ROSO 30
Shiiˈrootto Manni Reyotenni Kaˈˈanno!
Shiiˈro lowo geeshsha xissiissanno hattono dadillissanno. Qullaawu Maxaafi reyo diinaho yaannohu iseraati. (1 Qorontoosi 15:26) Lemiina lamalki rosira, Yihowa konne diina hunannota ronsoommo. Kayi xaa geeshsha reyino manni hiikkannoyya? Konni rosira, Yihowa uyinonketa wole dhagge ikkitanno hexxo ronseemmo; hattino: isi kiirre tunqannikki manna reyotenni kayise hegerera hagiidhanni heeˈranno gede assanno. Konnira reyino manni kaˈˈanno yaate! Kuni addinta ikkannoreeti? Reyotenni kaˈˈanno manni gordohonso baattote aana heeˈranno?
1. Yihowa shiiˈnoommo manna hiissa hasiˈranno?
Yihowa reyino manna kayisate quqquxamanno. Ammanamino manchi Iyyoobi reyanno woyite Maganu hawannosikkita addaxxino. Isi Magano togo yiino: “Ati woshshattoe, anino [Waammate giddonni] yee yeemmohe.”—Iyyoobi 14:13-15, NW.
2. Reyino manni kaˈˈannota mayinni anfeemmo?
Yesuusi uullate aana noo yannara, reyino manna kayisanno gede Maganu wolqa uyinosi. Yesuusi 12 diri qaaqqonna mitto gunnitte mancho beetto reyotenni kayisino. (Maarqoosi 5:41, 42; Luqaasi 7:12-15) Gedensoonni Yesuusi jaali Aliaazaari reyi. Aliaazaari reyenna madaarrinku shoole barra ikkinoha ikkirono, Yesuusi iso reyotenni kayisino. Yesuusi huuccatto assiˈrihu gedensaanni, qoonqosi naggi asse “Aliaazaari, amo fuli!” yii. Hakkiinni “Aliaazaarino waammate giddonni . . . fuli.” Aliaazaari reyotenni kaino yaate! (Yohaannisi 11:43, 44) Hakka woyite maatesinna jaallasi mageeshshi geeshsha hagiidhitinoro hanni hedi!
3. Shiiˈrootto mannira noonsa hexxo maati?
Qullaawu Maxaafi, “Maganu [reyitinore] reyotenni kayisanno” yaanno. (Soqqamaasinete Looso 24:15) Yesuusi uullate aana noo yannara reyotenni kayisi manni, reyi woyite iimira dihaˈrino. (Yohaannisi 3:13) Isi insa reyotenni kayise koye uullate aana wirro lubbote heedhanno gede assinonsa; insano tennera hagiidhitino. Xaano Yesuusi muli yannara, lowo biliyoone ikkanno manna uullate aana gannatete hegerera hagiidhanni heeˈranno gede reyotenni kayisanno. Yesuusi, Maganu qaagannonsari baalunku, wole agurina reyiteenna mannu hawe agurinori nafa reyotenni kaˈannota coyiˈrino.—Yohaannisi 5:28, 29.
LEDDE XIINXALLI
Yesuusi reyitinore kayisa dandaannotanna kayisasino gattannokkita leellishshanno taje Qullaawu Maxaafinni rosi. Reyitinori kaˈannota afakki, sheshifachishshannohenna hexxo heedhannohe gede assitannohe gara xiinxalli.
4. Yesuusi reyitinore kayisa dandaannota leellishino
Yesuusi jaalisira Aliaazaarira maa assinoro ledde rosi. Yohaannisi 11:14, 38-44 nabbabbe; hakkiinni aante noo xaˈmuwa hasaabbe:
-
Aliaazaari addinta reyinota mayinni anfeemmo?—Kiiro 39 lai.
-
Aliaazaari reyi woyite gordo haˈrinoha ikkiro, Yesuusi iso gordunni dirrise uulla heeˈranno gede assannoha lawannohe?
5. Batinyu manni reyotenni kaˈˈanno!
Faarso 37:29 nabbabbe; hakkiinni aante noo xaˈmo hasaabbe:
-
Reyotenni kaˈˈannohu lowo biliyoone ikkanno manni hiikko heeˈranno?
Yesuusi, Yihowa magansiˈranno mannano agurranna wole batinye manna reyotenni kayisanno. Soqqamaasinete Looso 24:15 nabbabbe; hakkiinni aante noo xaˈmo hasaabbe:
-
Ati ayi kaeenna xaada hasiˈratto?
Hanni tenne hedi: Mitto anna goxino qaaqqosi kayisa qarrissannosikkinte gede, Yesuusano reyitinore kayisa horo diqarrissannosi
6. Kao sheshifachishshannohe hattono hexxo heedhannohe gede assitanno
Qullaawu Maxaafi kulannoti Iyairoosi qaaqqo xagge, shiiˈre xissiisiˈrinoha lowo manna sheshifachishshino hattono jawaachishshino. Luqaasi 8:40-42, 49-56 aana tenne addu xagge nabbabbe.
Yesuusi Iyairoosi qaaqqo reyotenni kayisara albaanni, iso “Ammani ikkinnina waajjitooti” yiino. (Kiiro 50 lai.) Kaote hexxo konni woroonni noo coyibba tuncu yitannohe woyite kaaˈlitannohehu hiittoonniiti?
-
shiiˈro amaddannohe woyite
-
heeshshokki qarru giddo ubbanno woyite
VIIDIYO laˈe; hakkiinni aante noo xaˈmo hasaabbe.
-
Kaote hexxo Filesitii annanna ama sheshifachishshinonsahu hiittoonniiti?
MITU MANNI TOGO YAANNO: “Reyino manni gordoho no.”
-
Ati tennera mayyaatto?
-
Rooru manni koye uullate aana reyotenni kaˈˈannota kulate hiikkonne qummeeshsha horoonsiˈratto?
XAPHISHSHA
Qullaawu Maxaafi, lowo biliyoone ikkanno manni reyotenni kaˈˈannota kulanno. Yihowa kuni manni galagale heeshshote heeˈrara hasiˈranno; hakko daafira reyotenni kayisannonsa gede Yesuusira wolqa uyinosi.
Kageeshsha Rosoottore
-
Yihowanna Yesuusi reyino manna kayisate quqquxantannota mayinni anfeemmo?
-
Reyotenni kaˈˈannohu lowo biliyoone ikkanno manni gordohonso uullate aana heeˈranno? Hatto yoottohu mayiraati?
-
Shiiˈrootto manni reyotenni kaˈˈannota ammanatto gede assinoheri maati?
EGENNO LEXXI
Xisso dandiite heeˈrate maa maa assa dandaatto?
“Dadillu Amadinonsare Kaaˈlitanno Amaale” (Baqqi Yiiyye! Kiiro 3 2018)
Qullaawu Maxaafi biddishshi shiidhe xissiisidhannore addinta kaaˈlanno?
Qaaqquullu muli fiixa woy jaala shiidhanno woyite cinca dandiitannohu hiittoonniiti?
Reyotenni kae gordo haˈranno manni no? Reyotenni kaˈˈannokkihu hiittoo mannaati?
“Qullaawu Maxaafi Reyotenni Kaˈˈate Daafira Mayyaanno?” (Webisayitenkera fultino borro)
Kurino Lai
DUUCHU MANNI XAˈMANNO XAˈMO
Yihowa Farciˈraasine Qullaawa Maxaafa Xiinxallissannohu Hiittoonniiti?
Yihowa Farciˈraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiˈra dandaatto. Xiinxallokkira maatekki gudisse woy jaallakki koyisa dandaatto.
