CHILAYIJO 30
Makamu Edu Alofa Bachoomuswa!
Kufilwa kunota kuti tilwajilwe. Ndizo iBhayibhili liti lufu umbengi. (1 BaKolinte 15:26) Muchilayijo 27 wakafunda kuti Jehova uchookoma umbengi yoyu. Koga ini zuchootikana kubanhu bakafa ntolo? Muchilayijo yechi uchafunda nozwechibimbiswa chaJehova chinoshantisa chokuti uchoomusa mabhiliyoni abanhu belalame nokusinopela. Zungatubukana na yozu? Bachoomuswa kuti belalame kudenga kana kuti penyika na?
1. Jehova unoda kubatilani makamu edu akafa?
Jehova unachido chokumusa banhu bakafa. Umwe unhulume wakabeli nokudimbwa unowi Jobe wakabeli nechokomende chokuti angafa Jehova ajalonkanganwa. Wakati kuna Mwali: “Imwi mwalundishoba, imi ndimudabila [ndili mugumbu].”—Balani Jobe 14:13-15.
2. Tozuziba chini kuti bakafa bachoomuswa?
Jesu echipenyika, Mwali wakompa isimba lyokumusa bakafa. Jesu wakamusa mwanansichana wakabeli namakole 12 nomwananhulumyana wenchilikaji. (Maliko 5:41, 42; Luka 7:12-15) Unkwayina waJesu unowi Lazalu wakoofa. Kojoba Lazalo wakababa namazhuba mana afa, Jesu wakoomusa. Jesu wakatanga anamata kuna Mwali akati: “Lazalo, bhuda!” “unhulume yoyo wakabafa wakabhuda” mugumbu elimpenyu! (Johani 11:43, 44) Yeyela lushanto lwakabayipo pamakamu nabakwayina baLazalu!
3. Chibimboni chatinanacho namakamu edu akafa?
IBhayibhili linobimbisa kuti: “Kuchooba nolumuko.” (Mishingo 24:15) Yabo bakamuswa naJesu abajakenda kudenga. (Johani 3:13) Wakabamusila yopano penyika akale bakashantilwa nozwazwo. Munshaji mfupi umuzha Jesu uchoomusa mabhiliyoni abanhu kuti belalame beshanta nokusinopela mupaladayisi penyika. Wakati “bose bamomumakumbu” kushanganisila naabo batakakanganwa bachoomuswa.—Johani 5:28, 29.
FUNDA ZUNJI
Tokoloja busumikiji bumomuBhayibhili bunotondeja kuti bakafa bachoomuswa. Funda kuti kumuswa kwabakafa kungakunyalaja chini akale kungata chini kuti ubenechibimbo.
4. Jesu wakatondeja kuti unokwanisa kumusa bakafa
Funda zunji nozwakatiwa naJesu etila unkwayina uwe Lazalo. Balani Johani 11:14, 38-44, akale kwejisani nemibhuzo yeyi:
-
Tozuziba chini kuti Lazalu wakabafa zwechokomende?—Linga vesi 39.
-
Ngana Lazalo wakenda kudenga, ubweni sokuti Jesu walomusa kuti elalame yopano penyika na?
5. Banhu banji bachoomuswa!
Balani Lwimbo 37:29, akale kwejisani nombuzo yoyu:
-
Mabhiliyoni abanhu bachoomuswa bachoogala kupi?
Jesu uchoomusa banhu banji naabo basijakabenamata Jehova. Balani Mishingo 24:15, akale kwejisani nombuzo yoyu:
-
Ndiyani wawunoda kobona emuswa?
Yeya nozu: Jesu unokwanisa kumusa unhu ulofa sozunota dade bemusa mwana wabo ulele
6. Kumuswa kwabakafa kungakunyalaja akale kungata kuti ubenechibimbo
Inyaya imomuBhayibhili yomwanansichana waJayilosi inonyalaja akale inokutayija banji balofilwa. Balani inyaya yadeni pana Luka 8:40-42, 49-56.
Esanu amusa mwanansichana waJayilosi, Jesu wakabuja dade bomwana kuti: “Usitye iba nokudimbwa chete.” (Linga vesi 50.) Chibimbo chokuti bakafa bachoomuswa chinokubhancha chini . . .
-
kana wafilwa nonhu wawunoda?
-
kana bupenyu bubo bulimubukukutu?
Yebani iVIDIYO, akale kwejisani nombuzo unotobela.
-
Chibimbo cholumuko chakabanyalaja akale chikabasimisa chini bazwali baPhelicity?
BAMWE BANOTI: “Azutota kuti banhu bakafa boomuswa.”
-
Ani iwi unotini?
-
Ndiyipi vesi yawungashingise inotondeja kuti kuchooba nolumuko?
INI ZWAWAFUNDA
IBhayibhili linobimbisa kuti mabhiliyoni abanhu alofa achoomuswa. Jehova unoda kuti belalame kabili akale wakapa Jesu isimba lyokubamusa.
Kubwilulula
-
Jehova naJesu banowha chini nokumusa bakafa?
-
Mabhiliyoni abanhu balofa bachoogala kupi kudenga kana kuti penyika? Neni udalo?
-
Ini zunotisa kuti ube nechokomende chokuti makamu awo achoomuswa?
PAMIJA PANA ZWAWAWANA
Bona zwawungate kuti umisikijane nobukukutu bokufilwa.
IBhayibhili lingatubula kubhancha unhu wafilwa na?
Bana bangamisikijana chini nokufilwa nonhu wabanoda?
Kuna bamwe bachoomuswa kuti belalame kudenga na? Kunabamwe bachoolekejwa kumuswa na?
“IBhayibhili Lithini Ngokuvuswa Kwabantu Abafileyo?” (Inyaya ipo peintaneti)
