LÈS 30
Bo Sernan Kerí Por Biba Atrobe!
Morto ta kousa hopi doló i tristesa. P’esei, Beibel ta yama morto un enemigu. (1 Korintionan 15:26) Den lès 27, bo a siña ku Yehova lo kaba ku e enemigu ei. Pero kiko lo pasa ku hende ku a muri kaba? Den e lès akí, lo bo siña tokante un otro bunita promesa di Yehova. Yehova lo lanta míles di miónes di hende for di morto pa nan por disfrutá di bida pa semper. Lo e resusitá nan! Esei por sosodé di bèrdat? Yehova lo resusitá nan pa biba den shelu òf riba tera?
1. Kiko Yehova ke hasi pa nos sernan kerí ku a muri?
Yehova ta anhelá pa lanta hende ku a muri for di morto. Yòb, un hòmber ku hopi fe, tabatin sigur ku Dios lo no lubid’é ora ku e muri. El a bisa Dios: “Lo bo yama, i lo mi kontestá bo [for di den Graf].”—Lesa Yòb 14:13-15.
2. Kon nos sa ku Yehova por resusitá hende ku a muri?
Ora Hesus tabata riba tera, Dios a dun’é poder pa resusitá hende. Hesus a lanta un mucha muhé di 12 aña i e yu hòmber di un biuda for di morto. (Marko 5:41, 42; Lukas 7:12-15) Despues, Hesus su amigu Lázaro a muri. Aunke a pasa kuater dia desde ku Lázaro a muri i ser derá, tòg Hesus a lant’é for di morto. Hesus a hasi orashon na Dios i bisa: “Lázaro, bin pafó!” Anto “e hòmber ku tabata morto a bini pafó.” Lázaro tabata na bida! (Huan 11:43, 44) Imaginá bo kon kontentu Lázaro su famia- i amigunan tabata!
3. Ki speransa tin pa bo sernan kerí ku a muri?
Beibel ta primintí: “Lo bai tin un resurekshon.” (Echonan 24:15) E hendenan ku Hesus a resusitá ora e tabata riba tera no a bai shelu. (Huan 3:13) Ora Hesus a lanta nan for di morto, nan tabata kontentu ku nan por a sigui biba aki riba tera. Di mes manera, pronto Hesus lo resusitá míles di miónes di hende pa disfrutá di bida pa semper den Paradeis riba tera. El a bisa ku tur hende ku ta den Dios su memoria lo ser resusitá, asta esnan ku kisas niun hende no ta kòrda mas.—Huan 5:28, 29.
KIKO MAS NOS POR SIÑA?
Wak ki evidensia Beibel ta duna ku hende morto por i lo ser resusitá. Haña sa kon e resurekshon por konsolá bo i duna bo speransa.
4. Hesus a demostrá ku e por resusitá hende morto
Haña sa kiko Hesus a hasi pa su amigu Lázaro. Lesa Huan 11:14, 38-44. Despues, analisá e siguiente preguntanan:
-
Kon nos sa ku Lázaro tabata morto di bèrdat?—Wak versíkulo 39.
-
Si Lázaro a bai shelu, bo ta kere ku Hesus lo a tres’é bèk for di shelu pa biba aki riba tera?
5. Hopi hende lo ser resusitá!
Lesa Salmo 37:29. Despues, analisá e siguiente pregunta:
-
Unda e míles di miónes di hende ku resusitá lo biba?
No ta hende ku a sirbi Yehova so Hesus lo resusitá. Lesa Echonan 24:15. Despues, analisá e siguiente pregunta:
-
Ken abo lo tin gana di mira lanta for di morto?
Pensa riba esaki: Hesus por resusitá un hende mes fásil ku un tata por lanta su yu for di soño
6. Resurekshon por konsolá bo i duna bo speransa
E relato di Beibel tokante e yu muhé di Yairo ta konsolá i animá hopi hende. Lesa e historia real ei na Lukas 8:40-42 i 49-56.
Promé ku Hesus a resusitá e yu muhé di Yairo, el a bisa Yairo: “No preokupá, djis mustra ku bo tin fe.” (Wak versíkulo 50.) Kon e speransa di resurekshon por yuda bo . . .
-
ora un ser kerí muri?
-
ora bo bida ta na peliger?
Pasa e VIDIO. Despues, analisá e siguiente pregunta:
-
Kon e speransa di resurekshon a konsolá i animá Phelicity su mayornan?
LOKE HENDE SA BISA: “Ora hende muri, nan ta bai shelu. Nan lo no ser resusitá pa biba aki riba tera.”
-
Kiko abo ta pensa?
-
Ki teksto lo bo por usa pa mustra ku mayoria di hende lo ser resusitá pa biba riba tera?
RESÚMEN
Beibel ta primintí ku míles di miónes di hende ku a muri lo ser resusitá. Yehova ke pa nan biba atrobe, i el a duna Hesus poder pa resusitá nan.
Repaso
-
Kon nos sa ku Yehova i Hesus ta anhelá pa lanta hende for di morto?
-
Unda e míles di miónes di hende ku resusitá lo biba, den shelu òf aki riba tera? Dikon bo ta bisa esei?
-
Kiko ta konvensé abo ku bo sernan kerí por biba atrobe?
MAS INFORMASHON INTERESANTE
Haña sa kiko por yuda bo ora bo pèrdè un ser kerí.
Prinsipio di Beibel por yuda un hende ku a pèrdè un ser kerí?
Kon mucha por trata ku morto di un ser kerí?
Tin hende ku lo ser resusitá pa biba den shelu? Ken lo no ser resusitá?
Otro Artíkulo Interesante
PREGUNTA KU HOPI HENDE SA HASI
Kon un Kurso di Beibel Ku Testigunan di Yehova Ta Bai?
Pa sigui un kurso di Beibel interaktivo grátis ku Testigunan di Yehova, bo por usa kualke tradukshon di Beibel ku bo ta preferá. Sinti bo liber pa invitá henter bo famia òf kualke amigu pa sigui e kurso di Beibel huntu ku bo.
