30 YACHACHIKUY
¿Wañukuq runaqa yaqachu kawsarimunman?
Ayllunchik utaq amistadninchik wañukuptinqa llumpa-llumpaytam llakikunchik, bibliapipas ninmi wañuyqa enemigonchik kasqanta (1 Corintios 15:26). Yacharunchikñam hamuq tiempopiqa manaña pipas wañunanmanta. Kay yachachikuypim yachasunchik wara-waranqantin wañukuq runakunata Jehova Dios kawsarichimunanmanta. Chaymantaqa manam iskayrayachwanchu, ichaqa ¿maypitaq kawsarimunqaku? ¿Hanaq pachapichu icha kay pachapichu?
1. ¿Jehova Diosqa munachkanchu wañusqakunata kawsarichiyta?
Diosqa anchatam munachkan wañukuqkuna kawsarichiyta. Job sutiyuq runapas manam iskayrayarqachu Jehova Dios payta kawsarichinanmantaqa. Chaymi Diosta nirqa: “Qayaykamuwaptikim chaylla rimarimusaq”, nispa (leey Job 14:13-15).
2. ¿Imanasqataq mana iskayrayanchikchu wañusqakuna kawsarimunankumantaqa?
Jesus kay pachapi kaptinmi Jehova Dios atiyta quykurqa wañukuqkunata kawsarichinanpaq. Chaymi Jesusqa 12 watachayuq warmachata hinaspa viudapa wawantapas kawsarichirqa (Marcos 5:41, 42; Lucas 7:12-15). Lazarotapas tawa punchawña wañusqa kachkaptinmi kawsarirachirqa. Diosta mañakuspanmi Jesusqa maymi pampasqankuta qawariykuspan nirqa: “¡Lazaro, lluqsimuy!”, nispan. Hinaptinmi wañukuqqa lluqsiramurqa (Juan 11:43, 44). ¡Kawsariramusqanwanqa mayna kusisqachá tarikurqaku Lazaropa ayllunkunapas hinaspa amistadninkunapas!
3. ¿Aylluykikunawan amistadnikikunaqa kawsarimunqakuchu?
Bibliaqa ninmi ‘runakuna kawsarimunankumanta’ (Hechos 24:15). Jesuspa kawsarichisqan runakunaqa manam hanaq pachapichu kawsarirqaku (Juan 3:13). Hina kay pachapi kawsarispankum kusisqa karqaku. Hamuq tiempopipas kay pacha suma-sumaq kaptinmi, wara-waranqantin runakunata Jesus kawsarichinqa wiña-wiñaypaq kawsakunankupaq. Jesusmi nirqa: ‘Sepulturapi kaqkunam [...] kawsarimunqaku’, nispa. Chaywanqa nichkarqa Diospa yuyayninpi kaq runakuna kawsarimunankumantam, Diospa yuyayninpiqa kachkankutaqmi mana riqsisqanchik ñawpa runakunapas (Juan 5:28, 29, willakuy).
ASTAWAN YACHAYKUSUN
Kaypim yachasun wañukuqkuna kawsarimunankumanta mana iskayrayanapaq. Yachasuntaqmi kawsarimunankumanta yachasqanchik sunqunchikta tiyaykachinanmantapas.
4. Achka runakunam rikurqaku wañuqkunata kawsarichinanpaq Jesus atiyniyuq kasqanta
Amistadnin Lazarota Jesus kawsarichisqanmanta astawan yachanaykipaq leeychik Juan 11:14 hinaspa 38-44, chaymantañataq qatiqninmanta rimariychik:
-
¿Hayka punchawñataq Lazaroqa wañusqa karqa? (Kaqmanta leeykuychik 39 versiculota).
-
Runakunapa nisqankuman hina Lazaro wañukuspan hanaq pachapiña kachkaptinqa, ¿imapaqñataq Jesusqa kay pachaman kutichimunman karqa?
5. ¡Wara-waranqantin runakunam kawsarimunqaku!
