LECCIÓN 30
¡Nchao rukjan segikun ni nchiandui ke utabe̱ʼen!
Thi tade̱ʼeni thiaʼo anto tsje thi tángi ko thi jiaʼan. Mexinxin Biblia ndachro ke thi tade̱ʼeni jiʼi xraa naa thi dingakuaná (1 Corintios 15:26). Ngai lección 27, suixin bekangi ke Jehová utuin tasinchekjexin jiʼi. Aro keʼe tsuʼen kunixin ni utabinthege̱ʼen. Ngai lección jiʼi suixin sekangi de naa thi nandaʼa sincheʼe Jehová: jeʼe sinchengathjen tsje millón de chujni para ke sinthechuna see. ¡Jaan, rukjan sinthechuna! Ana denduaxin tsuʼen jiʼi. Ko si rukjan sinthechuna, a satsjina ngajni ani ngataʼa Nunthe sinthena.
1. Keʼe rinao sincheʼe Jehová ixi ni nchianduiná ke utabe̱ʼen
Jehová rinao ke ni tabinthege̱ʼen rukjana sinthechuna. Job, naa xii ke anto bachunthia ngai Ndo Dio, binuʼen jian ke rutjañeʼan Ndo de jeʼe ngai thi “jixrabaa”. Ndache Ndo Dio: “Jaʼa runichjana ko jaʼan sathaa” (tsjeʼe Job 14:13-15).
2. Kexrein nuanxina ke ni tabinthege̱ʼen nchao rukjana sinthechuna
Are Jesús beʼe nthiʼi ngataʼa Nunthe, Dio chjee poder para ke nchao binchengathjen ni tabinthege̱ʼen. Mexinxin Jesús nchao juincheʼe ke kjan bingathjen naa xan nchrichjan de 12 nano ko xeʼen naa nchrigaʼan (Marcos 5:41, 42; Lucas 7:12-15). Kuthejan xi jian baxrakao, Lázaro, kai tabe̱ʼen. Ko maski unuo nchaʼun dikjabaana, Jesús kjan binchengathjen. Kuthejan de bakeʼe naa thenchaun ngai Dio, tabetsjeʼe thi jixrabaa Lázaro ko seen ndachro: “¡Lázaro, dáchrje!”. Ko “thi utadigeʼen bachrje”, ¡ko kjan bechun! (Juan 11:43, 44). A dexraxaun kexrein chrjuinxin kunuʼen ni nchianduʼa ko ni jian baxrakao Lázaro.
3. A rukjan sinthechun ni nchiandui ke utabe̱ʼen
Biblia ndachro ke “singathjen ni tabinthege̱ʼen” (Hechos 24:15). Ni juinchengathjen Jesús jiʼa sadikjina ngajni (Juan 3:13). Kainxina chrjuin kunuʼena ixi kjan binthechuna nthiʼi ngataʼa Nunthe inaa bee. Jaña ínchi kuʼen aremee, Jesús utuin rukjan sinchengathjen tsje millón de chujni para ke sinthechuna nthiʼi ngataʼa Nunthe ke rukjan naa nthajie. Jeʼe ndachro ke “kainxin ni texrabaa” -o jiʼi ruchro, ni te ngai juaxraxauen Dio- rukjan sinthechuna, asta thi ni i xruʼin kensen xraxaun (Juan 5:28, 29, nota).
TANGI ICHA
Rutsjeʼená kekaa ndachro Biblia de ke ni tabinthege̱ʼen rukjan singathjena ko kexrein jiʼi jaan ruxethja. Kai rutsjeʼená kexrein jiʼi sekengijna ko nchao sechunthia.
4. Jesús kjuago ke nchao sinchengathjen ni tadinthege̱ʼen
Dekangi kekaa juincheʼe Jesús ixi Lázaro. Tsjeʼera Juan 11:14 ko 38-44, ko tjaura de jiʼi:
-
Kexrein nuanxina ke Lázaro denduaxin tabe̱ʼen (Tsjeʼera versículo 39).
-
Si Lázaro sarukji ngajni are tabe̱ʼen, a dexraxaun ke thi juincheʼe Jesús yaa thi icha ndakua beʼe ixi sarukiaʼo ngataʼa Nunthe inaa bee.
5. ¡Anto tsje ni rukjan singathjen!
Tsjeʼera Salmo 37:29 ko tjaura de jiʼi:
-
Thino sinthechun thi tsje millón de chujni ke rukjan singathjen.
Jesús jiʼa juo sinchengathjen ni juinchesayeʼe Jehová; kai sinchengathjen ichana. Tsjeʼera Hechos 24:15 ko tjaura de jiʼi:
-
Are singathjen ni tabinthege̱ʼen, kensen ruenthaxruxiʼan rueginkun.
Dexraxaun ngai jiʼi: para Jesús tángiʼa sinchengathjen ni tadinthege̱ʼen, jaña xraa naa ndudaʼa ke nchexingameʼe xeʼen are tajijua xan.
6. Thi singathjen ni tabinthege̱ʼen ncheʼe ke chunthianá
Thi thekin Biblia de xeʼen Jairo thengijna tsje ni tade̱ʼen naa ni nchianduʼa. Tsjeʼera thi kuʼen ke jitaxin ngai Lucas 8:40-42 ko 49-56.
Saʼo de runchengathjen Jesús xeʼen Jairo, ndache: “Xrauʼan, juʼo chunthia” (tsjeʼera versículo 50). Kexrein nchao sekengijna suixin si sechunthia ke kjan singathjen ni tadinthege̱ʼen...
-
... are tase̱ʼen naa ni nchianduintha.
-
... are jii de tase̱ʼentha.
Tsjeʼera VIDEO ko tjaura de jiʼi:
-
Kexrein thengijna ko nchesuji ni nchianduʼa Phelicity thi chunthiana ke rukjan sikuna ni tabinthege̱ʼen.
THI XRAXAUN INCHINA: “Anto tángi tununa sithikaʼun ke ni tadinthege̱ʼen rukjan singathjena nthiʼi ngataʼa Nunthe”.
-
Keʼe dexraxaun suixin.
-
Keʼe texto ruenchegunda para ruekjago ke jaan singathjen ni tadinthege̱ʼen nthiʼi ngataʼa Nunthe.
THI KUANGINÁ
Biblia ndachro ke tsje millón de chujni rukjan sinthechuna. Jehová rinao ke rukjan sinthechuna, mexinxin chjee Jesús poder para ke nchao sincheʼe jiʼi.
A xraxaun thi kuangi
-
Kexrein nuanxina ke Jehová ko Jesús urinaunkana sinchengathjena thi ni tadinthege̱ʼen.
-
Thino sinthechun thi tsje millón de chujni ke rukjan singathjen: a ngajni ani ngataʼa Nunthe. Keʼe dexraxaun suixin.
-
Keʼe ncheʼe ke suixin degithikaun ke jaan singathjen ni nchiandui ke tadige̱ʼen.
THJEE ICHA
Denchelee inchi thi nchao tsengijnani are tade̱ʼen naa ni nchianduʼeni.
“Ayuda para quienes están de duelo” (¡Despertad!, núm. 3 2018)
A nchao tsengijna thi ndachro ngaa Biblia naa ni tabe̱ʼen naa ni nchianduʼa.
Detsjeʼe kexrein nchao tsengijnani naa xan nchinchjan ke tabe̱ʼen naa ni nchianduʼe.
A singathjen chrujana ngajni. A seʼe ni singathjeʼan.
