Pish huañujpiga demasmi llaquirinchi. Chaimundami Bibliaga huañuidaga shuj enemigo gashcada nin (1 Corintios 15:26). Lección 27-bimi, Jehová Dios chai enemigoda tucuchina gashcada yachajurcangui. ¿Pero ña huañushca gentegunaunga imadi tucunga? Cai leccionbimi, Jehová Diosbu juila promesamunda ashtaun yachangui: paiga ñallami ashca huañushca gentegunada cai allpabi para siempre causallun causachinga. Huañushcagunaga causaringami, ¿caiga ciertollu fajtaringa? ¿Jahua cielobi o cai allpabillu causaringa?

1. ¿Huañushca familiagunamunda y amigogunamunda Jehová Diosga imadadi rrurrasha nin?

Jehová Diosga huañushca gentegunada causachinadami munan. Shinchi feda charij Job shuti jariga, pai huañujpi Pambashca gajpish Taita Dios na cungarinadaga seguromi garca. Taita Diosdaga cashnami nirca: “Can cayajpiga ñucami contestashami” (Job 14:13-15-da liyi).

2. ¿Huañushcaguna causarinadaga imamundadi crinchi?

Jesús cai allpabi gajpiga, Taita Diosga gentegunada causachillunmi poderta curca. Chaimundami, Jesusga 12 huataguna charij huarmi huambrada y viuda huarmibu churida causachirca (Marcos 5:41, 42; Lucas 7:12-15). Chai jipaga paibu amigo Lazaromi huañurca. Lazaroga chuscu funchagunadami pambashca garca, pero Jesusmi causachirca. Taita Diosda mañashca jipaga, ujtuda rricushmi: “Lázaro, llujshi” nish caparirca. Shina nijpimi “Lazaroga llujshimurca” y paiga causajmi garca (Juan 11:43, 44). Lazarobu familia y amigogunaga pai causarijta rricushaga demas contentomi sintirinajurca.

3. ¿Huañushca familiaguna y amigoguna causaringallu?

Bibliabiga “causarinami tiyanga” nin (Hechos 24:15). Jesús causachishca gentegunaga jahua cielomunga na rrircallu (Juan 3:13). Paigunaga cai allpabi causarinajurca. Ñallami Jesusga ashca millón huañushca gentegunada cai allpa paraíso tucujpi, caibi causallun churanga. Jesusga “ñallami tucui pambashcaguna shuj vozda uyash llujshinajunga”. Y Jehová Diosbu memoriabi gajgunaga causaringami nirca. Incluso genteguna huañushcagunada cungarishca gajpish, Jehová Diosga causachingami (Juan 5:28, 29, nota).

 CAI TEMAMUNDA MÁS YACHASHUNCHI

4. Jesusga huañushcagunada causachi pudishcadami rricuchirca

Jesús paibu amigo Lazaroda causachingabu imada rrurrashcada rricui. Juan 11:14 y 38-44-da liyish, chaimunda parrlaichi:

• ¿Lázaro de verdad huañushcadaga imashinadi yachanchi? (Versículo 39-da rricui).

• Lázaro huañush jahua cielomun rrishca gajpiga, ¿Jesús cutindi cai allpabi causallun apamushcadallu yuyangui?

VIDEODA rricui.

5. Ashca gentegunami causaringa

Salmo 37:29-da liyish, chaimunda parrlaichi:

• ¿Ashca millón causarishca gentegunaga maibidi causanajunga?

Jesusga na solo Jehová Diosda adoraj gentegunadallu causachinga; sino cutishuj gentegunadashmi causachinga. Hechos 24:15-da liyish, chaimunda parrlaichi:

• Huañushcaguna causarijpiga, ¿pidadi rricunada munanguimun?

• Huañushcaguna cutindi causarina esperanzada charinaga, ¿imashinadi Phelicity panibu taitamamadaga ayudashca?

 RESUMEN

Bibliaga ashca millón genteguna causarinadami nin. Jehová Diosga genteguna cutindi causarillunmi munan, chaimundami Jesusmun causachillun poderta cushca.

Repaso

• ¿Jehová y Jesús huañushcagunada causachinada munashcadaga imamundadi crinchi?

• ¿Ashca millón causarishca gentegunaga maibi causanadadi yuyangui: jahua cielobi o cai allpabi?¿Imamundadi shina yuyangui?

• ¿Canbu juyashca familiaguna cutindi causarinadaga imamundadi cringui?