza kuNkulunkulu wasememeza esithi: “Lazaro, phuma!” Lakanye “indoda eyayifile yaphuma” ethuneni iphila. (UJohane 11:43, 44) Akuthandabuzwa ukuthi izihlobo labangane bakaLazaro bathaba ngesikhathi bembona.
3. IBhayibhili lisithembisani ngabafileyo?
IBhayibhili lithi: “Abafileyo bazavuswa.” (ImiSebenzi 24:15) Abantu abavuswa nguJesu babengekho ezulwini. (UJohane 3:13) Yikho baphinda baphila khonapha emhlabeni futhi lokhu kwabathokozisa. Lamabhiliyoni abantu abazavuswa nguJesu azaphila emhlabeni kuze kube nini lanini. UJesu wathi “bonke abasemathuneni” bazavuswa, okuhlanganisa lalabo okungenzakala ukuthi sesabakhohlwa ngoba uJehova ulokhu ebakhumbula.—UJohane 5:28, 29.
GEBHA UJULE
Engxenyeni le uzabona ukuthi kuyini okwenza singathandabuzi ukuthi uJesu ulamandla okuvusa abafileyo lokuthi uzakwenza sibili lokhu. Uzabona lokuthi ukuvuswa kwabantu abafileyo kuyasiduduza njalo kusinike lethemba.
4. UJesu watshengisa ukuthi ulamandla okuvusa abafileyo
Zwana ukuthi uJesu wenzani ngemva kokufa komngane wakhe uLazaro. Bala uJohane 11:14, 38-44 beselixoxa ngemibuzo le:
-
Sikwazi njani ukuthi uLazaro wayefile sibili?—Khangela ivesi 39.
-
Nxa kuyikuthi uLazaro wayesezulwini, uJesu wamvuselani ukuthi aphinde aphile lapha emhlabeni?
5. Kuzavuswa abantu abanengi
Bala iHubo 37:29 beselixoxa ngombuzo lo:
-
Bazahlala ngaphi abantu abazavuswa?
UJesu uzavusa lalabo ababengakhonzi uJehova. Bala imiSebenzi 24:15 beselixoxa ngombuzo olandelayo:
-
Ngubani ofisa ukumbona evuswa?
Akusoze kubenzima ukuthi uJesu avuse abafileyo njengoba nje kunganzima ukuthi ubaba avuse umntanakhe oleleyo
6. Ukuvuswa kwabantu abafileyo kuyasiduduza futhi kwenza sibe lethemba
Indaba yokuvuswa kwendodakazi kaJayirosi isiduduze abantu abanengi kakhulu. Bala ngayo kuLukha 8:40-42, 49-56.
UJesu engakavusi indodakazi kaJayirosi, watshela uyise womntwana wathi: “Ungesabi, wena woba lokholo kuphela.” (Khangela ivesi 50.) Ithemba lokuthi abafileyo bazavuswa lizakunceda njani nxa . . .
-
ungafelwa?
-
usukhangelane lokufa?
Bukelani IVIDIYO beselixoxa ngombuzo olandelayo.
-
Ithemba lokuvuswa kwabafileyo libaduduze njani abazali bakaPhelicity?
ABANYE BATHI: “Kunzima ukukholwa ukuthi abantu abafileyo bazavuswa.”
-
Wena uthini?
-
Yiwuphi umbhalo ongawubalela umuntu otshonjalo ukuze umncede abone ukuthi abafileyo bazavuswa sibili?
ISIFINQO
IBhayibhili lithembisa ukuthi amabhiliyoni abantu abafileyo bazavuswa. UJehova ufuna baphinde baphile yikho enike uJesu amandla okubavusa.
Ufundeni?
-
Sikwazi njani ukuthi uJehova loJesu bakulindele ngabomvu ukuvusa abafileyo?
-
Abantu abazavuswa bazahlala ezulwini yini kumbe emhlabeni? Kungani usitsho njalo?
-
Kuyini okukwenza ungathandabuzi ukuthi izihlobo labangane bakho abafayo bazavuswa?
THOLA OKUNENGI
Bala imagazini le ukuze ubone ongakwenza nxa ungafelwa.
Bukela ividiyo le ukuze ubone ukuthi iBhayibhili lingamnceda yini umuntu ofelweyo.
Bukela ividiyo le ubone ukuthi kuyini okunganceda abantwana nxa bangafelwa.
Bala isihloko lesi uzwe ukuthi bakhona yini abazavuswa bayephila ezulwini lokuthi ngobani abangasoze bavuswe.
“IBhayibhili Lithini Ngokuvuswa Kwabantu Abafileyo?” (Isihloko esikuwebhusayithi yethu)
Nanku Okunye
IMIBUZO EJAYELE UKUBUZWA NGABANTU
OFakazi BakaJehova Babafundisa Njani Abantu IBhayibhili?
Uhlelo lokufunda iBhayibhili laboFakazi bakaJehova ngolwamahala njalo ukhululekile ukusebenzisa iBhayibhili olijayeleyo kanye lokunxusa izihlobo labangane ukuthi labo bafunde lindawonye.
