EISHOMO 30
Abakundwa Baawe Abaafiire Nibaija Kuzooka!
Okufa nikureeta obusaasi bwingi n’enaku. Niyo nshonga ahabw’enki rufu neeyetwa omuzigu. (1 Abakorinso 15:26) Omu ishomo 27, oyegire ngu Yehova naija kusingura omuzigu ogwo. Kwonka shi niki ekirikwija kuhika ahari abo abaaherize kufa? Omu ishomo eri, noija kwongyera kwega aha kuraganisa kwa Yehova okw’okuzoora obuhumbi bw’abantu kugaruka kwesiimira amagara ebiro byona. Buzima naija kubazoora! Ahabw’enki twine obuhame obu? Nibaija kuzoorwa kutuura omu iguru nari omu nsi?
1. Yehova naayenda kukorera ki abakundwa baitu abaafiire?
Yehova aine ekihika ky’okuzoora abafu bakagaruka kugira amagara. Yobu akaba aine obuhame ngu Ruhanga tarikwija kumwebwa yaafa. Akagambira Ruhanga ati: ‘Noija kuunyeta, ninyija kukwetaba [kuruga omu Kituuro].’—Shoma Yobu 14:13-15.
2. Nitumanya tuta ngu abafu nibabaasa kuzooka?
Obu Yesu yaabaire ari omu nsi, Ruhanga akamuha amaani g’okuzoora abafu. Yesu akazoora omwishiki w’emyaka 12 na mutabani w’efaakazi. (Mako 5:41, 42; Luka 7:12-15) Bwanyima, Laazaaro munywani wa Yesu akafa. N’obu Laazaaro araabe yaabaire amazire ebiro bina afiire kandi aziikirwe, Yesu akamuzoora yaaba ohuriire. Yesu bwanyima y’okushaba Ruhanga, akeeta n’eiraka rihango ati: “Laazaaro, shohora, oije.” Kandi ‘nyakufa akashohora’ ahuriire! (Yohaana 11:43, 44) Teebereza okushemererwa oku banywani ba Laazaaro n’ab’eka ye baagizire!
3. Abakundwa baawe abaafiire nibaija kuzooka?
Baibuli neeraganisa ngu ‘nihaija kubaho okuzooka.’ (Ebyakozirwe 24:15) Boona abu Yesu yaazoire ira bakaba batagiire omu iguru. (Yohaana 3:13) Bakashemererwa kugaruka kutuura aha omu nsi. Nikyo kimwe, Yesu juba naija kuzoora obuhumbi bw’abantu reero beesiimire amagara ebiro byona omu paradiso omu nsi. Akagira ngu “abari omu bituuro boona” n’obu baakuba abo abarikureebeka nk’abaayebirwe, Ruhanga naabaijuka kandi naija kubazoora.—Yohaana 5:28, 29.
SHWIJUMA GYE
Shwijuma obuhame kuruga omu Baibuli oburikworeka ngu abafu nibaija kuzooka. Yetegyereze oku okuzooka kurikubaasa kukuhuumuriza kandi kukakuha n’amatsiko.
4. Yesu akooreka obuhame ngu naabaasa kuzoora abafu
Yongyera kumanya oku Yesu yaazoire munywani we Laazaaro. Shoma Yohaana 11:14, 38-44, kubaasa kugarukamu ebibuuzo ebi:
-
Nitumanya tuta ngu buzima Laazaaro akaba afiire?—Reeba omushororongo 39.
-
Ku ogire ngu Laazaaro akaba agiire omu iguru, noogira ngu Yesu akaba naija kumugarura kugaruka kutuura omu nsi?
5. Abantu baingi nibaija kuzoorwa!
Shoma Zaaburi 37:29, kubaasa kugarukamu ekibuuzo eki:
-
Obuhumbi bw’abantu abaraazoorwe nibaija kutuura nkahi?
Yesu naija kuzoora abantu baingi otwariiremu n’abatarabaasize kuramya Yehova. Shoma Ebyakozirwe 24:15, kubaasa kugarukamu ekibuuzo eki:
-
N’oha ou oyiniire ekihika ky’okureeba ku araazookye?
Teekateeka ahari eki: Yesu nikimworobera kuzoora omuntu nk’oku omushaija arikubaasa kusisiimura omwana we omu turo
6. Okuzooka nikubaasa kukuhuumuriza kukuhe n’amatsiko
Ebiri omu Baibuli ebirikukwata ahari muhara wa Yairo bibaasize kugumya baingi abarikuganya. Shoma ebyabaireho omuri Luka 8:40-42, 49-56.
Yesu atakazoire muhara wa Yairo, akagambira ishe w’omwishiki ogwo ati: “Otatiina, [gira okwikiriza kyonka].” (Reeba omushororongo 50.) Amatsiko g’okuzooka nigabaasa kukuhwera gata . . .
-
omuntu ou orikukunda yaafa?
-
amagara gaawe gaaba gari omu kabi?
Zaana VIDIYO, kubaasa kugarukamu ekibuuzo ekirikukurataho.
-
Amatsiko g’okuzooka gakagumya gata abazaire ba Phelicity?
ABAMWE NIBAGIRA NGU: “Kigumire kwikiriza ngu abantu buzima nibaija kuzooka.”
-
Iwe nooteekateeka ki?
-
Noobaasa kukoresa kyahandiikirwe ki kworeka ngu nihaija kubaho okuzooka?
OMU BUGUFU
Baibuli neeraganisa ngu obuhumbi bw’abantu abaafiire nibaija kuzoorwa. Yehova naayenda ngu bagarukye babe abahuriire, kandi ahaire Yesu amaani g’okubazoora.
Okweijutsya
-
Yehova na Yesu baine miteekateekyere ki aha kuzoora abafu?
-
Obuhumbi bw’abantu abaraazoorwe nibaija kutuura nkahi, omu iguru nari omu nsi? Ahabw’enki noogira otyo?
-
Niki ekirikukuhamiza ngu abakundwa baawe abaafiire nibaija kuzooka?
JUMBURA EBINDI
Manya bimwe ebi orikubaasa kukora kusingura okuganya.
Emisingye ya Baibuli neebaasa kuhwera omuntu orikuganya?
Abaana nibabaasa kwemera bata amaganya g’okufeerwa omukundwa waabo?
Haine abaraazoorwe kuza omu iguru? Ni baahi abatarikwija kuzooka?
Noobaasa Kukunda n'Ebi
EBIBUUZO EBIRIKUKIRA KUBUUZIBWA
Omushomo gw’Okwegyesa Baibuli ogw’Abajurizi ba Yehova Niki?
Omu ntebeekanisa ya busha ey’okuhikaanisa ebiteekateeko ey’Abajurizi ba Yehova, noobaasa kukoresa envunuura ya Baibuli yoona. Noobaasa kwega n’eka yaawe yoona nari kweta banywani baawe.