Leeychik Salmos 37:29 hinaspa qatiqninmanta rimariychik:
-
¿Maypitaq wara-waranqantin kawsarimuq runakunaqa yachanqaku?
Jesusqa manam Diosta yupaychaqkunallatachu kawsarichinqa, kawsarichinqataqmi Diosta manaraq riqsichkaspa wañukuqkunatapas. Leeychik Hechos 24:15 hinaspa qatiqninmanta rimariychik:
-
Wañuqkuna kawsarimuptinkuqa, ¿piwantaq tupaykuyta munawaq?
Imaynam taytapas puñuq churinta rikcharichin, chaynam Jesuspas wañukuq runakunata kawsarichinqa.
6. Kawsarimunankumanta yachayqa sunqunchiktam tiyaykachin
Jairopa warmi churinta Jesus kawsarichisqanmanta bibliapi willakusqanmi achka runakunata kallpanchan. Chaymanta yachanapaq leeychik Lucas 8:40-42, 49-56.
Warmachanta manaraq kawsarichichkaspanmi Jesusqa Jairota nirqa: “Ama llakikuychu, iñiylla-iñiyqa”, nispa (kaqmanta leeykuychik 50 versiculota). ¿Imaynatam wañuqkuna kawsarimunankumanta yachasqaykiqa kallpanchasunkiman...
-
... aylluyki utaq amistadniki wañukuptin?
-
... wañuypa patanpi tarikuptiki?
VIDEOTA qawaykuychik hinaspa qatiqninmanta rimariychik:
-
Wañukuqkuna kawsarimunankumanta yachasqankuqa ¿imaynatam Felicitipa tayta-mamanta kallpancharqa hinaspa sunqunkuta tiyaykachirqa?
WAKIN RUNAKUNAM NINKU: “Wañuqkuna kawsarimunankumanta nisqankuqa yanqam”, nispa.
-
Qamqa ¿ima ninkitaq?
-
¿Ima textowantaq yachachiwaq wañuqkuna kay pachapi kawsarimunankumanta?
YUYARIYKUSUN
Bibliapiqa ninmi wara-waranqantin runakuna kawsarimunankumanta. Jehova Diosqa wañukuqkunata kawsarichinanpaqmi Jesusman atiyta quykun.
¿Ima niwaqtaq?
-
¿Imaraykutaq nichwan Jehova Dioswan Jesusqa wañuqkuna kawsarichiy munasqankuta?
-
Kawsarimuq wara-waranqantin runakunaqa, ¿hanaq pachapichu icha kay pachapichu kawsakunqaku? ¿Imaynanpitaq chaynata ninki?
-
¿Imanasqataq mana iskayrayankichu aylluykikunawan amistadnikikuna kawsarimunankumantaqa?
ASTAWAN YACHANAYKIPAQ
Aylluyki wañukuptin, ¿imaynatam sunquykita tiyaykachiwaq? Chaymanta yachanaykipaq kayta leey.
Pipapas ayllun wañukuptinqa, ¿bibliapi nisqanqa sunqunta tiyaykachinmanchu? Chaymanta kay videopi qaway.
¿Imataq sunqunchikta tiyaykachinman ayllunchik wañukuptin? (5:06)
Aylluyki wañukuptin warmachakunapa sunqunta imaynata tiyaykachinaykipaq kay videopi qawaykuy.
¿Pipas kawsarinqachu hanaq pachaman rinanpaq? ¿Pikunataq manaña kawsarimunqakuchu? Chaymanta kaypi yachay.
“¿Wañusqakuna kawsarimunmankuchu?” (Tarinkim jw.org nisqanpi)
Kaykunatapas leeykuy
TAPUKUYKUNA
¿Imaynatam Jehova Diospa testigonkunaqa bibliamanta yachachinku?
Jehova Diospa testigonkunaqa runamasinchiktam yanapaniku bibliamanta sumaqta yachanankupaq. Munasqayki bibliawanmi estudiawaq hinaspapas invitawaqmi aylluykikunata chaynataq amistadnikikunatapas.
